Matiu 6:13 - mzwDBL

¹³ Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Matiu 6:13 ပူးပေါင်းရင်းမြစ်များ

Mumpar 22:1

Waa nɔ bwa habɔɔ la, Korowii daah Abraham dɛ́ na ɡɛ waa dɛ yaradao. O yerɔ, “Abraham,” asɛ o sɛh ŋɔ “N Naa Korowii, menee nɔ.”

1 Koranar 1:36

Anee Jehoiada bibaa Bɛnaya ŋɔ, “A ɛ ɡɛ! Korowii n naa kooro aa dɛ tomɔ la sɛh a ta.

1 Webena 16:36

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

1 Webena 4:10

Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.

Yela 10:16

N Naa Korowii, henee kooro saŋ bɛlbwa dɛɛ la. Nɛra baa dɛ tomɛ voɡa ɛɛ heo le he harɛ ta.

Yela 106:48

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Gel nɛra bwa ŋɔ, “Aamen.” Hé kpɛɛ Korowii!

Yela 22:28

N Naa Korowii ɛ kooro, dɛɛ di kora harɛre nɛra bwa nɛ.

Yela 41:13

Korowii Israel tena aa dɛ tomɔ laanee dɔ jam, le saŋ waa wola jaɡa dɔe dɛɛ la. Aamen!

Yela 47:2

Nemenɛ Korowiirii ɔma kohona, onee koojen waa dɛ nyiŋi harɛ nɔ bwa ta.

Yela 47:7

Korowii dɛ di kora harɛ nɔ nɛra bwa nɛ, hé ɡo yela kpɛɛro.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 89:52

Hé kpɛɛ Korowii saŋ bɛlbwa dɛɛ la! Aamen!

Kaala 15:18

N Naa Korowii, hɛɛ di kora saŋ bɛlbwaa dɛɛ la.”

Sɛɡla 30:8

Lɛɛ mɛ le wesale ne nyosone ta kwaraa, bɛ ɡel ń nya kɛɛ dɛ́ dɔ kondɔɔh kohona. Tɛ mɛ anɔ la maa dɛɛ di tɔpere bɛlbwa.

Jeremia 15:21

Mɛɛ lɛɛ le nɛnchɔɡa nɔn ta, dɛ́ ɡel ba nyubinikpeɡ waa baa dɛ vɔrɔwe bwa ɛ pɛɛ.”

Jeremia 28:6

“Aamen! Kórowii ɛa ɡɛ! N dɛ hwɛɡɛ kɛŋɔ ó ɡel o waa haa bola la ɛ kasinteŋ, dɛ́ ɡel laala a yoɡ aa kpeɡa dɛ do Korowii Dea la ne nɛra baa laɡ ba kaa harɛfale ta la bwa, bá berɛ le a bwa ne Babelɔn ba bonɔ.

Daneɛl 4:25

Baa doŋii le nɛra bini he ne kpɔɡ bini ola ka so. Hɛɛ chwe kpɔɡaa kɛŋɔ nao, ásɛ mɛn ta he nɛɛ bene anuanɛ, dɛ́ ka tel kɛŋɔ haa ba jemɛ kɛŋɔ Nemenɛ Korowiirii dɛɛ di kpeɡri harɛre kora bwa ta. Korowii ɡboo dɛɛ le nɛn waa dɛ nyin, dɛ́ kpɔɔ so kora ta.

Daneɛl 7:18

A bwa habɔɔ la, Nemenɛ Korowii nɛra ba wa aa toɡra laanee wɛɛ ba kora la kpɔe tɛ, ó ɛ ba kon saŋ bɛlbwa dɛɛ la.’

Nɛra Kura 5:22

Kórowii ɡel nee nɔ aa dɛ ba nyotaahna ne nɔ jo he bwara, dɛ́ ɡel he hwie serewe, dɛ́ do jeɡre, he tea su.’ Aa do ɡɛ nɔ, a chɛ kɛ haah la ŋɔ, ‘N sɛh ɡɛ. Kórowii ɡel á ɛ ɡɛ!’

Matiu 26:41

Hɛ́ɛ nyiŋi kɛrɛdɛ dɛɛ soŋe Korowii, ásɛ Bɔnsam bɛ won neɡre heya. He bambile fe dɛ nyin wedɛɛɡa ɛɛ, kɛ he bwadabii pwɛre.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 5:37

Ba dɛ bɔɔre waa dɛ a ɛ kpela aa, sɛh ŋɔ, ‘Ɔɔh,’ dɛ nyosone ɡee yaa, ŋɔ, ‘Ɔɔhɔh.’ He bol waane ja a ta naa, amɔ a te le Bɔnsam be.

