Matiu 9:13 - mzwDBL

¹³ Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Matiu 9:13 ပူးပေါင်းရင်းမြစ်များ

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Hosia 6:6

He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Matiu 12:3

Anee Yeesu chaŋ ba ŋɔ, “He ta kure na ɡɛ ya naa Devid aa ɛa ɡɛ saŋ lɔr aa dɛ kpo o ne o nɛra la kɛɛ?

Matiu 12:5

Kɛɛ he ta kure na ɡɛ Mosis Mmara la aa baɡla kɛ, sɔfore baa dɛ ɛ toma Korowii Dea Ona Tɔpere la ta la, dɛ koni Ona Tɔpere Mmara la, kɛ ba ɡe aa bolchɔɡe di aa?

Matiu 12:7

Korowii Tɔn dɛ baɡle kɛ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ.’ Dɛ he fe jemɛ waa nɔ mun aa, he fe aa nɛra nɛɛ nya ŋɔ ba di bolchɔɡe,

Matiu 19:4

Anee Yeesu chaŋ ba ŋɔ, “He ta Korowii Tɔn la kure no kɛɛ? Korowii waa ta kwaa bwa la, waa dɛ ba nɛwɛnyini tae la, baa ne haahnee o ta,

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 3:8

Hɛ́ɛ ɛ waa aa dɛ chaɡle kɛŋɔ he charɛ he liire le he wechɔɡa ta.

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Amanesoma Mak Aa Chwera Tɔn 12:26

Nɛra seo ta ira ɡe la nɔ, dɛ he dɛ lii Mosis Tɔn bini waa ane aa dɛ baɡle dawii fuih la wa aa, ba chwerɛ bela ɡɛ Korowii aa ŋɔ Mosis be ŋɔ, ‘Menee Korowii he nabaala Abraham ne Aesek dɛ Jekɔb aa tomɔ la aa?’

Amanesoma Mak Aa Chwera Tɔn 12:33

A chɛ kɛŋɔ yá nyinu ya bambile ne ya liire ne ya bokpeɡa bwa ne, dɛ́ nyin ya dɔŋa kɛŋɔ yaa dɛ nyin ya ɡbaɡba la. A ɡɛ mmarare anɛ nɔ ta teŋaa wera ɡwaa ɡɛ bwa yaa kpoo kwaa dɛ fuah dɛɛ tɛ Korowii, dɛ che kwaa kaa tɛo.”

Amanesoma Mak Aa Chwera Tɔn 2:17

Yeesu aa no ɡɛ waa nɔ la, o ŋɔ ba be ŋɔ, “Weela tenaa hiah tɛɛɡa te, bokpeɡa tena laa.” Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Amanesoma Luk Aa Chwera Tɔn 10:26

Anee Yeesu chaŋo ŋɔ, “Ɛrɛɛ Korowii Tɔn la baɡle ɔ? Ɛrɛɛ hɛɛ no a mun ɔ?”

Amanesoma Luk Aa Chwera Tɔn 19:10

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”

Amanesoma Luk Aa Chwera Tɔn 24:47

ásɛ ba che o sɔn ta dɛ́ bol Amanesoma la dɛ́ ŋɔ nɛ́ra charɛ ba liire dɛ́ le wechɔɡa ta, ásɛ Korowii kpɔ ba wechɔɡa kɛ ba, dɛ pa mun le Jerusalam dɛ baɡle ɡɛ waa nɔ harɛ bobɛlbwa.

Amanesoma Luk Aa Chwera Tɔn 5:31

Yeesu aa no ɡɛ waa nɔ la o ŋɔ ba be ŋɔ, “Weela tenaa dɛɛ ɡaaɡe tɛɛɡa te bɔr, bokpeɡa tena laa.”

Amanesoma Luk Aa Chwera Tɔn 5:32

Dɛ ŋɔ, “Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Amanesoma Jɔn Aa Chwera Tɔn 10:34

Yeesu chaŋ ba ŋɔ, “Korowii Tɔn baɡlɔ kɛŋɔ Korowii bolɔ ŋɔ, ‘He bɛlbwa do kɛ Korowii.’ He ta kure no kɛɛ?

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.