Matiu 7:29 - mzwDBL

²⁹ dɛkalkɛ a ta do kɛ ɡɛ Tɔnjerema la yon dɛɛ baɡle la. O te dɛ bol waa kɛ nɛn waa dɔ waa bwa kpeɡri ken.

Matiu 7:29 ပူးပေါင်းရင်းမြစ်များ

Wejereme 8:4

Kooro aa dɛ di kpeɡri nomanta, dɛ o bol waa, umee dɛ́ won tɔŋlo wɔ?

Aesaya 50:4

Nemenɛ Korowii baɡ mɛ n jemɛ wobol, dɛ kpɔ dɛɛ do nɛra baa koah ɡbemba. O laɡ mɛ dɛɛ ir chɔɔ bɛlbwa dɛ ɡel mɛɛ no waa waa dɛ ba n baɡla.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Matiu 5:20

Kasinteŋ, n dɛ ŋɔ he be, dɛ he wedɛɛɡa ɛɛ ta Tɔnjerema ne Farisii tena wedɛɛɡa ɛɛ ɡwaalaa, haa won ja Korowii Kora ta ŋwɛnɛ bɛlbwa ta.

Matiu 5:28

Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

Matiu 5:32

Kɛ taraken te, n ŋɔ baa bɛlbwa o haah naa wola baala nyine, asɛ o vɛoh la, o di bolchɔɡe, dɛkalkɛ o ɡelɔ haah la bɔ jwamane. Asɛ naate ɡe waa bera ka mo haah la baa vɛoh la, o ɡe bɔ jwamane.”

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Matiu 7:28

Yeesu aa bol waa la tonɛ la, o webaɡla la ɛ nɛnlaa la nyokpoa,

Matiu 8:1

Yeesu aa le bwe la doa dɛ tu harɛ la, nɛnlaa teŋɛ o nɛ.

Amanesoma Luk Aa Chwera Tɔn 20:8

Asɛ Yeesu ŋɔ, “N ɡe aa kpeɡri maa dɔa dɛ kpɔ dɛɛ ɛ waa nɔ leebɔree baɡle he be.”

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 6:10

Baa dɛ tɔŋlo la, Korowii Domadɛɛɡe la tɛ Steeven wejema kohona, dɛ ɡel wobɛlbwa waa bola la, baa wechɔɡe bɛlbwa na a ta. O bol waa la bwa bɔ ba.