Matiu 4:3 - mzwDBL

³ Anee Bɔnsam ba o be dɛ ba ŋɔ o be ŋɔ, “Dɛ henee Korowii Bie la kpela aa, ɡel bwea nɔ berɛ paanoo hé di.”

Matiu 4:3 ပူးပေါင်းရင်းမြစ်များ

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Matiu 14:33

Yeesu habɔteŋra baa lɔ ɡbera la bini la ɡuŋu dɛ ŋɔ, “Kasinteŋ, henee Korowii Bie la kpela.”

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 26:63

Yeesu mwaa o ne, o ta wobɛlbwa chaŋɛ. Anee Sɔfonomoa la berɛ ŋɔ o be ja ŋɔ, “N ŋwɛɛ Korowii waa lole saŋ bɛlbwa nɔ kɛŋɔ, dɛ henee o Bie Kristo la waa baɡɛ yaa nyoa ŋɔ wɛɛ tomɔɔ ó ba lɛ yaa la aa, ɡel ya jemɛ fini.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Amanesoma Mak Aa Chwera Tɔn 1:1

N dɛ nyin n baɡle heyaa amanesoma aa le Korowii Bie Yeesu Kristo waa la ta. A mumparee nɔ.

Amanesoma Mak Aa Chwera Tɔn 3:11

Banɔ la kwaa aa dɛ ir ba nɛɛ la nao waa, ɡɛɛ ba choɡli o sie dɛ kpɔ takpeɡ dɛɛ bol waa o be, ŋɔ, “Henee Korowii Bie la!”

Amanesoma Mak Aa Chwera Tɔn 5:7

dɛ kpɔ takpeɡ ŋɔ, “Yeesu, Nemenɛ Korowii Bie, bɔkwaa hɛɛ nyin n be nɔ? N kpɔ Korowii dɛɛ soŋe, bɛ men weweele do.”

Amanesoma Luk Aa Chwera Tɔn 1:35

Belaa nyundua torome la ŋɔ, “Korowii Domadɛɛɡe ɛɛ ba he bee, ásɛ Nemenɛ Korowii kpeɡri tɔ he nɛ, ásɛ he kpoŋe tea. Anɔ taa aa ba cheɡa bie haa dɛ ba lola la ɛ nɛn o wa aa do ɡoroŋ, ásɛ baa yerɔ Korowii Bie.

Amanesoma Luk Aa Chwera Tɔn 22:70

Asɛ ba bwa ŋɔ, “Amɔ he ɛ Korowii Bie kɛɛ?” Anee Yeesu ŋɔ, “Anee he bol la.”

Amanesoma Luk Aa Chwera Tɔn 4:3

Bela la, Bɔnsam ŋɔ o be ŋɔ, “Dɛ henee Korowii Bie la kpela aa, ɡel bwe nɔ berɛ paanoo hé di.”

Amanesoma Luk Aa Chwera Tɔn 4:41

Kwaa aa dɛ ir nɛra nɛɛ la le ba nɛɛ pirim. Aa dɛ le dɛ a dɛ dooɡe lɔŋɔre dɛɛ ŋɔ, “Henee Korowii Bie la!” Yeesu kah kwaa la, o ta ɡelɛ a bol wa, dɛkalkɛŋɔ a jemɔ kɛŋɔ onee Kristo la Korowii aa baɡɛ nyoa ŋɔ wɛɛ tomɔɔ ó ba lɛ o nɛra la.

Amanesoma Luk Aa Chwera Tɔn 4:9

Belaa Bɔnsam kpɔɔ kaa bwɛjen Jerusalam, dɛ kpɔɔ ka cheɡ Korowii Dea la nyundujaɡla, asɛ dɛ ŋɔ o be ŋɔ, “Dɛ henee Korowii Bie la kpela aa, che bonɔ dɛ́ jah le harɛ,

Amanesoma Jɔn Aa Chwera Tɔn 1:34

A ɡɛ waa nɔ chiɡo n na, anomanta, n dɛ ŋɔ he be ŋɔ Korowii Biee on.”

