Matiu 6:12 - mzwDBL

¹² dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la.

Matiu 6:12 ပူးပေါင်းရင်းမြစ်များ

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Amanesoma Mak Aa Chwera Tɔn 11:25

Dɛ he iro che dɛɛ soŋe Korowii ɡe aa, wobɛlbwa he bala bane aa ɛ heyaa la, hé kpɔ kɛ ba ásɛ he Mɛɛ waa lɔ nyundua la ɡe kpɔ he wechɔɡa kɛ heya.”

Ɛfesos 1:7

O Binyini laanee lɛ ya seo sewɛ. O chalee yawɛ yaa tɛ Korowii, asɛ o kpɔ ya wechɔɡa dɛɛ kɛ yaa. Anee dɛɛ baɡle suna waa sune ya nɛɛ kohona dɛɛ cha yaa la.

Kolosi 3:13

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.

Amanesoma Luk Aa Chwera Tɔn 11:4

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la. Dɛɛ ke yaa wechɔɡa luɡri ta.’ ”

Amanesoma Luk Aa Chwera Tɔn 6:37

He bɛ dɔŋa dɛɛ pwah, ásɛ Korowii ɡe bɛ heyaa pwah. He bɛ dɔŋa bolchɔɡe dɛɛ pa, ásɛ Korowii ɡe bɛ heyaa bolchɔɡe pa. Hé kpɔ he dɔŋa wechɔɡa dɛɛ kɛ ba, ásɛ Korowii ɡe kpɔ he wechɔɡa dɛɛ kɛ heya.

Kaala 34:7

N teŋɔ dɛɛ nyin nɛra kaɡboŋa dɛ kpɔ ba wechɔɡa dɛɛ kɛ ba, dɛ kpɔ nɛra vɛɛh baa vɛɛh mɛ ne ba wechɔɡa bwa dɛɛ kɛ ba. Kɛ maa nɛra baa dɛ ɛ wechɔɡaa ɡel pɛɛ maa wola ba deŋnee tɛr. Mɛɛ koh wechɔɡa nɛra aa ɛa waa, dɛ́ tɛr ba bii ne ba naanar ne ba ɡe naanar baa ka ba la deŋnee.”

Yela 32:1

Nɛra Korowii aa kpɔ ba wechɔɡa kɛ ba, waa wola a waa lii kpa la, ba na som.

Yela 130:4

Kɛ he kpɔ ya wechɔɡa dɛɛ kɛ yaa, asɛ a che a ta yaa ɔmɛ.

1 Koranar 8:39

noa nyundua bela haa soɡa la, dɛ́ kpɔ kɛ ba. He ɡboo jemɛ nɛn bambile bini wa, che waa bɛlbwa aa ɛa ta dɛ́ tɛr o deŋne.

1 Koranar 8:30

No men maa ɛ he bonɔɔ wesoŋa, ne he nɛra Israel tena wesoŋa, ɡɛ saŋ báa kpɔ sie chaɡɛ Dea nɔ ta dɛɛ soŋe. Che nyundua bela haa lole dɛ́ no, ásɛ dɛ kpɔ ya wechɔɡa kɛ yaa.

Aesaya 1:18

Men Korowii ŋɔ he be ŋɔ, Hé ba ya pɛ kpɔ liire. Dɛ he wechɔɡa kan dɛ chɔɡ heyaa kɛŋɔ kombiŋere yon chɔɡ kompoŋ la aa, mɛɛ ɡeloo he to kpelkpel kɛŋɔ yabi ken. Hale dɛ a biro kpirkpir kɛŋɔ sibire kwaraa naa, mɛɛ ɡeloo he to kɛŋɔ pepoŋ pona ken.

Daneɛl 9:19

N Naa Korowii no. N Naa Korowii kpɔ kɛ yaa. N Naa Korowii, cheɡ deŋne dɛ́ ɛ waane. Bɛ ɡel a biɡri, ɡɛ aa ɛ nomɛlbwa jemɛ kɛŋɔ he cheɡɛ he nɛra ne bwɛjen nɔ nɛɛ dɛ lɛ sɔn tɛ he te.”

1 Koranar 8:34

noa nyundua bela, ásɛ dɛ kpɔ he nɛra Israel tena wechɔɡa kɛ ba. Dɛ berɛ ba ba ne harɛ haa kpɔa tɛ ba naawa la ta.”

1 Koranar 8:50

Kpɔ he nɛra wechɔɡa baa ɛa bwa ne deŋnekpeɡ kɛ ba, dɛ́ ɡel ba dɔma nyiŋi ba nɛɛ kɛrɛdɛ.

We-ɛɛla 13:38

Yabala, ya dɛ nyin kɛ he jemɛ kɛŋɔ Yeesu waa waa ɛa la waa ya won dɛɛ bol he be ŋɔ Korowii ɛɛ kpɔ he wechɔɡaa kɛ heyaa la.

Matiu 9:2

Belaa nɛra bane kpɔ weela te bɛl waa kuuɡa so fɔɔ kalaŋ ta dɛɛ chemo. Yeesu aa na ɡɛ baa yaradao la, o ŋɔ naate waa kuuɡa la be ŋɔ, “Sɔɔh bwara. Aa maɡroo, n bie. N kpɔ he wechɔɡa kɛɛ.”

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Luk Aa Chwera Tɔn 13:4

Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?