Matiu 5:18 - mzwDBL

¹⁸ Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Matiu 5:18 ပူးပေါင်းရင်းမြစ်များ

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Yela 111:8

A lole saŋ bɛlbwa dɛɛ la, Korowii cheɡɛ toɡra o wa aa toɡra ne kasinteŋ ta, dɛ kpɔ tɛ o nɛra.

Yela 119:152

Saŋ la bwaa he waa la do le n hwela, a lole saŋ bɛlbwa dɛɛ la.

Aesaya 40:8

Kpɔɡa dɛ sewɛ, a fee ɡe ɛɛ chure, kɛ Korowii yaa dɛ tomɔ la te waa lole saŋ bɛlbwa dɛɛ la.”

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Matiu 10:15

Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

Matiu 10:23

Dɛ he la bwɛɛ bɛl ta baa ɛ heyaa hɔhɔrɔwa aa, hé chwa kaa bwɛfale ta. Kasinteŋ, haa won la Israel bwɛɛre nɔ bwa ta ka chiɡ mɔɔ Men Nɛn Bie ba.

Matiu 10:42

Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Matiu 11:11

Kasinteŋ, ba lolɛ nɛnjena harɛ nɔ ta, kɛ Jɔn waa dɛ sɔ nɛra Korowii nee nɔ ɡwaa ba bwa. Kɛ nomɛlbwa waa ɛ bechala Korowii Kora la ta te berɔ ɡwaa Jɔn.

Matiu 13:17

Kasinteŋ, Korowii keamere kɛrɛdɛ ne nɛra ba wa aa dɛ su Korowii siwi kɛrɛdɛ fe dɛ nyin kɛ ba na anɔ haa dɛ na nɔ, ba ta dɔe na, dɛ fe ɛɛ nyin dɛ no anɔ haa dɛ no nɔ, ba ta dɔe no.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Matiu 18:18

Kasinteŋ, wobɛlbwa haa wola sɛɛh harɛ nɔ ta la, nyundua ɡe Korowii aa sɛh, asɛ wobɛlbwa haa sɛh harɛ nɔ ta la, nyundua ɡe Korowii ɛɛ sɛoh.

Matiu 18:3

asɛ dɛ ŋɔ, “Kasinteŋ, he ta he liire charɛ dɛ do kɛŋɔ bechajeɡre aa, haa won ja Korowii Kora la ta bwa.

Matiu 19:23

Anee Yeesu ŋɔ o habɔteŋra la be ŋɔ, “Kasinteŋ, n dɛ ŋɔ he be, aa do kpeɡrii tɛ dɔɔh kɛ ó dɔ bɔr ja Korowii Kora la ta.

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Matiu 21:31

Nɛra banɛ nɔ, ba bini umee ɛ o mɛɛ tetoowaa tɛo wɔ?” Anee ba ŋɔ, “O binomoa laanee.” Belaa Yeesu ŋɔ ba be ŋɔ, “Kasinteŋ, toɔ lɛɛra baa dɛ bɔ nɛra apoo ne jwamane tena bwa ɛɛ tɔ siee dɔ Korowii Kora la ta jo ɡel heya,

Matiu 23:36

Kasinteŋ, nɛndɛɛɡa baa kpoo ba la bwa waa ɛɛ ba ɡure fini nɛra nɔ nɛɛ!

Matiu 24:2

Anee Yeesu ŋɔ, “Hé nyiŋi deene nɔ bwa kɛrɛdɛ. N dɛ ŋɔ he be kɛ baa ba kuuɡi a bwaa ta. Bwe bɛlbwa aa lee do dɛ́ ta chɔŋɛ o dɔŋ nɛɛ kpa.”

Matiu 24:47

Kasinteŋ, n dɛ ŋɔ he be, o dɔɔ la ɛɛ kpɔ o komɛlbwaa do o nɔn ta ŋɔ wɛ́ɛ nyiŋi a ta.

Matiu 25:12

Anee hanfale jaa la ŋɔ, ‘Kasinteŋ, maa heyaa jemɛ.’ ”

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

Matiu 5:26

Kasinteŋ, dea belaa hɛɛ ba kae ka tel ɡɛ saŋ haa bɔ he kem la bwa, kapɛrɛ ɡba aa wola ka mɔɔ ba lee.”