Amanesoma Jɔn Aa Chwera Tɔn 1:49

Anee Nataaneɛl ŋɔ, “Nomoa, Korowii Biee hen. Henee Israel tena Kooro la.”

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 9:35

Yeesu aa noa kɛŋɔ ba doŋu cheremi dea bala la, o nyin o bɔr asɛ dɛ pɛɛro ŋɔ, “He dɛ yarada Men Nɛn Bie la aa?”

We-ɛɛla 9:20

asɛ o den la bela cheremi deene bini dɛ kaa bol Yeesu waa dɛɛ baɡle nɛra dɛɛ ŋɔ Korowii Biee Yeesu.

2 Kɔrent 1:19

Korowii Bie Yeesu Kristo la n ne Silvanos ne Timoti aa baɡle o waa he be la dɔ kasinteŋ. O ta dɔe kɛŋɔ o ŋɔ ɔɔh, dɛ berɛ le habɔɔ dɛ ŋɔ ɔɔhɔh. O te bol wa aa, dɛ o bolɔ.

Galaasia 2:20

Baa kpaa Yeesu Kristo pɛl o daɡaɡre ta la, a kaa ɛ kɛ n ne onee sewa. Anomanta, n soɡa nɔ maa soɡa nɔ, n ɡbaɡba laa dɛɛ hwee nɔ. Korowii Bie Yeesu Kristoo soɡe n nɛɛ dɛɛ hwee la. N hweera nɔ maa dɛ hwee nɔ, yarada maa yaradao la, anee ɡela n do le la. Korowii Bie nɔ nyin mɛ kohona dɛ kpɔ o hweera charɛ n nyu.

1 Tesalonika 3:5

A waa ɡela n haŋre kahonɛ dɛ tomɛ Timoti, ásɛ dɛ jemɛ he yarada bini kɛŋɔ Bɔnsam ken baa neɡre heyaa dɛ ɡel ya toma yaa baa ɛ la ken ɛ pɛɛpɛɛ.

Hibru 12:16

He bini bɛlbwa bɛ jwamane ba bɔ, dɛ bɛ vɛh kɛ hɛɛ kpɔ duure tɛ Korowii, kɛŋɔ Esɔ aa koh kerabeŋkpoŋ kondikwaa dii waa charɛ o nomonome tɛ o nime la.

Hibru 4:14

Ya dɔ Sɔfonomonjen waa wona la Korowii sie tenten. Onee Korowii Bie Yeesu la. Anomanta, hé ɡel ya lawɛ o waa la yaa dɛ yarada la bini kpoŋe kiŋkiŋ.

Hibru 7:3

Mɛlkesɛdɛk ta nya ne mɛɛ dɔe ya jemɛ. O ta lolanar dɔe. O ta lola tɔpere ne sewa tɔpere ɡba dɔe ya jemɛ. O ɛ Sɔfo saŋ bɛlbwa dɛɛ la aa wola jaɡa dɔe kɛŋɔ Korowii Bie la ken.

1 Jɔn 3:8

Nomɛlbwa waa teŋa dɛɛ ɛ wechɔɡa la ɛ Bɔnsam nɛn, dɛkalkɛŋɔ harɛ mumpar la bwaa Bɔnsam le dɛɛ ɛ wechɔɡa. A waa Korowii Bie la koh ba harɛ nɔ ta dɛ ba chɔɡ Bɔnsam toma bwa.

Wepila 2:10

He bɛ wahala bɛlbwa haa ba na la ɔmɛ. Hɛ́ɛ no! Bɔnsam ɛɛ ɡeloo bá larawe he bane do dea, dɛ́ daah heyaa na. Hɛɛ na wahalaa kohona tɔpera fi. Dɛ seo bini kwara, he cheɡɛ kiŋkiŋ naa, mɛɛ tɛ heyaa mkpaa o ɛ kompoŋ haa yoa dɛ lɛ ba vɔwɛ heya.