Matiu 6:31 - mzwDBL

³¹ He bɛ ɡel he sie beɡre hɛɛ pɛɛ ŋɔ, ‘Bɔkwaa yaa ba dii yɔ, bɔkwaa yaa ba nyɔe yɔ, kɛɛ leperaa yaa ba yale dɔe dɛ́ tɔɔ?’

Matiu 6:31 ပူးပေါင်းရင်းမြစ်များ

2 Webena 25:9

Anee Kooro Amasea bɔɔ Korowii keame la ŋɔ, “Ɛrɛɛ suuɡapoŋa a tɔɡre aa ɛ kilore kaɡboŋa atoro lafraanaarɛ maa bɔa tɛ Israel laa tena la waɔ?” Anee o ŋɔ, “Korowii ɛɛ won berɛ tɛɛ ane a ɡwaa ɡɛ.”

Yela 111:5

O dɛ tɛ banɔ la baa dɛ tomɔ kondikwa, waa o fɔo o ne baa fɔwa la waa soh saŋ bɛlbwa bwa.

Yela 37:3

Hé kpɔ he te dawɛ Korowii nɛ, dɛɛ ɛ wedɛɛɡa, ásɛ dɛ so harɛ la ta deŋnesɔɔhna ne.

Yela 55:22

Kpɔ he waa bwa dawɛ Korowii nɛ, wɛɛ che he habɔɔ, waa ɡel nɛra ba wa aa toɡra chole bwa.

Matiu 15:33

O habɔteŋra la pɛɛro ŋɔ, “Ɛrɛɛ yaa ba ɛɛ dɛ́ dɔ paanoo tɛ nɛndamanta nɔ bwa dɔŋ kpɔɡ nɔ baah bonɔ bá di a won tel baɔ?”

Matiu 4:4

Anee Yeesu chaŋe ŋɔ, “Korowii Tɔn baɡlɔ ŋɔ, ‘Kondikwaa ɡbo laa dɛɛ tɛ nɛn mkpa. Waa Korowii aa dɛ bol la bwa ɡe dɛ tɛ nɛn mkpa.’ ”

Matiu 6:25

Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne nee haa nyɔ, ne yale haa tɔ ne laala haa do wa. Haa jemɛ kɛ mkpa ɡwaa kondikwa, asɛ bwadabii ɡe ɡwaa yal aa?

Matiu 6:27

He bini umee dɛ́ won kpɔ sibeɡra ŋwɛnɛ bɛl ta, dɛ́ kpɔ tɔpebeŋkpoŋ ja o mkpa tɔpera ta nɔ?

Amanesoma Luk Aa Chwera Tɔn 10:41

Anee Yeesu chaŋo ŋɔ, “Ei, Maata! Wedamanta beɡre he sie, a lɛ he liire bwa. Kɛ webeŋkpoŋ ɡee hiaah.

Amanesoma Luk Aa Chwera Tɔn 12:11

Dɛ ba yerɛ heyaa ka che cheremi deene bini ne harɛ nɔ ta nomonome sie naa, he bɛ ɡel waa haa bol dɛ lɛ he te la hiah heya,

Amanesoma Luk Aa Chwera Tɔn 12:22

Yeesu ŋɔ o habɔteŋra la be ŋɔ, “Anomanta, n dɛ ŋɔ he be ŋɔ, he bɛ ɡel he sie beɡre he soɡa bini kwaa haa di ne yale haa tɔ wa.

Amanesoma Luk Aa Chwera Tɔn 12:29

Anomanta, he bɛ ɡel he sie beɡre hɛɛ nyin anɔ la haa di ne anɔ la haa nyɔ.

Felepae 4:6

He bɛ ɡel wobɛlbwa ha heya, kɛ hé kpɔ wobɛlbwa dɛɛ do Korowii nɔn ta dɛɛ soŋo waa aa hiah heya, dɛ́ɛ jaamo kɛ waa dɛ no he wesoŋa.

1 Pita 5:7

Wobɛlbwa aa dɛ ha heyaa la, hé kpɔa bil Korowii sie, dɛkalkɛŋɔ he waa lɔ o bambile ta.