Matiu 7:25 - mzwDBL

²⁵ Bwaala nɛo, nenapala suuɡi, asɛ peujena ta. Kɛ dea la ta chole, dɛkalkɛ dɛ o chɔŋɛ bwe ta.

Matiu 7:25 ပူးပေါင်းရင်းမြစ်များ

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

1 Jɔn 2:19

Dɛ bane fa ja ya nɛ, kɛ dɛ ba ta denɛ ɛ ya bini bane, dɛkalkɛ ba chwao. Dɛ ba fe ja ya nɛ aa, ya ne ba fe ta pɛo. Kɛ ba chwao, asɛ a den baɡle kɛŋɔ ba bini bɛlbwa ta ya nɛɛ jae.

Matiu 16:18

Anomanta, n ŋɔ he sɔne Pita, o munii Bwe. Gɛ bwe nɔ taa mɛɛ ba n dea doe chɔŋɛ. N habɔteŋraa n dea la. Hale seo kwara aa wola won pɔ ba nɛɛ bwa.

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

Sɛɡla 10:25

Wekpeɡa pu wechɔɡ-ɛɛ aa, o dɛ sewɛ, kɛ nɛn o wa aa toɡra te, o dɛ do le saŋ bɛlbwa.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Matiu 7:26

Nomɛlbwa waa no n waa nɔ, asɛ o ta ɡɛ aa dɛ baɡle la ɛɛ la do kɛ ɡɛne bɛl waa ma o dea hɛŋle harɛ ta.

Matiu 7:27

Bwaala nɛo, nenapala suuɡi, asɛ peujen ta, asɛ dea la chole biram!”