Matiu 8:15 - mzwDBL

¹⁵ Yeesu lawɛ o nɔn, weela la le o nɛ o bwara sɔɔhno, asɛ o ir dɛ daa kwaa tɛo.

Matiu 8:15 ပူးပေါင်းရင်းမြစ်များ

2 Koranar 13:21

Awola bɛl, dɛ Israel tena dɛ huɡe nomɛl, asɛ dɛ na Moab nɛnlaa bane baa dɛ ba ba kah ba kwa. Anee Israel tena la kpɔ chɔɔ la ta bwebɔɔ baa huɡe Elaesa o bini la, dɛ chwa kaa. Chɔɔ la aa dena ka leɡe Elaesa hoɡa la, o berɔ dɔ mkpa dɛ ir che o naa ta.

Aesaya 6:7

dɛ ba kpɔ tɔrɛ n nyoa dɛ ŋɔ, “Na, nihɔl nɔ aa tɔre he nyotɔn nɔ, he bolchɔɡ bwa le he nɛ. Korowii kpɔ he wechɔɡa kɛɛ.”

Matiu 14:36

Ba soŋo ŋɔ ó ɡel weela tena la leɡe o batakaare nyoa ɡbo ásɛ dɛ ɡbaŋre. Asɛ banɔ baa leɡe o batakaare nyoa la bwa ɡbaŋre.

Matiu 20:34

Yeesu dɔ tedoma tɛɛ ba, dɛ kpɔ o nɔn leɡe ba sibie. Buɡ la ta, dɛ ba sie pilo ba won dɛɛ na, dɛ teŋɛ Yeesu nɛ.

Matiu 8:14

Yeesu la Pita dem dɛ ka na kɛ Pita helahaah bwara wɔrɔbɔ o chɔ kalaŋ ta.

Matiu 8:16

Bɔr aa joa la, ba kpɔ nɛra kwaa aa dɛ ir ba nɛɛ ba Yeesu be, o kpɔ o nyoa wobol doŋi kwaa la le ba nɛ, asɛ dɛ chah weela tena ɡe.

Matiu 8:3

Yeesu tɛr o nɔn dɛ leɡo dɛ ŋɔ, “N sɛoh. N ɡelɔ he bwara kwaa.” Buɡ la ta, weela la den le o nɛ.

Matiu 9:20

Belaa haah bɛl chal aa fuɡo bene fi dɛ anɛ ba kpɔ Yeesu habɔɔ, dɛ ka leɡe o batakaare nyoa.

Matiu 9:29

Anee Yeesu kpɔ nɔn leɡe ba sie dɛ ŋɔ, “Gɛ haa dɛ yarada la, á ɛ ɡɛ tɛ heya.”

Amanesoma Mak Aa Chwera Tɔn 1:29

Baa le cheremi dea bela la, ba ne Jems ne Jɔn pa sie kaa Seemɔn ne Andriu dem.

Amanesoma Mak Aa Chwera Tɔn 1:41

O waa do Yeesu sum, o tɛr o nɔn leɡo dɛ ŋɔ, “N sɛoh. N ɡelɔ he bwara kwaa.”

Amanesoma Luk Aa Chwera Tɔn 8:54

Waa ba bie la jwɛɛh la, o lawɛ o nɔn dɛ kpɔ takpeɡ ŋɔ, “Bie, ir!”