Matiu 5:28 - mzwDBL

²⁸ Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

Matiu 5:28 ပူးပေါင်းရင်းမြစ်များ

Mumpar 34:2

Hivi tena Kooro Hamɔ bibaa Sɛkem nao dɛ lawɔ, dɛ ɡuɡru o ne o chɔ.

2 Samoɛl 11:2

Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

Job Tɔn 31:1

Job berɔ ŋɔ, “N ŋwɛɛrɔ kɛŋɔ maa bitoloo nyiŋi n pɛla dɔɔ.

Job Tɔn 31:9

Dɛ n pɛla dɔ haah, kɛɛ dɛ n kaa pɛl n dɔŋ bɛl doonyoa aa,

Yela 119:96

N nao kɛŋɔ wobɛlbwa dɔ a jaɡa, kɛ he Mmarare la te lole dɛɛ la.

Kaala 20:17

He bɛ ɡel he sie beɡre he dɔŋa deremi. He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.”

Sɛɡla 6:25

Bɛ o wer waa koh dɛ́ ɡel he sie do o nɛ, bɛ ɡel o kpɔ o tolsie neɡre.

Ɛsekeɛl 23:16

Waa na ba la, o jwamanwaa la den ir, asɛ o tomɛ toroma ba be Babelɔn harɛ ta.

Lewi Dea Tena 18:20

Bɛ he dɔŋ haah lawɛ chɔ dɛ́ kpɔ doŋa kah he bwa.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Tɔn Pɔɔl Aa Chwerɛ Rom Tena 7:14

Ya jemɔ kɛŋɔ Korowii Domadɛɛɡe bee Mmara la le dɛ do wer. Kɛ n te, nɛwɛnyinii men, anomanta, wechɔɡa yaɡ mɛ.

Mmarare 22:22

Dɛ he na baa dɛ o lawɛ o dɔŋ haah chɔ aa, hé kpo baa la ne haah la bwa, dɛ́ le ɡɛ wechɔɡa la ne Israel harɛ ta.

2 Pita 2:14

Ba na haah bɛlbwa naa, ba dɛ nyinu. Ba nyina baa dɛ nyin wechɔɡa ɛɛ ta dɔŋ dɔe. Ba neɡre nɛra baa wola cheɡɛ kiŋkiŋ Korowii waa ta dɛɛ kaa wechɔɡa ta. Ba sie dɛ beɡre kwaa taeh. Korowii taah ba!

1 Jɔn 2:16

Bwadabii pɛlchɔɡa kwa, ne anɔ la aa ɛ siwi pɛla kwa, ne waa yaa nyina dɛ kpɔa dɛɛ maŋkura ya te la ɛ harɛ nɔ ta wa. A ta ya Mɛɛ waa lɔ nyundua la be leɛ.