Matiu 5:44 - mzwDBL

⁴⁴ Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Matiu 5:44 ပူးပေါင်းရင်းမြစ်များ

2 Koranar 6:22

Elaesa ŋɔ, “Akai, he yo nɛra laa dɛ laɡ ba aa, he dɛ kpoo ba aa? Tɛɛ ba kondikwaa ne nee bá nyɔ, dɛ́ berɛ tɛɛ ba ŋwɛnɛ ba kaa ba dɔɔ be.”

Yela 7:4

dɛ n ɛ nɛn n ne waa soma wechɔɡa, kɛɛ dɛ ɛ nɛn waa cheɡɛ n nɛɛ wechɔɡa pɛɛpɛɛ aa,

Sɛɡla 19:11

Wejeremee won bambile lawa, o dɛ dɔ jirima waa kpɔe dɛ́ kɛ ta.

Amanesoma Luk Aa Chwera Tɔn 23:34

Yeesu ŋɔ, “N Mɛɛ, kpɔ ba wechɔɡa kɛ ba. Baa waa baa dɛ ɛ nɔ jemɛ.” Soojare la kpɔ o laala bil dɛɛ ta chacha ŋɔ naate waa di la, ó kpɔ onɔ la waa dɛ nyin.

Amanesoma Jɔn Aa Chwera Tɔn 13:34

N dɛ do heyaa wefala ta. Anee kɛŋɔ, hɛ́ɛ nyin dɔŋa. Gɛ maa nyin heyaa la, ɡɛɛ chɛ kɛŋɔ he ɡe ɛɛ nyin dɔŋa.

We-ɛɛla 16:28

Asɛ Pɔɔl do lɔŋɔ kpeɡri nɛɛ ŋɔ, “Bɛ he te kpo! Ya bwa lole!”

We-ɛɛla 7:60

Belaa o ɡuŋi harɛ dɛ bol waa takpeɡ ne ŋɔ, “N Dɔɔ, bɛ ɡel a ɡɛ wechɔɡa nɔ ɡure ba nɛ.” Waa ŋɔ ɡɛ tonɛ, o den sewɛ.

Tɔn Pɔɔl Aa Chwerɛ Rom Tena 12:14

Hé soŋe andɛɛɡa Korowii be dɛɛ tɛ nɛra baa cheɡɛ he nɛ. Hé soŋe andɛɛɡa dɛɛ tɛɛ ba, he bɛ wechɔɡa soŋe dɛɛ tɛɛ ba.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

1 Samoɛl 24:17

O ŋɔ, “He waa toɡrɔ dɛ ɡwaa mɛ. He te nyiŋi n nɛɛ kɛrɛdɛ, kɛ menee wola hen nyiŋe.”