Matiu 5:22 - mzwDBL

²² Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Matiu 5:22 ပူးပေါင်းရင်းမြစ်များ

Mumpar 37:4

O dɔɔranar aa baa na kɛŋɔ o mɛɛ dɛ nyin o waa dɛ ɡwaa ba la, ba haoh, baa on sie tɛ kwaraa.

Mumpar 37:8

Asɛ o dɔɔranar la bɔɔro ŋɔ, “Amɔ he dɛ lii kɛ he dɛ ba bá di kora dɛ́ nyiŋi ya nɛɛ kɛɛ?” Belaa o haeh la berɛ ɡwaa kohona kwara.

2 Samoɛl 16:7

Simei taahno dɛ ŋɔ, “Le bonɔ kaa! Le bonɔ kaa! Nɛŋkpoa nɛn bɛl le! Wechɔɡ-ɛɛ kohona!

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

1 Koranar 21:4

Ate, Kooro Ahab kpɔ sum ne bandia kaa dem, waa Nabɔt aa bola baɡlo kɛŋɔ “Maa n naawa kapɛrɛ konee kpɔ tɛɛ” la wa. Asɛ bwaawee farɔ o ka chɔ dɛ vɛh kwaa dii.

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

2 Webena 19:5

O le nɛra baa bol waa dɛɛ pa bole bwɛjen bɛlbwa baa ma danjwɛkpeɡ baro Juda harɛ ta,

Nehemia 5:8

dɛ ŋɔ ba be ŋɔ, “Ya lɛ ya bala Juu tena baa yoɡ ba te tɛ nɛra baa wola Juu tena ɛɛ. Taraken he ɡe berɔ ɛɡre he ɡbaɡba nɛra ba yoɡ ba te dɛɛ tɛ yaa!” Ate, nomonome la hel, dɛkalkɛ ba ta wobɛlbwa dɔe dɛ́ bol.

Yela 109:3

Haeh wobol ɡboo ba bol dɛɛ yaɡ mɛ, dɛɛ yoo mɛ pɛɛpɛɛ.

Yela 14:1

Gɛnaa yon dɛɛ lii ba nyu bini kɛŋɔ Korowii toole, ba waa ta kasinteŋ dɔe, ba ɛ wechɔɡ-ɛɛra, bɛlbwa toole dɛɛ ɛ wedɛɛɡa.

Yela 25:3

Nomɛlbwa toole dɛ kpɔ o te dawɛ he nɛ, he ɡel sihiih kpoo bwa, kɛ banɔ la baa vɛh he waa pɛɛpɛɛ la te, sihiih ɛɛ kpo baa.

Yela 35:19

Bɛ ɡel nɛra baa hah mɛ pɛɛpɛɛ la di n loro, bɛ ɡel ba sie lɛ, n suna maa dɛ di nɔ ta.

Yela 37:8

Hé laa he te kpɔ tebinichɔɡ ne bandia ta, wechɔɡa ɡbo taa aa kaa nɛn ne.

Yela 49:10

Nomɛlbwa nao kɛŋɔ wejerema dɛ sewɛ, ɡɛna ne banɔ la baa wola liire dɔe ɡe ɛɛ sewɛ, dɛ́ ɡel ba kondɔɔh tɛ bane.

Yela 69:4

Nɛra baa hah mɛ pɛɛ warɔ ɡwaa n nyumpona. N dɔma teŋe nyosone dɛɛ dawɛ n nɛ, ba bwara kpeɡri baa nyin mɛ dɛ́ kpo, ba ɡelɔ n berɛ bɔ kwaa maa wola ŋwɛɛ kem tɛɛ ba.

Yela 7:4

dɛ n ɛ nɛn n ne waa soma wechɔɡa, kɛɛ dɛ ɛ nɛn waa cheɡɛ n nɛɛ wechɔɡa pɛɛpɛɛ aa,

Yela 92:6

Nɛn waa wola liire dɔe la aa won jemɛ, nɛn waa ɡɛna ɡe aa won no a mun.

Sɛɡla 14:16

Wejereme dɛ nyiŋi kɛrɛdɛ o soɡa bini kɛ o bɛ waa dɔ. Gɛnee dɛɛ ɛ waa saɡasaɡa, o baah ɛɛ di warawara.

