Matiu 5:48 - mzwDBL

⁴⁸ A chɛ kɛŋɔ hé we-ɛɛla bwa do kaih, ɡɛ he Mɛɛ waa lɔ nyundua la waa aa do kaih la.”

Matiu 5:48 ပူးပေါင်းရင်းမြစ်များ

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

2 Samoɛl 22:31

Korowii maa dɛ tomɔ te, o ŋwɛnɛre toɡrɔ, o waa waa bol bwa ɛ kasinteŋ. Nɛra baa chwaa kaa marɔ la, o dɛ tɔ ba ɡbemɡbe dɛɛ lɛɛ ba.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Lewi Dea Tena 11:44

Hé do ɡoroŋ dɛkalkɛ men Korowii haa dɛ tom mɛ la, n do ɡoroŋ.

Lewi Dea Tena 19:2

ó ŋɔ Israel tena la bwa be ŋɔ, “Hé do ɡoroŋ, dɛkalkɛ men Korowii haa dɛ tom mɛ la, n do ɡoroŋ.

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

Matiu 5:16

Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 5:47

Dɛ he ne he chamene tena ɡbo dɛ bol wa aa, dɛ amee he ɛ ɡwaa he bala ɔ? Hale nɛra baa wola Korowii tomɛ ɡba won ɡɛ ɛɛ!

Amanesoma Luk Aa Chwera Tɔn 6:36

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

Amanesoma Luk Aa Chwera Tɔn 6:40

Nɛn waa dɛ hweli toma la ta o dɔɔ ɡwaalɛ, kɛ dɛ o dɔɔ hweli toma dɛ jemɛ tonɛ kwaraa naa, o ne o dɔɔ ɛ kɛrɛdɛ.

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

2 Kɔrent 13:9

Ya ɡwɛɡrɔ hé do kpeɡri aa, dɛ ya sie lɛo. Ya dɛ soŋe Korowii kɛŋɔ he waa toɡre ka tonɛ.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Ɛfesos 3:1

Gɛɛ a do men Pɔɔl baa koh kɛ n dɛ teŋɛ Yeesu Kristo nɛɛ dɛ bol o waa la dɛɛ baɡle he banɔ la haa wola Juu tena ɛɛ dɛ do mɛ dea la, n dɛ soŋe Korowii dɛɛ tɛ heya.

Mmarare 18:13

A chɛ kɛŋɔ hé waa do kaih Korowii haa dɛ tomɔ nɔ be.”

Mmarare 27:10

Anomanta, hé do sie o be dɛ́ teŋɛ o Mmarare ne waa waa do heyaa mɛɛ do heyaa a ta fini nɔ ta.”

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

Jems 1:4

Hé dɔ bambile wobɛlbwa ta dɛ́ ka tonɛ, ásɛ dɛ won che a ta dɛ́ jemɛ wa, dɛ́ dɔ dadɛɛɡe, ásɛ wobɛlbwa bɛ heyaa nya harɛ nɔ ta.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.