Matiu 5:16 - mzwDBL

¹⁶ Gɛɛ chɛ kɛŋɔ hé chaah tɛ nɛra, ásɛ ba na he wedɛɛɡa ɛɛ, dɛ́ duu he Mɛɛ waa lɔ nyundua la.”

Matiu 5:16 ပူးပေါင်းရင်းမြစ်များ

Kaala 34:35

asɛ ba na kɛŋɔ o siebɔr dɛ nyɛɡle. Ba nao ɡɛ naa, dɛ o berɔ kpɔ yal la tɔ o sie ka tel kɛŋɔ saŋ waa berɛ ba jo Korowii be bá ka bol waa ja.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 58:8

Anee dɛɛ ba ɡela n sie lɛ he nɛ, ásɛ he chaah kɛŋɔ wechɛn ken, ásɛ he weela bwa kaa warane, he wedɛɛɡa tɔ he sie, ásɛ n jirima tɔ he nɛ.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.

Matiu 23:9

Ásɛ harɛ nɔ ta ɡe, he bɛ nomɛlbwa he Mɛɛ dɛɛ yerɛ, dɛkalkɛ he Mɛɛ lɔ beŋkpoŋ ɡbo dɛ do nyundua.

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:9

Kenii chɛ kɛ hɛɛ soŋe Korowii, ‘Ya Mɛɛ haa lɔ nyundua, henee chɛ duura.

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 11:2

Anee Yeesu ŋɔ ba be ŋɔ, “Dɛ he dɛ soŋe Korowii aa, hé ŋɔ, ‘Ya Mɛɛ haa lɔ nyundua, henee chɛ duura. Baɡle he Kora dii harɛ nɔ ta.

Amanesoma Jɔn Aa Chwera Tɔn 15:8

Dɛ he wono dɛɛ ɛ n Mɛɛ tetoowaa kɛŋɔ kpale waa dɛ nɔnɛ kɛrɛdɛ naa, wɛɛ dɔ jirimaa. Anee dɛ baɡle kɛ n habɔteŋraa heyaa kpela.

We-ɛɛla 9:36

Dɛ haah bɛl lɔ Jopa dɛ ɛ asɔre te baa yerɔ Tabita. Grik tena ɡe dɛ yerɔ Dɔkas. Dɛ haah la dɛ ɛ wedɛɛɡa taeh dɛɛ cha nyaara.

1 Kɔrent 14:25

O tea bini waa bwa ɛɛ chɔ baŋee, ásɛ o ɡuŋi Korowii harɛ dɛ́ soŋo, ásɛ dɛ ŋɔ nɛra be ŋɔ Korowii ja he nɛɛ kpela.

2 Kɔrent 9:13

He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ.

Galaasia 1:24

Ba cheɡɛ a ta dɛ jam Korowii a wa.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

1 Timoti 2:10

Kɛ báa ɛ wedɛɛɡa kɛ haahna baa dɛ tomɛ Korowii. Ba wedɛɛɡa ɛɛ laanee dɛ́ ɡel ba do wer toli.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Timoti 5:25

Gɛ tentenee wedɛɛɡa ɛɛ ɡe aa wola won sɔh. Dɛ nɛn ɛ wedɛɛɡa sɔh ɡba aa, aa le baŋee.

1 Timoti 6:18

Ŋɔ ba be báa ɛ wedɛɛɡa, ásɛ wedɛɛɡa berɛ ba kondɔɔh, bá won ba tea tae dɛɛ kɛ nɛra bwa kwa.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Taetos 2:7

Henee chɛ kɛ he ɡel he we-ɛɛla do wer wobɛlbwa ta, ásɛ ba nyiŋi dɛɛ hweli. Dɛɛ baɡle waa kasinteŋ ne, dɛɛ swɛɛ siwi a ta.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

Taetos 3:4

Kɛ ya Lɛɛ Korowii aa le chae waa cha yaa la ne o nyina waa dɛ nyin nɛn asɛ ya jemɛ a waa la,

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 3:1

He haahna ɡe, hé pwɛr he te dɛɛ tɛ he jaranar. Dɛ he dɛ ɛ ɡɛ naa, he banɔ la he jaranar aa wola Korowii waa yaradae la, he we-ɛɛla ɛɛ ɡeloo bá yarada. Haa nyoa kwaraa pili bol wa,

1 Pita 3:16

He dɛ baɡla aa, hé kpɔ sisɔna ne taa dɛɛ baɡla. A chɛ kɛ he tea to he jemɛ kɛŋɔ nomɛlbwa aa he wobɛlbwaa dɔ dɛ bol. He dɛ ɛ ɡɛ naa, nɛra baa koh he teŋa haa dɛ teŋɛ Yeesu Kristo nɛ, ne he wedɛɛɡa haa dɛ ɛ waa dɛ bol wobochɔɡa dɛɛ yaɡɛ heyaa la, sihiih ɛɛ kpo baa.

1 Pita 4:11

Nomɛlbwa Korowii aa chao o won dɛɛ bol o Waa la, wɛ́ɛ bola dɛ jemɛ kɛŋɔ Korowii Waa wɛɛ bol la. Nomɛlbwa Korowii aa chao o won dɛɛ tomɛ o dɔŋ la, wɛ́ɛ tomɔ bokpeɡa Korowii aa tɛo bwa ne, ásɛ wobɛlbwa ta la, Korowii che Yeesu Kristo nɛɛ dɛ́ dɔ sɔn. On chɛ kpeɡri ne jirima aa wola jaɡa dɔe bwa. Aamen.

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.