Matiu 5:34 - mzwDBL

³⁴ Kɛ n dɛ ŋɔ he be ŋɔ, he bɛ ŋwɛɛ kwaraa. He bɛ nyundua ŋwɛɛ, dɛkalkɛ Korowii soŋnibɔree.

Matiu 5:34 ပူးပေါင်းရင်းမြစ်များ

Yela 11:4

N Naa Korowii lɔ o Dea waa lea cheɡ tɛ o te bini nyundua, dɛɛ di kora, dɛɛ nyiŋi nɛwɛnyini bobɛlbwa, dɛ jemɛ ɡɛ baa dɛ ɛ.

Wejereme 9:2

Nyokala beŋkpoŋii chɔ le dɛ tɛ ba bwa, nɛra ba wa aa toɡra ne wechɔɡ-ɛɛra, nɛndɛɛɡa ne nɛnchɔɡa, banɔ la baa kah doŋa, ne banɔ la baa wola doŋa kaeh, dɛ banɔ la baa dɛ ɛ sarahare, dɛ banɔ la baa wola sarahare ɛ bwa. Waa aa chɔ le tɛ nɛndɛɛɡe la, ɡɛɛ a chɔ tɛ wechɔɡ-ɛɛ ɡe, ɡɛ aa doa dɛ tɛ nɛra baa dɛ ŋwɛɛ ntam la, ɡɛɛ a do tɛ banɔ la baa dɛ ɔmɛ ŋwɛɛra.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 66:1

Korowii ŋɔ, “Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

We-ɛɛla 7:49

‘Nyunduaa n kara, asɛ harɛ ɡee n natiɡribɔr. Debesoo siwii hɛɛ ba wona ma ń jo o ta nɔ? Debesoo taa ń won jo dɛ́ chɔ onɔɔ?

Jems 5:12

Yabala, anɔ la aa jaa dɛ ɛ siswɛm waa laanee kɛ, he bɛ Korowii kɛɛ harɛ kɛɛ komɛlbwa dɛɛ ŋwɛɛ. Ba dɛ bɔɔ heyaa waa dɛ a ɛ kpela aa, hé sɛh ŋɔ, “Ɔɔh,” dɛ nyosone ɡee yaa, hé ŋɔ, “Ɔɔhɔh.” He bɛ ŋwɛɛ ja, ásɛ a bɛ wechɔɡa ɛ dɛ́ tɛ heya.