Sɛɡla 18:6

Gɛne wobol dɛ ba naɡra ne, o nyoa wobolee ɡela baa lɔɔro.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Wiile 3:52

N dɔma hah mɛ pɛɛpɛɛ dɛɛ kpaah mɛ kɛŋɔ jumbie ken.

Daneɛl 3:13

Ate, Kooro Nebukadnesa baah di kohona, asɛ o ɡel ba ka yerɛ Sadrak ne Mesak dɛ Abɛdnɛɡo, dɛ ba ba ne o sie.

Daneɛl 3:19

Ate kwaraa Kooro Nebukadnesa baah di Sadrak, ne Mesak dɛ Abɛdnɛɡo nɛɛ kohona, o ŋɔ ba kwaa fononoo nii la do a ɡwaa ɡɛ aa doa la keraanuanɛ,

Obadia 1:10

Edom tena, haa cheɡɛ ŋwɛnɛchɔɡe ta kpoo he lolanar baa ɛ Jekɔb naanar nomanta, chɔɡaa hɛɛ ba chɔɡa, dɛ́ di ncho saŋ bɛlbwa dɛɛ la.

Obadia 1:12

A fe ta chɛɛ kɛ he sie lɛ he lolanar baa lɔ Juda harɛ wenaale wa. A ta chɛɛ kɛ he hɛɡre ba chɔɡa wa, kɛɛ dɛ mam ba ba sibeɡra tɔpere wee.

Matiu 10:17

Hɛ́ɛ nyiŋi kɛrɛdɛ, dɛkalkɛ baa lawɛ heyaa ka cheme nomonome sie, dɛ́ lɔɔ heyaa chweremi ne cheremi deene ta.

Matiu 10:28

He bɛ nɛra baa dɛ ba wona kpo heya, baa wola won kpo he lileo la ɔmɛ, kɛ hɛ́ɛ ɔmɛ Korowii waa dɛ ba wona chɔɡ bwadabii ne lileo la bwa Bɔnsam nii ta la.

Matiu 12:24

Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 18:21

Anee Pita ba bɔɔ Yeesu ŋɔ, “N Dɔɔ, kera aŋwɛnɛɛ chɛ kɛŋɔ dɛ n dɔŋ ɛɛ mɛ wechɔɡa aa, ń kpɔ kɛo wɔ? Kera anuanɛ kɛɛ?”

Matiu 18:35

Yeesu aa bol a ɡɛ waa nɔ tonɛ la, anee o ŋɔ, “Dɛ he ɡe ta he bambile bini leɛ dɛ kpɔ he dɔŋa wechɔɡa kɛ ba aa, ɡɛɛ n Mɛɛ waa lɔ nyundua la ɡee ba heyaa ɛɛ.”

Matiu 23:15

Hé bwɛɛlɛ, Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! Heyaa yon ɡaaɡe aaa ɡɛ haa ɛ dɛ́ dɔ nɛn waa wola Juu te ɛɛ ó ba ja he nɛɛ dɛ́ tomɛ Korowii. Kɛ dɛ he baa dɔ bɛl aa, he yon berɛ ɛo o chɔɡ kwaraa, asɛ a yon berɛ do kɛŋɔ o tenee bera chɛ Bɔnsam nii ta laŋa ɡwaa heya.

Matiu 23:33

Nɛnchɔɡa kɛŋɔ harɛkwa, domkpuli bii! Ɛrɛɛ hé ɛ haa wola Bɔnsam nii taa joɔ?

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 26:59

Sɔfonomonome ne Juu tena nomonome baa dɛ bol waa dɛɛ pa bole la bwa nyoa pɛo baa nyin waa dɛ́ kpɔ dawɛ Yeesu nɛɛ dɛ́ won che a ta kpoo.

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Matiu 5:34

Kɛ n dɛ ŋɔ he be ŋɔ, he bɛ ŋwɛɛ kwaraa. He bɛ nyundua ŋwɛɛ, dɛkalkɛ Korowii soŋnibɔree.

