Matiu 5:46 - mzwDBL

⁴⁶ Dɛ he dɛ nyin nɛra baa dɛ nyin heyaa ɡbo aa, kembɔr besoo hɛɛ ba dɔe le Korowii be nɔ? Toɔ lɛɛra baa ɛ wechɔɡ-ɛɛra ɡba dɛ nyin nɛra baa dɛ nyin ba wa.

Matiu 5:46 ပူးပေါင်းရင်းမြစ်များ

Matiu 11:19

Asɛ Men Nɛn Bie la te aa bala la, n di kwa, dɛ nyɔ sen ɡe, asɛ nomɛlbwa berɛ ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa ɛ o daamanar.’ ” Waa bol ɡɛ tonɛ la, anee o ŋɔ, “Wejereme bɛlbwa we-ɛɛla taa a che baa jemɛ kɛ o ɛ wejereme.”

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

Matiu 5:47

Dɛ he ne he chamene tena ɡbo dɛ bol wa aa, dɛ amee he ɛ ɡwaa he bala ɔ? Hale nɛra baa wola Korowii tomɛ ɡba won ɡɛ ɛɛ!

Matiu 6:1

Yeesu berɔ ŋɔ, “Hé nyiŋi kɛrɛdɛ dɛɛ berɛ he wedɛɛɡa ɛɛ nɛwɛnyini sie ta, ásɛ baa kpɛɛ heya. Dɛ he dɛ ɛ he wedɛɛɡa nɛwɛnyini sie ta naa, hɛɛ paŋɛ he kembɔree he Mɛɛ waa lɔ nyundua la sie.

Amanesoma Mak Aa Chwera Tɔn 2:15

A habɔɔ la, Yeesu la Lewi dem dɛ ka so dɛɛ di kwa. Toɔ lɛɛra baa dɛ bɔ nɛra apoo ne wechɔɡ-ɛɛra yon warɛ teŋɛ Yeesu nɛ. Ba ne Yeesu ne o habɔteŋra la so tiɡ ta.

Amanesoma Mak Aa Chwera Tɔn 2:16

Anee Farisii tena Tɔnjerema la aa na Yeesu ne toɔ lɛɛra ne wechɔɡ-ɛɛra la aa pɛa dɛɛ di kwaa la, ba bɔɔ o habɔteŋra la ŋɔ, “Ɛrɛɛ o ne ɡɛ nɛra nɔ pɛ dɛɛ di kwaa nɔɔ?”

Amanesoma Luk Aa Chwera Tɔn 15:1

Awola bɛl, toɔ lɛɛra baa dɛ bɔ apoo ne wechɔɡ-ɛɛra teŋɔ dɛ ba bar Yeesu cheme dɛ́ no o wa.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Amanesoma Luk Aa Chwera Tɔn 19:2

Dɛ toɔ lɛɛra nomoa bɛl lɔ bwɛɛ la ta dɛ ɛ suuɡate baa yerɔ Sakeos.

Amanesoma Luk Aa Chwera Tɔn 19:7

Nɛra baa lɔ bela dɛ na la ŋwalɛ Yeesu ŋɔ o kaa choɡ wechɔɡ-ɛɛ dea.

Amanesoma Luk Aa Chwera Tɔn 3:12

Belaa toɔ lɛɛra baa dɛ bɔ apoo bane ba ŋɔ ó sɔ ba Korowii ne, dɛ bɔɔro ŋɔ, “Nomoa, ɛrɛɛ chɛ kɛŋɔ yá ɛɔ?”

Amanesoma Luk Aa Chwera Tɔn 5:29

Lewi ɡelɔ ba ɛ kondikonjena o dem dɛ hɔɔh Yeesu, asɛ o ne Yeesu ne toɔ lɛɛra pirim ne nɛra bane ka so dɛɛ di kwaa la.

Amanesoma Luk Aa Chwera Tɔn 5:30

Belaa Farisii tena ne ba bini Tɔnjerema la pwah o habɔteŋra la ŋɔ, “Ɛrɛɛ he ne toɔ lɛɛra baa dɛ bɔ nɛra apoo ne wechɔɡ-ɛɛra pɛ dɛɛ di kwaa nɔɔ?”

Amanesoma Luk Aa Chwera Tɔn 7:29

Nɛmpɛɛne la ne toɔ lɛɛra la kwaraa baa dɛ bɔ nɛra apoo aa no Yeesu waa la, ba sɛoh ŋɔ Korowii waa dɔ kasinteŋ. Gɛ nɛra nɔɔ Jɔn fa aa sɔ Korowii nee la.

Amanesoma Luk Aa Chwera Tɔn 7:34

Asɛ Men Nɛn Bie ɡe aa bala nɔ, n dɛ di kwaa dɛɛ nyɔ sen, asɛ he ŋɔ, ‘Hé na baa nɔ! Kondikondidii ne sennyɔɔree on. Toɔ lɛɛra baa dɛ bɔ nɛra apoo ne wechɔɡ-ɛɛraa o daamanar.’ ” Yeesu aa bol ɡɛ tonɛ la, o ŋɔ,