Mmarare 11:14 - mzwDBL

¹⁴ wɛɛ ɡeloo bwaala nɛ heyaa saŋ aa chɛa ta, bwaala loɡla ne yoo bwaala bwa, ásɛ mea ne senfala ne ɔleve noo bu he nɛ,

Mmarare 11:14 ပူးပေါင်းရင်းမြစ်များ

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Jeremia 14:22

Harɛre voɡare aa wola tɔnɔ bɛlbwa dɔe ɛɛ won ɡel bwaala nɛ aa? Nyundua ɡe ɡbo ɛɛ won ɡel bwaala wir aa? Akai, hen Korowii yaa dɛ tomɛ ɡbosoroo dɛ won ɛ. Ya hwɛɡa bwa lɔ he nɛ, dɛkalkɛ he ɡboo wona dɛɛ ɛ ɡɛ waa nɔ bwa.”

Jeremia 5:24

He ta liire dɔe ŋwɛnɛ bɛlbwa ta kɛŋɔ he kpɔ duure tɛ mɛ. Menee ɡela bwaala loɡla ne yoo bwaala ɛɛ nɛ, he kondikwaare ɛɛ do wer, hɛɛ koma bena bɛlbwa.

Ɛsekeɛl 34:26

Mɛɛ swee ba ne harɛre aa chɔa bar n bwejen waa do ɡoroŋ dɛ do Jerusalam la andɛɛɡaa. Mɛɛ ɡeloo bwaala nɛ o saŋ ta, á ɛ bwaala dɛɛɡa.

Joel 2:19

Korowii chaŋ ba ŋɔ, “Mɛɛ tɛ heyaa mea ne senfala ne ɔleve noo kohonaa a maɡre he ne. Maa ɡel harɛre ta nɛra mamɛ heyaa kpa.

Lewi Dea Tena 26:3

Hé dɛ teŋɛ me Mmarare ne waa maa dɛ do heyaa a ta kɛrɛdɛ naa,

Lewi Dea Tena 26:4

mɛɛ ɡeloo bwaala nɛ o saŋ ta kɛrɛdɛ, ásɛ harɛ la ɛ kondikwaa kohona, daa haa dua he kooni ta ɡe bwa won nɔnɛ kɛrɛdɛ.

Malakae 3:11

Maa ɡel kwaa ba chɔɡ he koo kondikwaa kpa, dɛ́ ɡel he ɡrepo daa ɡe nɔnɛ kohona.

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Mmarare 28:12

Wɛɛ pili nyundua dɛ́ nɛ bwaala saŋ waa wera ta, dɛ́ kpɔ cha he toma ásɛ he dɔ dɛ́ kpɔ ane cha harɛre ane ɡe, he te aa wola ba bee la ka kemɛ bwa.

Jems 5:7

Kɛ yabala, hé lawɛ bambile, dɛ́ ka tel ɡɛ saŋ ya Dɔɔ la aa ba. Hé na ɡɛ paa yon so kpa bwaala loɡla á nɛ ó du o kwa, dɛ́ lawɛ bambile, ásɛ yoo ɡe yo mɔɔ o koo kwaa la yon ɛ la.