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Matiu 8:10

Yeesu aa no ɡɛ la, o nyoa kpoo, o ŋɔ o habɔteŋra la be ŋɔ, “Kasinteŋ, n ta nɛn waa dɔ yarada kɛ baa nɔ nae bwa. N ta o yarada dɔŋ nae Israel tena kwaraa bini.

Amanesoma Mak Aa Chwera Tɔn 10:15

Kasinteŋ, n dɛ ŋɔ he be, naate waa wola o te kpɔe tɛ Korowii dɛ yaradao ɡɛ bechala aa dɛ ɛ la, waa bɔree dɔ dɛ ba ja o Kora la ta.”

Amanesoma Mak Aa Chwera Tɔn 10:29

Asɛ Yeesu ŋɔ, “Kasinteŋ, n dɛ ŋɔ he be, nomɛlbwa waa koh n ne Amanesoma nɔ waa dɛ ɡel o bwɛɛ tena ne o nimanar ne o dɔɔranar ne o nahaahnanar, ne o nya ne o mɛɛ, ne o bii dɛ o kooni la,

Amanesoma Mak Aa Chwera Tɔn 11:23

Kasinteŋ, nomɛlbwa waa won kpɔ yarada ŋɔ bwe nɔ be ŋɔ ó ir ka le mpo ta, waa wola tɔŋlɛ o bambile ta tamaa bɛlbwa, dɛ yarada kɛŋɔ Korowii ɛɛ wonoo ɛ ɡɛ la, aa ɛo tɛo kpela ɡe.

Amanesoma Mak Aa Chwera Tɔn 12:43

Asɛ Yeesu yerɛ o habɔteŋra la dɛ ŋɔ ba be ŋɔ, “Kasinteŋ, luhaah nyaa nɔ do suuɡajena dɛ ɡwaa nɛra nɔ bwa,

Amanesoma Mak Aa Chwera Tɔn 13:30

Kasinteŋ, a ɡɛ waa nɔ bwa dɛ ba chiɡa mɔɔ fini nɛra nɔ bwa serewe.

Amanesoma Mak Aa Chwera Tɔn 14:18

Baa soɡa dɛɛ di kwaa la, Yeesu ŋɔ ba be ŋɔ, “Kasinteŋ, he nɛra n ne haa pɛ nɔn dɛɛ di kwaa nɔ bini bɛlee dɛɛ ba n yoɡa tɛ nɛra la.”

Amanesoma Mak Aa Chwera Tɔn 14:25

Kasinteŋ, maa a ɡɛ sen nɔ anee nyɔ kpa bwa, nemenɛ kɛŋɔ awola maa ba nyɔ anfala Korowii Kora la ta.”

Amanesoma Mak Aa Chwera Tɔn 14:30

Belaa Yeesu ŋɔ Pita be ŋɔ, “Kasinteŋ, jabal loɡle ne sii kera anɛ kere chɔmbibi ne dɛ he tɔɔh kera atoro ŋɔ haa men jemɛ kwaraa!”

Amanesoma Mak Aa Chwera Tɔn 14:9

Kasinteŋ, bobɛlbwa baa bol Amanesoma nɔ harɛ ta bobɛlbwa la, baa bol waa waa ɛa nɔ waa dɛ́ kpɔ liiru.”

Amanesoma Mak Aa Chwera Tɔn 3:28

Belaa o ŋɔ ba be ŋɔ, “Kasinteŋ, Korowii won nɛra wechɔɡa ne nɛnhɛla baa dɛ ɛo la kpɔe dɛ́ kɛ ba.

Amanesoma Mak Aa Chwera Tɔn 6:11

Dɛ ba ta heyaa lɛɛ silɛɛ ne bwɛɛ la ta naa, hé pee he napaala teera ta bela, ásɛ a baɡle kɛŋɔ he kpɔ Korowii Waa ba ba be ba vɛah.”

Amanesoma Mak Aa Chwera Tɔn 8:12

Yeesu hweero fuuu dɛ ŋɔ, “Ɛrɛɛ fini nɔ nɛra ɛɛ nyin nyokpowaa dɛ́ na nɔɔ? Kasinteŋ, maa wobɛlbwaa ɛ fini nɔ nɛra na.”

Amanesoma Mak Aa Chwera Tɔn 9:1

Asɛ Yeesu ŋɔ, “Kasinteŋ, Korowii ɛɛ ba di o Koraa kpeɡri nɛɛ harɛ nɔ ta, dɛ he bini bane ta soɡe le dɛ nao.”

