Matiu 6:10 - mzwDBL

¹⁰ Baɡle he kora dii harɛ nɔ ta. Gel ya ɛ he tetoowaa harɛ nɔ ta, ɡɛ baa dɛ ɛa nyundua la.

Matiu 6:10 ပူးပေါင်းရင်းမြစ်များ

Nehemia 9:6

He ɡboo Korowii, henee ta nyundua ne weweela bwa. Henee ta harɛ ne mpo, dɛ kwaa aa lɔ a ta bwa, dɛ ɡel a bwa do le. Kwaa aa lɔ nyundua bwa dɛ ɡuŋi.

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Yela 40:8

N Naa Korowii, na ɡɛ maa dɛ nyin he waa ɛɛ, n kpɔ he webaɡla la do n bambile bini.”

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Daneɛl 2:44

A ɡɛ koranar la kora dii ta la, Korowii Waa Dɛ Di Kora Nyundua ɛɛ chiɡ kora waa wola chɔɡ, kɛɛ nomɛlbwa aa wola won pɔ o nɛ. Wɛɛ ba chɔɡ kora bele anaarɛ la bwaa a ba a jaɡa. Kɛ o te ɛɛ cheo dɛ́ do le saŋ bɛlbwa dɛɛ la.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Daneɛl 7:27

Kpeɡri ne kan harɛ nɔ ta kora aa dɔa la ɛɛ berɔɔ ba ɛ Nemenɛ Korowii nɛra ba waa aa toɡra la kon. Korowii Kora la kpeɡri aa ɡu bwa, ásɛ koranar baa lɔ harɛ nɔ ta bwa ɛɛ tomɔ, dɛɛ no o wa.’

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Matiu 12:50

Nomɛlbwa waa dɛ ɛ waa n Mɛɛ waa lɔ nyundua aa dɛ nyin kɛ ó ɛ laanee n nime ne n nimambie ne n nya.”

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

Matiu 26:42

Yeesu berɔ ka soŋe Korowii ja dɛ ŋɔ, “N Mɛɛ, dɛ nae chɛ kɛŋɔ ń na ɡɛ wahala nɔ, ásɛ he laa kpɔ n nɛɛ aa wola maɡre aa, ɛa ɡɛ aa too he tea.”

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Matiu 4:17

Gɛ saŋ laanee Yeesu pa mun bol waa dɛɛ chaɡle nɛra ŋɔ, “Hé charɛ he liire le he wechɔɡa ta, dɛkalkɛ Korowii Kora la pu heyaa tonɛ.”

Matiu 7:21

Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.

Amanesoma Mak Aa Chwera Tɔn 11:10

Korowii swee ya Naa Devid kora nɔ waa dɛ ba ira ja nɔ andɛɛɡa! Korowii jam!”

Amanesoma Mak Aa Chwera Tɔn 3:35

Nomɛlbwa waa dɛ ɛ waa Korowii aa dɛ nyin laanee n nime ne n nimambie ne n nya.”

Amanesoma Luk Aa Chwera Tɔn 19:11

Dɛ ba dɛ tel Jerusalam, asɛ nɛra la ɛɛ lii kɛŋɔ Korowii Kora dii tɔpere la denɔ dɛɛ ba bala. Baa dɛ no o be la, Yeesu berɔ bol waa sɛɡla ne ba be.

Amanesoma Luk Aa Chwera Tɔn 19:38

Dɛ ba dɛ ŋɔ, “Korowii swee andɛɛɡa tɛ Kooro waa cheɡɛ o sɔn ta dɛɛ ba nɔ, dɛ́ ɡel nyundua tena bwa bwara sɔɔh ba!”

Amanesoma Luk Aa Chwera Tɔn 22:42

dɛ ŋɔ, “N Mɛɛ, hɛɛ sɛoh waa, bɛ ɡel n na a ɡɛ wahala haa ŋɔa ń na nɔ. Kɛ ɛ he tetoora dɛ́ ɡel n tetoora.”

Amanesoma Jɔn Aa Chwera Tɔn 4:34

Belaa Yeesu ŋɔ, “N kondikwaa kɛ maa dɛ ɛ n Mɛɛ waa tom mɛ la tetoora, ne kɛ maa ɛ o toma waa tɛ mɛ la bwa tonɛ.

