Matiu 5:45 - mzwDBL

⁴⁵ ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 5:45 ပူးပေါင်းရင်းမြစ်များ

Job Tɔn 25:3

Umee dɛ́ won jemɛ o laa tena nyoa ɔ? Bobɛlbwa toole o bochaah la aa wola toole.

Yela 145:9

He wer tɛ nomɛlbwa, dɛ dɔ tedoma tɛ kwaa haa taa bwa.

Jeremia 5:24

He ta liire dɔe ŋwɛnɛ bɛlbwa ta kɛŋɔ he kpɔ duure tɛ mɛ. Menee ɡela bwaala loɡla ne yoo bwaala ɛɛ nɛ, he kondikwaare ɛɛ do wer, hɛɛ koma bena bɛlbwa.

Matiu 5:9

Nɛra baa dɛ larawe waa dɛɛ sɔɔh waa nyoa la, ba na som, dɛkalkɛ Korowii ɛɛ yer ba o biirii.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Amanesoma Jɔn Aa Chwera Tɔn 13:35

Dɛ he dɛ nyin dɔŋa aa, aa ɡeloo nɛra bwa jemɛ kpela kɛŋɔ he ɛ n habɔteŋra.”

We-ɛɛla 14:17

Kɛ dɛ o cheɡɛ wedɛɛɡa waa dɛ ɛ la ta, dɛ ɡel he jemɛ kɛ o lole. Dɛ o dɛ tɛ heyaa bwaala ne, dɛ ɡel kondikwaa ɡee ɛ, asɛ he di dɛɛ vaɡɛ he bwara ɛɛ sɔɔh heya.”

Ɛfesos 5:1

He ɛ Korowii bii waa dɛ nyin heya, anomanta, hé chaaro dɛ́ kpɔ o da.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

1 Jɔn 3:9

Nomɛlbwa waa ɛ Korowii bie la aa teŋɛ dɛɛ ɛ wechɔɡa kpa, dɛkalkɛ o ɛ Korowii dwee. Anomanta, waa won teŋɛ dɛɛ ɛ wechɔɡa kpa, dɛkalkɛ o mɛɛɛ Korowii.