Amanesoma Mak Aa Chwera Tɔn 9:41

Kasinteŋ, nomɛlbwa waa koh kɛ he ɛ men Kristo nɛra dɛ́ tɛ heyaa nee hé nyɔ la, waa o kembɔr paŋa ba bwa.

Amanesoma Luk Aa Chwera Tɔn 11:51

Dɛ le Ebel kpoe ta ka tel Sekaria baa kpoo bela baa dɛ fuh kwaa dɛɛ tɛ Korowii ne Korowii Dea la tenten baah ta la. Kasinteŋ, n dɛ ŋɔ he be, Korowii ɛɛ pɛɛ fini nɔ nɛra ba bwa waa.

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 13:35

Taraken te, Korowii ta he waa tɛ heya. Kasinteŋ, n dɛ ŋɔ he be, haa men na kpa ka tel ɡɛ saŋ maa ba ja, asɛ he ŋɔ, ‘Woowo! Korowii swee naate waa valɛ o sɔn ta dɛɛ ba nɔ andɛɛɡa!’ ”

Amanesoma Luk Aa Chwera Tɔn 16:17

Kɛ, nyundua ne harɛ ɛɛ chɔɡoo, dɛ ba ta Mmara la bini wejeɡaa bɛlbwa berɛ.

Amanesoma Luk Aa Chwera Tɔn 18:17

Kasinteŋ, naate waa wola o te kpɔe tɛ Korowii dɛ yaradao kɛŋɔ bechale nɔ la, waa Korowii Kora la ta dɔe ba dɛ́ ja bwa.”

Amanesoma Luk Aa Chwera Tɔn 18:29

Anee Yeesu ŋɔ ba be ŋɔ, “Kasinteŋ, nomɛlbwa waa koh Korowii Kora nɔ waa dɛ ɡel o dem, kɛɛ o haah ne bii, kɛɛ o nya ne mɛɛ, kɛɛ o dɔɔranar ne o nimanar la,

Amanesoma Luk Aa Chwera Tɔn 23:43

Anee Yeesu chaŋo ŋɔ, “Kasinteŋ, hale fini, hɛɛ ja n nɛɛ nɛndɛɛɡa silɛɛ bwɛɛ nyundua belaa.”

Amanesoma Luk Aa Chwera Tɔn 4:24

Dɛ ŋɔ ba be ŋɔ, “Kasinteŋ, Korowii keame ta sɔn dɔe o ɡbaɡba bwɛ.

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

Amanesoma Jɔn Aa Chwera Tɔn 10:1

Yeesu ŋɔ, “Kasinteŋ, n dɛ ŋɔ he be, dɛ nomɛlbwa jo peera leɡ bini, dɛ o ta doonyoa cheɡɛ jo dɛ ka che baŋ bɛl dɛ teeh jo a be naa, dɛ ŋwɛɛree on.

Amanesoma Jɔn Aa Chwera Tɔn 10:7

Yeesu berɔ ŋɔ ba be ja ŋɔ, “Kasinteŋ, n dɛ ŋɔ he be, n do kɛŋɔ peera leɡ doonyoa la.

Amanesoma Jɔn Aa Chwera Tɔn 12:24

Kasinteŋ, dɛ ba ta boyubii kpɔe du o pɔh aa, waa won ya. O ɡboo dɛ do le. Dɛ he duu te naa, o dɛ le dɛ ya kɛrɛdɛ.

Amanesoma Jɔn Aa Chwera Tɔn 13:16

Kasinteŋ, n dɛ ŋɔ he be, yom ta o dɔɔ ɡwaalɛ, torome ɡe ta nɛn waa tomɔ ɡwaalɛ.

Amanesoma Jɔn Aa Chwera Tɔn 13:38

Anee Yeesu berɛ bɔɔ ŋɔ, “Kpelaa kɛŋɔ hɛɛ won koh n waa sewaa? Kasinteŋ, n dɛ ŋɔ he be, jabal loɡle ne sii dɛ he tɔɔh kera atoro ŋɔ haa men jemɛ kwaraa.”

Amanesoma Jɔn Aa Chwera Tɔn 14:12

Kasinteŋ, n dɛ ŋɔ he be ŋɔ, nomɛlbwa waa yarada mɛ la, wɛɛ ɛ n we-ɛɛla dɔŋa bwa soo siwii. Wɛɛ won dɛɛ ɛ anɔ la aa ɡwaa n kwaa nɔ kwaraa, dɛkalkɛ mɛɛ berɔɔ kaa n Mɛɛ be.