Matiu 5:44

Kɛ taraken n dɛ ŋɔ he be, hé nyin he dɔma dɛ́ soŋe Korowii dɛɛ tɛɛ ba,

Amanesoma Mak Aa Chwera Tɔn 14:55

Sɔfonomonome ne Juu tena nomonome baa dɛ bol waa dɛɛ pa bole la bwa nyin ŋwɛnɛ la bwa ta baa che, dɛ́ di waa la bɔ Yeesu dɛ́ fee ɡel ba kpoo kahonɛ,

Amanesoma Mak Aa Chwera Tɔn 15:1

Tɔɔ aa pera chɔmbibi ne la, Sɔfonomonome ne bwɛɛ nomonome ne Tɔnjerema bwa, Juu tena nomonome baa dɛ nyiŋi ba waa bini la te bwa, chemo dɛ vɔrɔwe Yeesu vɔrɔwa, dɛ vɔrɔwe o nɔɔra, dɛ kpɔɔ ka tɛ Rom nomoa Paelet waa dɛ nyiŋi bela harɛ ta.

Amanesoma Luk Aa Chwera Tɔn 12:5

Kɛ mɛɛ baɡle heyaa naate aa chɛ kɛŋɔ hɛ́ɛ ɔmɛɛ. Hɛ́ɛ ɔmɛ Korowii waa dɔ kpeɡri dɛ́ won kpo heya, dɛ́ berɛ won kpɔ heyaa kaa Bɔnsam nii ta la. Onee chɛ kɛŋɔ hé ɔmɛ.

Amanesoma Luk Aa Chwera Tɔn 22:66

Tɔ aa pera la, ba kpɔ Yeesu ka cheme Juu tena nomonome baa dɛ bol waa dɛɛ pa bole ne Sɔfonomonome ne Tɔnjerema sie,

Amanesoma Jɔn Aa Chwera Tɔn 11:47

Anomanta, Sɔfonomonome ne Farisii tena kaa cheme ba Juu tena nomonome baa dɛ nyiŋi ba waa bini la, dɛ ŋɔ, “Aah, ɛrɛɛ yaa ba ɛɛ taraken ɔ? Na nyokpowe-ɛɛla nɔ bwa dɔŋa baa nɔ aa dɛ ɛ.

Amanesoma Jɔn Aa Chwera Tɔn 15:25

Anɔ ɛ ɡɛ ásɛ waa baa chwera Korowii Tɔn bini la ɛ kpela kɛŋɔ, ‘Ba hah mɛ pɛɛ.’

Amanesoma Jɔn Aa Chwera Tɔn 7:20

Belaa nɛnlaa la bane ŋɔ, “Dɛ kpoe nɛ? Jamɔ komɛl ɡale he sie. Umee dɛɛ nyini dɛ́ kpo ɔ?”

Amanesoma Jɔn Aa Chwera Tɔn 8:48

Belaa Juu tena la bɔɔro ŋɔ, “Nyosonee yaa teŋe kɛ yaa ŋɔa ŋɔ, he ɛ Samaria te kwa ɛɛ ir he nɛɛ la aa?”

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 22:30

Nomoa la dɛ nyin o jemɛ waa la Pɔɔl aa ɛa asɛ Juu tena la baah di o nɛɛ la kɛrɛdɛ. Anomanta, tɔ aa pera la, o ɡelɔ ba le Pɔɔl dea, dɛ ɡel Sɔfonomonome ne Juu tena nomonome baa dɛ bol waa la bwa cheme. Baa chema la, o ɡelɔ Pɔɔl ba che ba sie.

We-ɛɛla 23:1

Waa baa che nomonome la bwa sie la, o nyiŋ ba, dɛ ŋɔ, “Yabala, n bambile bwa nee n tomɛ Korowii le saŋ la bwa ba le fini. N liire ta men ɛɛ kɛ n ɛ wechɔɡa bwa.”

We-ɛɛla 24:20

Gɛ laa ɡe aa, hé ɡel nɛra nɔ baa lɔ bonɔ nɔ baɡle, dɛ ɡɛ saŋ baa laɡ mɛ ka cheme Juu tena nomonome sie la, dɛ ba na n wechɔɡe bɛl aa?

