Mmarare 10:17 - mzwDBL

¹⁷ Korowii haa dɛ tomɔ nɔ ɡwaa voɡa bwa, onee dɔɔranar bwa Dɔɔ, O kan, o waa do ɔma kohona. Waa nɛn siebɔr nyiŋi, haa won yawɔ sen ɡe.

Mmarare 10:17 ပူးပေါင်းရင်းမြစ်များ

2 Webena 19:7

Hé kpɔ duure dɛɛ tɛ Korowii, dɛ́ nyiŋi kɛrɛdɛ dɛɛ bol waa aŋwɛnɛ ta, dɛkalkɛ Korowii yaa dɛ tomɔ be te, waa waa sie berɛ bole pae ta, waa nɛn siebɔr kɛɛ sen yawa nyiŋi.”

Nehemia 1:5

“N Naa Korowii haa dɛ di kora nyundua, he kan dɛ do ɔma kohona. He dɛ teŋɛ fɔo he ne nɛra baa dɛ nyini aa fɔwa, dɛɛ teŋɛ he Mmarare ta kasinteŋ ne.

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

Nehemia 9:32

Nemenɛ Korowii yaa dɛ tomɛ, he kan dɛ do kpeɡri, he waa ɔma kohona. He waa dɔ kasinteŋ hɛɛ teŋɛ fɔo he ne ya naawa aa fɔwa ta. Dɛ le saŋ Asiiria koranar aa fiiɡi yaa dɛ ba le saŋ nɔ, na ɡɛ ya bwara aa nyɛɡa. Ya koranar ne nomonome, ne sɔfore ne Korowii keamere ne ya naawa, dɛ nɛra bwa na bonyɛɡa, na ɡɛ ya bwara aa nyɛɡa.

Job Tɔn 34:19

Waa koranar siebɔr nyiŋi, waa suuɡa tena kpɔe dɛɛ ɡwaa nyaara, dɛkalkɛ, onee ta ba bwa.

Yela 99:3

Nomɛlbwa ɛɛ kpɛɛ o sɔn waa kana dɛ dɔ jirima laanee, onee do ɡoroŋ kohona.

Kaala 23:8

He bɛ nɛn sen dɛɛ yawɛ, nɛn sen yawa dɛ tɔ nɛra baa dɛ bol waa la sie, dɛɛ ɡole nɛn o wa aa toɡra waa sie.

Aesaya 37:16

“N Naa Koranar Bwa Kooro, Israel tena aa dɛ tomɛ, he so kena kwaa Kerobim doa. Korowii bɛlbwa toole ka ja he nɛ dɛɛ nyiŋi harɛre bwa ta. Henee ta nyundua ne harɛ.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Jeremia 20:11

Kɛ hen Korowii, he ja n nɛɛ kɛŋɔ banyoo ken, anomanta, nɛra baa cheɡɛ n nɛɛ bwa ɛɛ horɔɔ. Sihiih ɛɛ kpo ba saŋ bɛlbwaa dɛɛ la, dɛkalkɛ ba wobɛlbwa aa maɡra ba. Nɛra aa sihiih baa di la soeh ba bwa.

Jeremia 32:18

He baɡle he nyina nɛra kaɡboŋa nɛ, kɛ he berɔ dɛɛ tɛr nɛra deŋne ba mɛɛnanar wechɔɡa baa ɛa wa. He kan dɛ do kpeɡri, henee Koranar Bwa Kooro.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 2:45

Daneɛl berɔ ŋɔ, “Bwekuŋi la waa wola nɛn nɔn ta leɛ, dɛ le bwejen tenten bɛl ta, dɛ ba lɔ buni ne ayaawa ne choh ne suuɡapoŋ dɛ suuɡaswɛm la, dɛ kuuɡu burbur ken la munii. Nemenɛ Korowiirii baɡle kooro waa aa dɛ ba chiɡa kerekere. Deera haa deera la munii n baɡle dɛ berɛ baɡle a mun kɛrɛdɛ ken tɛɛ la.”

Daneɛl 2:47

Kooro la ŋɔ Daneɛl be ŋɔ, “Kasinteŋ, Korowii haa dɛ tomɔ la ɛ Dɔɔranar bwa Dɔɔ, ne Koranar Bwa Kooro dɛ ɡela nɛra won dɛɛ na chaahna dɛ won a mun baɡla, dɛkalkɛ he wono baɡle waa aa sɔah nɔ mun.”

Amanesoma Mak Aa Chwera Tɔn 12:14

Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”

We-ɛɛla 10:34

Belaa Pita pa o wobol mun dɛ ŋɔ, “Taraken te n nao kɛŋɔ kpela, nɛwɛnyini bɛlbwa ta o dɔŋ ɡwaalɛ Korowii be.

Tɔn Pɔɔl Aa Chwerɛ Rom Tena 2:11

Korowii aa nomɛl waa nyin ɡwaa bɛl.

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Ɛfesos 6:9

Dɔɔranar, hɛ́ɛ ɛ he bonɔɔna ne toli ɡe kɛrɛdɛ, dɛ́ ɡel ba fiiɡa. He jemɔ kɛŋɔ he ne ba bwa Dɔɔ lɔ beŋkpoŋ nyundua. Waa bane nyine dɛɛ ɡwaa bane.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Mmarare 16:19

Hɛ́ɛ bol waa kasinteŋ dɛ bɛ a sie laa dɛɛ berɛ. He bɛ nɛra siebɔr dɛɛ nyiŋi, he bɛ ɡel baa yawɛ heyaa sen, dɛkalkɛŋɔ ɡɛ dɛ berɛ waa sie, dɛ berɛ ɡel nɛn waa jemɛ waa o waa dɔ kasinteŋ la ɛɛ teŋe nyosone.

Mmarare 24:17

Hé bol waa kasinteŋ dɛɛ tɛ nɛŋhɔɔhra ne bilalbii. He bɛ luhaahna yale lɛ dɛ́ɛ cheɡ awɔba.

Mmarare 27:25

Bá berɛ ŋɔ, ‘Nomɛlbwa waa daŋre suuɡa ne dɛ́ kpo nɛn waa wola wechɔɡa ɛɛ la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Mmarare 7:21

Anomanta, he bɛ ban ɔmɛ. Korowii haa dɛ tomɔ nɔ lɔ he baah ta, o kan o waa do ɔma kohona.

Kolosi 3:25

Nomɛlbwa waa dɛ ɛ wechɔɡa la, wɛɛ dɔ o wechɔɡa kembɔree. Korowii aa bane siwii nyiŋi ɡwaa bane.

1 Timoti 6:15

Dɛ o tɔpere baa telaa, Korowii ɛɛ ɡeloo ó berɛ ba. Korowiirii chɛ kpɛɛra. O ɡboo ɛ komɛlbwa nyu. Koranar Bwa Kooroo on, asɛ dɔɔranar bwa ɡe Dɔɔree on.

Josua 22:22

“Ya dɛ soŋe Nemenɛ Korowii waa do kpeɡri, ásɛ o ɛ ya danseɛ, ásɛ Israel tena jemɛ kɛŋɔ saraha kon yaa mao tɛ ya te nɔ ɛ deŋnekpeɡ, kɛɛ dɛ vɛɛh ya vɛoh waa, ó bɛ yaa ɡel fini.

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 19:16

Sɔn bɛl dawɛ o yal ne o hwii ta. Gɛ sɔn laanee koranar bwa kooro ne dɔɔranar bwa dɔɔ.