Matiu 5:11 - mzwDBL

¹¹ Dɛ nɛra koh teŋa haa teŋɛ n nɛɛ nɔ waa dɛɛ chɛɡre heya, dɛɛ ɛ heyaa hɔhɔrɔwa, dɛɛ teŋe nyosone, dɛ bol musu waa bɛlbwa dɛɛ dawɛ he nɛ aa, he na som.

Matiu 5:11 ပူးပေါင်းရင်းမြစ်များ

Yela 35:11

Nɛnchɔɡa teŋe nyosone dɛɛ dawɛ n nɛ, waa maa wola a waa jemɛ laanee baa bɔɔ mɛ.

Yela 44:22

He nomanta, ya cheɡɛ seo nyoa saŋ bɛlbwa, baa ɛ yaa kɛ peera baa dɛ la ka kpoora ken.

Aesaya 25:8

Wɛɛ le seo nee waa wola lee do kpa bwa. Nemenɛ Korowii ɛɛ fee nomɛlbwa siniiree, dɛ́ laa sihiih o nɛra aa dia kpɔ harɛ nɔ bwa ta. Korowiirii bola.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

Aesaya 66:5

Hé no waa Korowii aa dɛ bol, he nɛra haa dɛ ɔmɔ dɛɛ no o deŋna waa la. O ŋɔ, “He wa aa dɔ kasinteŋ tɛ mɛ nomanta, he bala bane hah heya, dɛ vɛh heya. Ba dɛ muɡli he baah ŋɔ, ‘He ɡel Korowii baɡle o kpeɡri dɛ́ lɛ heya ásɛ ya na he silɛɛ.’ Kɛ ba ɡbaɡbaa dɛɛ ba sihiih dii kohona.

Jeremia 37:14

Anee n chaŋe ŋɔ, “Gɛ laa a do! Chwae laa n chwa dɛɛ kaa Babelɔn tena be.” Ane a bwa, Irija ta n be noɛ, o laɡ mɛ dɛ kpɔ mɛ kaa nomonome la be.

Matiu 10:18

Baa koh n waa yerɛ heyaa cheme Abane nomonome ne koranar siee, dɛ́ ŋɔ hé ba bol Amanesoma la baɡle ba ne nɛra baa wola Juu tena ɛɛ la.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?

Matiu 10:39

Nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu, ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Matiu 19:29

Asɛ nomɛlbwa ɡe koh n waa dɛ ɡel o dem ne o nahaahnanar, ne o dɔɔranar ne nimanar, ne o nya ne o mɛɛ, ne o bii dɛ kooni aa, wɛɛ dɔ a dɔŋa bele lafaa, dɛ́ berɛ dɔ mkpa aa wola jaɡa dɔe bwa la ɡe.

Matiu 24:9

Ásɛ mɔɔ ba ta lawɛ heyaa tɛ nɛra, ba ɛ heyaa hɔhɔrɔwa dɛ́ kpoo heya. Nomɛlbwa ɛɛ koh n waa hah heya.

Matiu 27:39

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ,

Amanesoma Mak Aa Chwera Tɔn 13:13

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Amanesoma Mak Aa Chwera Tɔn 13:9

Hé ɡbaɡba ɡe nyiŋi kɛrɛdɛ. Baa larawe heyaa dɛ la he ne nomonome sie, dɛ́ lɔɔ heyaa cheremi deene bini. Men nomanta hɛɛ che Abane nomonome ne koranar siinii dɛ́ bol Korowii Amanesoma la baɡ ba.

Amanesoma Mak Aa Chwera Tɔn 4:17

Kɛ Waa la aa wola ban jooɡɛ la ɡelɔ aa won ba nyu bini ka. A cheɡɛ Korowii Waa ta waane puu ba aa, dɛ ba horɔ.

Amanesoma Mak Aa Chwera Tɔn 8:35

dɛkalkɛŋɔ nomɛlbwa o sie aa swɛɛ harɛ nɔ ta silɛɛ kwaa ta la, wɛɛ paŋɛ o nyuu. Ásɛ nomɛlbwa ɡe waa koh n ne Korowii Amanesoma nɔ waa dɛ kpɔ o nyu ta la, wɛɛ dɔ o nyuu.

Amanesoma Luk Aa Chwera Tɔn 21:12

Mɔɔ ɡɛ waa nɔ bwa chiɡ la, baa tɔ sie larawe heya, dɛ́ ɛ heyaa hɔhɔrɔwa, dɛ́ lawɛ heyaa la cheremi deene bini, dɛ́ ka bol he waa dɛ́ do heyaa dea. Baa koh n waa dɛ́ lawɛ heyaa ka che nomonome ne koranar siini.

Amanesoma Luk Aa Chwera Tɔn 21:17

Nomɛlbwa ɛɛ koh n waa hah heya.

Amanesoma Luk Aa Chwera Tɔn 6:22

Dɛ nɛra koh Men Nɛn Bie nɔ waa dɛ hah heya, dɛ vɛh heya, dɛ chɛɡre heya, dɛ yerɛ he sɔnchɔɡe aa, he na som.

Amanesoma Luk Aa Chwera Tɔn 9:24

dɛkalkɛ nomɛlbwa o sie aa swɛɛ harɛ nɔ ta kwaa ta la, wɛɛ paŋɛ o nyuu. Ásɛ nomɛlbwa ɡe o sie aa wola harɛ nɔ ta silɛɛ kwaa ta lɛ la, wɛɛ dɔ o nyuu.

Amanesoma Jɔn Aa Chwera Tɔn 15:21

Anɔ bwaa baa ba n waa koeh dɛɛ ɛ heya, dɛkalkɛŋɔ baa naate waa tom mɛ la jemɛ.

Amanesoma Jɔn Aa Chwera Tɔn 9:28

Belaa ba chɛɡro kohona, asɛ dɛ ŋɔ, “Henee o habɔteŋre! Ya te, Mosis habɔteŋraa yan.

We-ɛɛla 9:16

Mɛɛ ɡeloo ó jemɛ wahala bwa waa dɛ ba n waa koeh dɛ́ na.”

Tɔn Pɔɔl Aa Chwerɛ Rom Tena 8:36

Gɛ Korowii Tɔn aa dɛ baɡle la, “He nomanta, ya cheɡɛ seo nyoa saŋ bɛlbwa. Saŋ bɛlbwaa baa ɛ yaa kɛŋɔ peera baa dɛ la ka kpoa la ken.”

1 Kɔrent 4:10

Yeesu Kristo nomanta, ya ɛ ɡɛna nɛra be, kɛ he dɛ yerɛ he te wejerema o waa ta. Ya ɛ nɛŋɡwɛɡra nɛra be, kɛ he ɛ he te o kpeɡnɛra. Ba dɛ duu heya, dɛ lawɛ ya te sie dɛɛ teɡɛ harɛ.

2 Kɔrent 4:11

Yaa soɡe le nɔ, Yeesu nomanta, saŋ bɛlbwaa ya so seo nyoa, ásɛ nɛra na o mkpa ya bwadabii waa won sewa nɔ aa dɔa.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

Wepila 2:3

He lawɛ bambile dɛ koh n waa dɛ na wahala, kɛ dɛ ta lawɛ a bini.