Matiu 9:9 - mzwDBL

⁹ Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Matiu 9:9 ပူးပေါင်းရင်းမြစ်များ

Amanesoma Mak Aa Chwera Tɔn 3:18

ne Andriu ne Felep ne Batolomeo, ne Matiu ne Tɔmas ne Alfeɔs bie Jems, ne Tadeɔs, ne Seemɔn Sɛlɔt,

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

We-ɛɛla 1:13

Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.

Amanesoma Luk Aa Chwera Tɔn 6:15

dɛ kpɔ Matiu ne Tɔmas ne Alfeɔs bie Jems, dɛ Seemɔn baa dɛ yerɔ Sɛlɔt la,

Matiu 10:3

Felep ne Batolomeo, ne Tɔmas ne Matiu o fa aa dɛ lɛ toɔ la, ne Jems waa ɛ Alfeɔs bie la dɛ Tadeɔs,

Ɛsra 4:13

N naa kooro, berɛ jemɛ kɛŋɔ dɛ ba wono kwaa do bwɛjen nɔ tonaa, baa toɔ bɛlbwaa bɔ tɛɛ kpa, ásɛ komɛlbwa aa he kara munii do kpa.

Matiu 8:22

Anee Yeesu chaŋo ŋɔ, “Hé te teŋɛ n nɛ, dɛ́ ɡel nɛra baa wola Korowii mkpa dɔe, dɛ do kɛ nɛra baa sewa Korowii ta la ɛɛ huɡe ba dɔŋa.”

Matiu 9:10

Yeesu la Matiu dem dɛ ka so tiɡ ta. Waa dɛ di kwaa la, toɔ lɛɛra baa dɛ bɔ apoo ne wechɔɡ-ɛɛra pirim baa ja o ne o habɔteŋra la nɛɛ baa di.

Matiu 20:4

Anee o ŋɔ ba be ŋɔ, ‘Hé ɡe kaa n koo la ta ka ɛ toma, ásɛ n tɛ heyaa kembɔr aa chɛ heya.’