Amanesoma Jɔn Aa Chwera Tɔn 6:40

Dɛkalkɛ ɡɛ n Mɛɛ la aa dɛ nyin laanee kɛŋɔ, nomɛlbwa waa na men maa ɛ o Bie la dɛ yarada mɛ dɛ kpɔ o te tɛ mɛ la, wɛɛ dɔ mkpa aa wola jaɡa dɔe, ásɛ n iru seo ta, tɔpera bwa jaɡa wee.”

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

We-ɛɛla 13:22

Korowii leo kora la ta, dɛ kpɔ Devid so. Korowii bol Devid waa ŋɔ, ‘Jese bie Devid waa too n tea, dɛkalkɛ onee n na kɛŋɔ wɛɛ ɛ n tetoowaa bwa maa dɛ nyin kɛ o ɛ.’

We-ɛɛla 21:14

Ya bol harɛ bini waa nɔ bwa o be, o ta noɛ. Anomanta, ya ɡelo dɛ ŋɔ, “Gɛ Korowii aa dɛ nyin a ɛ la, á ɛ ɡɛ.”

We-ɛɛla 22:14

Asɛ o ŋɔ, ‘Korowii ya naawa fa aa dɛ tomɔ la, onee lee tɛ o te ŋɔ hé jemɛ waa waa dɛ nyin, dɛ́ won no o Bidɛɛɡe la ɡbaɡba wobol, dɛ́ nao ɡe.

Tɔn Pɔɔl Aa Chwerɛ Rom Tena 12:2

He bɛ nɛra baa dɔ harɛ nɔ ta liire la da kpɔ. Hé ɡel Korowii tɛ heyaa liifala, dɛ́ berɛ heyaa ásɛ he won jemɛ waa waa dɛ nyin, dɛ́ jemɛ waa aa wera o be dɛɛ too o tea, ne waa aa toɡra.

Ɛfesos 6:6

He bɛ sɔn waa koh dɛ́ kpɔ bokpeɡa dɛ́ɛ ɛ toma nɛra sie ta, kɛ hɛ́ɛ ɛ toma kɛrɛdɛ ɡɛ aa chɛ kɛ Yeesu Kristo bonɔndɛɛɡa ne toldɛɛɡa aa dɛ ɛ, dɛ́ɛ ɛ toma he bambile bwa ne á su Korowii siwi.

Kolosi 1:13

O lɛ yaa le biro ta dɛ kpɔ yaa ka ja o Bie waa dɛ nyinu la Kora ta.

Kolosi 1:9

Anomanta, ya le awola yaa no he waa dɛ soŋe Korowii dɛɛ tɛ heyaa kɛŋɔ ó Domadɛɛɡe baɡle heyaa o wobɛlbwa kɛrɛdɛ, dɛ́ berɛ dɛɛ pili he sie hé won jemɛ wobɛlbwa aa ɛ Korowii tetoora la,

1 Tesalonika 4:3

Korowii dɛ nyin kɛ he ɛ nɛndɛɛɡa dɛ laa he te kpɔ jwamane ta.

1 Tesalonika 5:18

Hɛ́ɛ jam Korowii wobɛlbwa ta, dɛkalkɛŋɔ ɡɛɛ Korowii che Yeesu Kristo nɛɛ dɛɛ baɡle o tetoowaa he be.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Hibru 10:7

Belaa n ŋɔ, ‘N Naa Korowii, menee la. N balɔ dɛ́ ba ɛ he tetoowaa ɡɛ baa chwerɛ n waa Mmara tɔn la bini la.’ ”

Hibru 13:21

Kórowii waa dɛ tɛ bambisɔɔhna la tɛ heyaa dadɛɛɡe aa chɛ kɛ he dɔ, dɛ́ won dɛɛ ɛ o tetoora bwa. Ó che Yeesu Kristo nɛɛ dɛ ɛ waa waa dɛ nyin bwa ya bini. Yeesu Kristo chɛ jam saŋ te bɛlbwa! Aamen.

1 Pita 2:15

Korowii dɛ nyin kɛ hɛɛ ɛ wedɛɛɡa, dɛ́ won dɛɛ tɔ ɡɛna ŋwɛnɛ ba bɛ won bol ɡɛnewaa dɛɛ chɔɡ heya.

1 Pita 4:2

Le fini dɛɛ kaa, hé kpɔ Korowii tetoora dɛɛ tɔ sie he soɡa bini harɛ bonɔ. He bɛ kwaa nɛwɛnyina aa dɛ pɛlɛ a ta la nɛɛ dɛɛ teŋɛ kpa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.