Matiu 8:22 - mzwDBL

²² Anee Yeesu chaŋo ŋɔ, “Hé te teŋɛ n nɛ, dɛ́ ɡel nɛra baa wola Korowii mkpa dɔe, dɛ do kɛ nɛra baa sewa Korowii ta la ɛɛ huɡe ba dɔŋa.”

Matiu 8:22 ပူးပေါင်းရင်းမြစ်များ

1 Koranar 19:20

Elaesa ɡel nae la dɛ chwa teŋɛ Elaeja nɛɛ dɛ ŋɔ, “Gel ń ka kal n nya ne n mɛɛ dɛ́ ba n ne he kaa.” Anee Elaeja ŋɔ, “Hɛɛ won berɛ kaa, kɛ lii anɔ la bwa maa ɛa tɛɛ.”

Matiu 8:21

Anee o habɔteŋra la bɛl ŋɔ, “N Dɔɔ, ɡel n la, ásɛ n mɛɛ baa sewaa ń huɡo mɔɔ dɛ́ ba teŋɛ he nɛ.”

Matiu 9:9

Yeesu aa le bela dɛ valɛ dɛɛ kaa la, o kaa na baa bɛl waa dɛ lɛ toɔ baa yerɔ Matiu, dɛ o soɡe o toma ta dɛɛ lɛ toɔ. Anee Yeesu ŋɔ o be ŋɔ, “Ba teŋɛ n nɛ.” Asɛ Matiu ir dɛ teŋɛ o nɛ.

Amanesoma Mak Aa Chwera Tɔn 2:14

Waa vala baa kaa la, o na baa bɛl waa soɡe o toma ta dɛɛ lɛ toɔ, baa yerɔ Lewi, o mɛɛ ɡe sɔne Alfeɔs. Anee Yeesu ŋɔ o be ŋɔ, “Ba teŋɛ n nɛ.” Asɛ o ir dɛ teŋɛ o nɛ.

Amanesoma Luk Aa Chwera Tɔn 15:24

dɛkalkɛŋɔ n fa liiro kɛŋɔ n bie nɔ sewɔ, asɛ o berɛ ba nɔ. O fa aa nyoɡra la, taraken te n nao.’ Ate, ba ɛ kondikwaare dɛɛ di dɛɛ lɛ ba sie tenten.

Amanesoma Luk Aa Chwera Tɔn 15:32

He nime nɔ aa nyoɡra dɛ berɛ ba nɔ, a chɛ kɛŋɔ yá ɡel ya sie lɛ, dɛkalkɛŋɔ ya ŋɔ o sewɔ, o berɛ ba nɔ, ya ŋɔ o nyoɡrɔ, kɛ taraken ya nao.’ ”

Amanesoma Luk Aa Chwera Tɔn 9:59

Asɛ o berɛ ŋɔ baa bɛl ɡe be ŋɔ, “Teŋɛ n nɛ.” Anee baa la ŋɔ, “N Dɔɔ, ɡel n la, ásɛ n mɛɛ baa sewaa, ń huɡo mɔɔ dɛ́ ba.”

Amanesoma Luk Aa Chwera Tɔn 9:60

Asɛ Yeesu chaŋo ŋɔ, “Gel nɛra baa wola Korowii mkpa dɔe la huɡe ba dɔŋa, ásɛ he ka bol Korowii Kora la bini waa baɡle nɛra.”

Amanesoma Jɔn Aa Chwera Tɔn 1:43

Tɔ aa pera la, Yeesu ɛo kɛŋɔ wɛɛ la Galilia harɛ taa. O kaa na Felep dɛ ŋɔ o be ŋɔ, “Baa teŋɛ n nɛ!”

Amanesoma Jɔn Aa Chwera Tɔn 21:19

O bol anɔ dɛ kpɔ dɛɛ baɡle seo la soo Pita aa dɛ ba sewa, á che a ta Korowii dɔ jirima. Waa bol ɡɛ tonɛ la, o ŋɔ Pita be ŋɔ, “Dɛɛ teŋɛ n nɛ.”

Amanesoma Jɔn Aa Chwera Tɔn 21:22

Belaa o chaŋo ŋɔ, “Dɛ n dɛ nyin kɛ o so le dɛ ka tel saŋ maa ba kwaraa naa, he waanee yaa? He te ɛɛ teŋɛ n nɛ!”

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

Kolosi 2:13

He wechɔɡa ne he dobene Korowii fa aa wola teŋe ta la ɡelɔ he fa do kɛŋɔ he serewɔ. Kɛ he ne Yeesu Kristo aa pɛa la, Korowii kpɔ he bwa wechɔɡa kɛ heya, dɛ tɛ he bwa mkpafale.

1 Timoti 5:6

Kɛ luhaah bodia wa aa dɛ lɛ o sie la, o soɡe le te, kɛ o do kɛŋɔ nɛn waa sewa.