Amanesoma Jɔn Aa Chwera Tɔn 16:20

Kasinteŋ, n dɛ ŋɔ he be, he loo ɛɛ kuu he wi, ásɛ nɛra baa dɔ harɛ nɔ ta ɡbo liire sie lɛ. He tea bini ɛɛ chɔɡoo, kɛ he tebinichɔɡ la ɛɛ berɛ heyaa silɛɛ.

Amanesoma Jɔn Aa Chwera Tɔn 16:23

Tɔpere la telaa, haa men wobɛlbwaa bɔɔ kpa. Kasinteŋ, n dɛ ŋɔ he be, dɛ he soŋe komɛlbwa n Mɛɛ be naa, wɛɛ koh n waa dɛ́ tɛ heya.

Amanesoma Jɔn Aa Chwera Tɔn 21:18

Kasinteŋ, n dɛ ŋɔ he be, he fa aa ɛ bonɔɔ la, he won kiriso vɔwa dɛ́ kaa bela bwa haa dɛ nyin. Kɛ dɛ he baa hwɛɛhraa, hɛɛ tɛr nɔɔraa ásɛ nomɛl vɔrɔwe dɛ́ kaa he ne bela haa wola nyin laŋa.”

Amanesoma Jɔn Aa Chwera Tɔn 3:11

Kasinteŋ, n dɛ ŋɔ he be, waa yaa jema la, ne waa ya sie aa naa la, anee yaa bol, kɛ haa ya be no.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

Amanesoma Jɔn Aa Chwera Tɔn 5:19

Belaa Yeesu chaŋ ba ŋɔ, “Kasinteŋ, n dɛ ŋɔ he be, toma Korowii aa dɛ ɛ laanee o Bie ɡe ɛɛ ɛ, dɛkalkɛ waa won kpɔ o ɡbo liire dɛɛ ɛ ɡɛ waa dɛ nyin. Anɔ la Korowii aa dɛ ɛ laanee o Bie ɡe nyiŋi dɛɛ ɛ.

Amanesoma Jɔn Aa Chwera Tɔn 6:26

Belaa o chaŋ ba ŋɔ, “Kasinteŋ, paanoo la he dɛ aa dia vaɡɛ la waa hɛɛ ɡaaɡe n bɔr la. Menɛkɛsɛ he no nyokpowaa la bɛlbwa mun.

Amanesoma Jɔn Aa Chwera Tɔn 6:32

Asɛ Yeesu ŋɔ, “Kasinteŋ, n dɛ ŋɔ he be, Mosis laa tɛ heyaa kondikwaa aa le nyundua la. N Mɛɛ ɡboo won kondikwaa tenten aa le nyundua la kpɔe dɛ tɛ.

Amanesoma Jɔn Aa Chwera Tɔn 6:47

Kasinteŋ, n dɛ ŋɔ he be, nomɛlbwa waa yarada mɛ la dɔ mkpa aa wola jaɡa dɔe.

Amanesoma Jɔn Aa Chwera Tɔn 6:53

Anee Yeesu ŋɔ, “Kasinteŋ, n dɛ ŋɔ he be, dɛ nomɛlbwa ta Men Nɛn Bie la bo-ol dii asɛ dɛ nyɔ n chal aa, amɔ dɛ o ta mkpa la dɔe.

Amanesoma Jɔn Aa Chwera Tɔn 8:34

Belaa Yeesu ŋɔ, “Kasinteŋ, n dɛ ŋɔ he be, nomɛlbwa waa dɛ ɛ wechɔɡa la ɛ yom. Wechɔɡa yawɔ yom.

Amanesoma Jɔn Aa Chwera Tɔn 8:51

Kasinteŋ, n dɛ ŋɔ he be, nomɛlbwa waa no n waa nɔ dɛ teŋɛ a ta la aa sewɛ bwa.”

Amanesoma Jɔn Aa Chwera Tɔn 8:58

Anee o ŋɔ, “Kasinteŋ, n dɛ ŋɔ he be, baa wola Abraham lolɛ mɔɔ la dɛ n lole.”

1 Pita 1:25

Kɛ Korowii Waa te lole saŋ bɛlbwa.” A ɡɛ waa nɔɔ Amanesoma baa bola baɡle heyaa la.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.