Mmarare 12:18 - mzwDBL

¹⁸ He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 12:18 ပူးပေါင်းရင်းမြစ်များ

Yela 32:11

He nɛra he wa aa toɡra, hé ɡel he sie lɛ hɛɛ hɛɡre, waa Korowii aa ɛa la wa. Nɛra haa dɛ teŋɛ o waa ta la, hé do lɔŋɔre silɛɛ ne.

Yela 68:3

Kɛ nɛra ba wa aa toɡra sie lɛo, baa hɛɡre hen Korowii sie, ba sie lɛo baa moo.

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Wejereme 3:12

Anomanta, n nao kɛŋɔ waa nɛwɛnyina aa won ɛ laanee kɛŋɔ, yá ɡel ya sie lɛ dɛɛ ɛ wedɛɛɡa ya soɡa bini harɛ nɔ ta.

Wejereme 5:18

Ate, n na kɛŋɔ a wer kɛ nɛn di kondikwa, dɛ́ nyɔ sen, ásɛ o sie lɛ koeh waa dɛ koh tɔpera tama, Korowii aa kpɔa tɛo harɛ nɔ ta. Waa aa chɔ le tɛo laanee la.

Aesaya 12:3

Gɛ nyɔɡre dɛ kpo nɛn o dɔ kɔlɔŋ nee nyɔ, o sie lɛ la, ɡɛɛ dɛ Korowii lɛ nɛra aa, ba sie ɛɛ lɛ.

We-ɛɛla 16:34

asɛ o kpɔ ba ba o dem, dɛ ba tɛɛ ba kondikwaa ba di. Ate, o ne o dem tena bwa sie lɛ kɛŋɔ baa yarada Korowii dɛ kpɔ ba te tɛo la.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Mmarare 12:14

Hé kpɔa ba bela Korowii aa le tɛ heya dɛ le he deene la bɛl harɛ ta la, belaa chɛ kɛ hé ɛ wobɛlbwa maa dɛ do heyaa a ta nɔ.

Mmarare 12:19

Hé nyiŋi kɛrɛdɛ dɛ bɛ Lewi dea tena la ba ta he soɡa bini bwa harɛ la ta.

Mmarare 12:5

Korowii haa dɛ tomɔ nɔɔ dɛɛ ba he deene la bwa baɡla harɛ la ta, bela waa dɛ nyin kɛŋɔ he bwa kaa cheme dɛɛ tomɔ.

Mmarare 12:7

Korowii sie belaa he ne he dem tena ɛɛ ba kwaa dii, dɛ́ɛ lɛ sie toma haa dɛ tomɔ nɔ wa.

Mmarare 14:23

Hé kpɔ he mea ne sen ne ɔleve noo haa bɔne a bini bɔre fi la bɔrbeŋkpoŋ, ne nao ne pee dɛ booh biloɡla kaa bela Korowii aa lea tɛ heyaa ŋɔ he tomɔ la, ásɛ dɛ ka dia o sie bela. Hɛ́ɛ ɛ ɡɛ dɛ́ che a ta dɛ́ɛ duu Korowii saŋ bɛlbwa.

Mmarare 15:20

Bela Korowii aa lea tɛ heyaa ŋɔ hɛɛ tomɔ la, belaa chɛ kɛŋɔ hé ne he haahna ne bii la ane bena bɛlbwa, dɛ́ ka kpoora dɛ́ dia Korowii sie.

1 Samoɛl 1:4

Saŋ bɛlbwa waa ka kpoo kwaa ɛ saraha la, o yon kpɔ o ola waa dɔa la ane ba tɛ Pɛnena, dɛ kpɔ ane ɡe tɛ bii la bɛlbwa.