Matiu 6:10

Baɡle he kora dii harɛ nɔ ta. Gel ya ɛ he tetoowaa harɛ nɔ ta, ɡɛ baa dɛ ɛa nyundua la.

Amanesoma Jɔn Aa Chwera Tɔn 17:15

Maa soŋe ŋɔ hé laa ba kpɔ le harɛ nɔ ta, kɛ n dɛ soŋe ŋɔ hɛ́ɛ kee ba Bɔnsam nɛ.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

1 Kɔrent 14:16

Dɛ ɡɛ laa aa, he dɛ jam Korowii he lileo ne naa, ɛrɛɛ naate waa wola yarada dɛ ɛ nɛmpɛɛ la ɛɛ ba ɛɛ dɛ́ no a mun dɛ́ sɛh he nyoa ŋɔ “Aamen” dɛ́ teŋɛ waa haa jaamo a waa la ta nɔ? Waa won no waa haa dɛ bol la mun.

2 Kɔrent 1:20

Nyoo bwa Korowii aa baɡa la, Yeesu nɛɛ ya che dɛ jemɛ kɛ a ɛ kasinteŋ. O waa ya won Aamen la sii, ásɛ Korowii won dɔ sɔn.

Galaasia 1:4

Ya Dɔɔ ɛ N Naa Korowii tetoowa kɛŋɔ, waa koh ya wechɔɡa waa dɛ sewɛ, dɛ lɛ yaa le taraken nɛra baa dɔ liichɔɡa bini nɔ.

Mmarare 8:16

O tɛ heyaa maana he di pua hɛŋle ɡbo harɛ la ta, kondikwaa he naawa aa wola an jemɛ bwa. Nee ne kondikwaa nyae nɔɔ o kpɔ daah heyaa na, asɛ wobɛlbwa do wer tɛ heyaa he daahna dɛ na la habɔɔ.

Mmarare 8:2

Hé lii ɡɛ Korowii haa dɛ tomɔ nɔ aa tɔ he sie ŋwɛnɛjaŋ pua hɛŋle ɡbo harɛ ta bene fifraanaarɛ bwa, dɛ daah heyaa na wekpeɡa ne, dɛ tɛr he deŋne he pwɛr he te la. Asɛ a che a ta o won jemɛ he bambili bini kɛ he dɛ teŋɛ o Mmarare waa do heya la ta, kɛɛ haa teŋɛ.

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

2 Tesalonika 3:3

Kɛ Korowii waa dɔ kasinteŋ la, wɛɛ ɡeloo hɛɛ kpeɡ waa la ta teŋa ta, dɛ́ lɛ heyaa le Bɔnsam nɔn ta o bɛ heyaa dɔ.

1 Timoti 1:17

Yá kpɔ duure tɛ Koojen la o Kora dii aa wola jaɡa dɔe, waa wola sewɛ bwa, baa wola won on na, o ɡbo aa ɛ Korowii la, dɛɛ ɡuŋu harɛ fini ne tɔpere bɛlbwa. Aamen.

Hibru 11:36

Ba ɛ bane ɡe bahmuɡliwaa dɛ lɔɔ ba chweremi ne, dɛ do kpɛɛ bane ɡe nɔɔra, dɛ do ba dea.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 19:1

A habɔɔ la, n no waane Korowii doa kɛŋɔ nɛnlaa tenten ɡbɔɡa baa si, “Hé kpɛɛ N Naa Korowii! Onee lɛ nɛwɛnyina, on chɛ jirima, on dɔ kpeɡri bwa,

Wepila 19:4

Nomonome fifraanɛ dɛ banaarɛ la ne hweera kwaa anaarɛ la ɡuŋo dɛɛ duu Korowii waa soɡe o kookara ta la, dɛɛ si, “Aamen. Hé kpɛɛ N Naa Korowii!”

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

Wepila 3:14

Tɔn nɔ dɛ kaa nyundua torome waa cheɡa tɛ asɔre tena baa lɔ Laodisia la be. “Kenii men maa ɛ Aamen, dɛ che tɛ Korowii, n waa dɔ kasinteŋ, Korowii che n nɛɛ ta komɛlbwa la ŋɔ,

Wepila 5:13

Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”