Matiu 9:6 - mzwDBL

⁶ Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “Ir dɛ́ kpɔ he kalaŋ kaa dem!”

Matiu 9:6 ပူးပေါင်းရင်းမြစ်များ

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Maeka 7:18

N Naa Korowii yaa dɛ tomɛ, nomɛlbwa ta do kɛŋɔ hen, he kpɔ he nɛra baa kaa wechɔɡa dɛɛ kɛ ba, he nɛra baa ɛ he kapɛrɛ nɛra la. He baah diu waa, aa biɡri, he sie dɛ lɛ kɛ hɛɛ na ya sum.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Matiu 9:2

Belaa nɛra bane kpɔ weela te bɛl waa kuuɡa so fɔɔ kalaŋ ta dɛɛ chemo. Yeesu aa na ɡɛ baa yaradao la, o ŋɔ naate waa kuuɡa la be ŋɔ, “Sɔɔh bwara. Aa maɡroo, n bie. N kpɔ he wechɔɡa kɛɛ.”

Matiu 9:5

Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ valɛ, a bini umee kpeɡa ɔ?

Matiu 9:7

Baa la den ir che dɛ kaa o dem.

Amanesoma Mak Aa Chwera Tɔn 2:10

Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.”

Amanesoma Mak Aa Chwera Tɔn 2:7

“Ɛrɛɛ o do dɛɛ bol waa ɡɛ nɔɔ? Korowii ɡboo won wechɔɡa kpɔe dɛ kɛ. Aa! O dɛ ɛ Korowii nɛnhɛla.”

Amanesoma Luk Aa Chwera Tɔn 5:21

Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”

Amanesoma Jɔn Aa Chwera Tɔn 10:28

asɛ mɛɛ tɛa mkpa aa wola jaɡa dɔe bwa. Aa sewɛ bwa ɡe. Nomɛlbwa ɡe aa won toa le n nɔn ta.

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Amanesoma Jɔn Aa Chwera Tɔn 5:27

asɛ dɛ tɛo kpeɡri kɛ ó won dɛɛ bol nɛra waa dɛɛ pa bole, dɛkalkɛ o Bie laanee Nɛn Bie la.

Amanesoma Jɔn Aa Chwera Tɔn 5:8

Asɛ Yeesu ŋɔ o be ŋɔ, “Ir che, dɛ́ kpɔ he kalaŋ kaa!”

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

We-ɛɛla 9:34

Pita ŋɔ o be ŋɔ, “Aeneas, Yeesu Kristo chaeh. Ir che dɛ́ ɡuɡri he kalaŋ buɡ nɔ ta.” Buɡ la ta, dɛ Aeneas iro che.

2 Kɔrent 2:10

Nomɛlbwa haa kpɔ o wechɔɡa kɛo la, n ɡe kpɔɔ kɛo. Nomɛl ɛɛ mɛ waane a chɛ kɛ ń kpɔ kɛo waa, n koh he waa dɛ kpɔ kɛo Yeesu Kristo siwi ta,

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Kolosi 3:13

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.