We-ɛɛla 4:15

Asɛ ba ŋɔ Píta ne Jɔn le dea la bini ka che dahara. Dɛ ba dɛ bɔɔ dɔŋa ŋɔ,

We-ɛɛla 5:21

Yeesu toroma la no nyundua torome la waa la, asɛ tɔ aa pera chɔmbibi ne la, ba ka jo Korowii Dea la bini dɛɛ bol Yeesu waa la. Awola chɔɔ ne la, Sɔfonomoa la ne o nɛra yerɛ Juu tena nomonome la bwa dɛ ba cheme, dɛ tomɛ nɛra ŋɔ bá la dea la baa lawɛ Yeesu toroma la do la bini, dɛ́ ka lee ba ba.

We-ɛɛla 5:27

Ba ba Yeesu toroma la ne dɛ ba ɡel ba che Juu tena nomonome la baah ta, asɛ Sɔfonomoa la bɔɔ ba ŋɔ,

We-ɛɛla 6:12

Kenii a ɡɛ nɛra nɔ ɛ dɛ won berɛ ba bwɛɛ tena ne Juu tena nomonome ne Tɔnjerema la bwa liire, dɛ ɡel ba baah di Steeven nɛ. Asɛ ba lawɔ la ba nomonome baa dɛ bol waa dɛɛ pa bole sie.

We-ɛɛla 6:15

Nomonome la ne nɛra baa lɔ bela la bwa kpɔ sie pa Steeven nɛ. Dɛ o siebɔr dɛ nyɛɡle al-al kɛŋɔ nyundua torome siebɔr ken.

We-ɛɛla 7:37

Mosisii ŋɔ nɛra la be ŋɔ Korowii ɛɛ tomɛ o keame bɛlee ba be ɡɛ waa tomɔ la, dɛ ŋɔ wɛɛ le ba dwee taa.

Tɔn Pɔɔl Aa Chwerɛ Rom Tena 12:10

Hé lawɛ dɔŋa kɛ nyabii, dɛɛ tɛ dɔŋa duure ɡwaa ɡɛ haa dɛ lii he te ɡbaɡba.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

1 Kɔrent 6:6

asɛ hɛɛ samane dɔŋa dɛ ɡel nɛra baa wola asɔre tena ɛɛ kaa bol he waa nɔ naa? A ta ɡɛ chɛɛ.

Mmarare 15:11

Nyaara aa he binii paŋɛ harɛ la ta saŋ bɛlbwa. Anomanta, n dɛ do heyaa ŋɔ hé ta tea dɛ́ɛ cha a ɡɛ nɛra la.”

Mmarare 16:18

Anee Mosis berɛ ŋɔ, “Bwɛɛ bɛlbwa Korowii aa ka kpɔ heyaa so o ta la, hé le nomonome ne nɛra báa nyiŋi he waa ta dɛ́ɛ bola kasinteŋ ne.

1 Tesalonika 4:6

Nomɛlbwa bɛ o dɔŋ nɛɛ jo a ɡɛ waa nɔ ta, dɛkalkɛ Korowii ɛɛ tɛr nɛra baa dɛ ɛ ɡɛ la deŋnee, ɡɛ yaa ja heyaa loɡla la ŋɔ hé nyiŋi a ta kɛrɛdɛ la.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Jems 2:20

Gɛne! He dɛ nyin n baɡle kɛŋɔ yarada wedɛɛɡa ɛɛ aa wola a ta jae la ɛ pɛɛpɛɛ aa?

Jems 3:6

Nyondoŋe do kɛŋɔ nihɔl ken, dɛ won wechɔɡa ɛɛ taeh ya bini, dɛ won yaa chɔɡa ya soɡa bini bwa. Bɔnsam niinii dɛɛ choŋu.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

1 Jɔn 2:9

Nomɛlbwa waa ŋɔa o lɔ bochaah ta, kɛ dɛ hah o dɔŋ la, naate ta lɔ biro tenten ta.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

Wepila 20:14

Belaa ba kpɔ seo ne Lalabwɛɛ bwa ta nidamanta aa yɛɛra chɔ kɛŋɔ moo la ta. Gɛ nii nɔɔ seo nɛɛte la.