Matiu 9:36 - mzwDBL

³⁶ Waa na nɛnlaa la ɡɛ la, o dɔ tedoma tɛɛ ba, dɛkalkɛ ba ɛ nɛra ba bwara aa dɛ nyɛɡ baa wola Lɛɛ dɔe kɛ peera aa wola teɡre dɔe ken.

Matiu 9:36 ပူးပေါင်းရင်းမြစ်များ

1 Koranar 22:17

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

2 Webena 18:16

Mikaya ŋɔ, “N na Israel laa tena baa perɛ deŋɡarere ta kɛŋɔ peera aa wola teɡre dɔe ken. Asɛ Korowii ŋɔ, ‘Ba ta sitɔɔ dɔe, ɡel bá berɛ kaa dem deŋnesɔɔhna ne.’ ”

Aesaya 13:14

Hɔɔhra baa soɡe Babelɔn ɛɛ lɔɔ peɡre, dɛ́ kaa ba harɛre ta kɛŋɔ kpaahna aa jo kweɡli baah a lɔ peɡre la. Baa chwao peɡre kɛŋɔ peera aa wola teɡre dɔe ken.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Sekaria 11:16

N dɛ ba peteɡre bɛl ne harɛ la ta. Waa peera aa nyoɡra la bɔree ɡaaɡe, waa a bii nɛɛ nyiŋi, waa anɔ la baa doa bola laanee chah, waa anɔ la aa dɔ bokpeɡa la ɡe kondikwaa tɛ. Anɔ la aa do bwara la, wɛɛ kpoora dɛɛ chwe, hale dɛ́ teŋni a nafikokore dɛɛ ta.

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Matiu 10:6

Hé kaa Israel tena baa do kɛŋɔ peera aa nyoɡra la be,

Matiu 14:14

Yeesu aa le ɡbera la bini, dɛ nɛnlaa tenten lɔ bela. Ba waa domɛ o tea, asɛ o chah ba bini weela tena.

Matiu 15:24

Anee Yeesu chaŋe ŋɔ, “Nɛra baa do kɛŋɔ peera aa nyoɡra dɛ le Israel tena bini la ɡbo waa ba tom mɛ ŋɔ ń ba ɡaaɡe ba bɔr.”

Matiu 15:32

Yeesu yerɛ o habɔteŋra la dɛ ŋɔ ba be ŋɔ, “Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di. Dɛ n ɡel ba ɡɛ ba kpɔ lɔr kaa laa, baa ɡwɛɡre ŋwɛnɛ taa.”

Amanesoma Mak Aa Chwera Tɔn 6:34

Yeesu aa le ɡbera la bini la, dɛ nɛnlaa tenten lɔ bela. Ba waa domɛ o tea, dɛkalkɛ dɛ ba do kɛ peera aa wola teɡre dɔe ken. Anomanta, o chaɡ ba waa taeh.

Amanesoma Mak Aa Chwera Tɔn 8:2

“Nɛra nɔ waa dɛ domɛ n tea, dɛkalkɛ n ne baa soɡa tɔpera atoroo nɔ, taraken ba ta komɛlbwa dɔe dɛ́ di.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 5:2

A ɡɛ Sɔfonomoa nɔ ɛɛ wonoo dɛɛ sune nɛra baa wola waa jemɛ dɛɛ koni la nɛ, dɛkalkɛŋɔ o ɡba kwaraa ta kpeɡri dɔe dɛ́ won dɛɛ vɛh wechɔɡa ɛɛ.