Matiu 4:24 - mzwDBL

²⁴ O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Matiu 4:24 ပူးပေါင်းရင်းမြစ်များ

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Koranar 10:1

Seeba kooro waa ɛ haah baa no Kooro Solomɔn sɔn lee waa lea kohona. Anomanta, o la Kooro Solomɔn be Jerusalam, dɛ kpɔ wobobeela a bini aa kpeɡa dɛ́ ba daahno na.

1 Koranar 4:31

Dɛ o jemɛ waa ɡwaa nomɛlbwa. O ɡwaa Etan waa ɛ Esera te ne Mahɔl bibaala Heman ne Kalkol dɛ Daada. O sɔn leɔ kohona harɛre aa bar ba la bwa ta.

1 Webena 14:17

Kooro Devid sɔn le harɛre bwa ta, asɛ Korowii ɡel harɛre nɛra bwa ɛɛ ɔmɔ.

1 Webena 29:2

N takapɔ nyin laala baa kpɔ do Korowii maa dɛ tomɔ Dea la. N dɔ suuɡaswɛm ne suuɡapoŋa ne ayaawa ne bune ne daa, ne bwedɛɛɡa ane a yoɡ aa kpeɡa baa yera onis ne tɛɛkoes, dɛ bwea bwa soo siwi, a warɔ kɛrɛdɛ.

Kaala 15:26

Korowii bol ba be ŋɔ, “Dɛ hɛɛ cheɡ deŋnee dɛɛ no men Korowii haa dɛ tom mɛ nɔ dɛɛ ɛ anɔ la aa toɡra n be, dɛ́ swɛɛ siwi dɛɛ teŋɛ me Mmarare bwa ta ɡɛ naa, ate maa weela maa kpɔa ba ta Ijipt tena nɛɛ la bɛlbwaa kpɔ ba he nɛ. Menee Korowii maa dɛ chah heya weela.”

Matiu 12:22

Asɛ nɛra bane kpɔ baa bɛl kwaa aa dɛ ir o nɛɛ dɛ ɡel o nyoŋe, waa wola won waa ɡe bol ba Yeesu be, asɛ o chah baa la dɛ ɡel wɛɛ na dɛ won waa ɡe bola.

Matiu 14:1

Kooro Hɛrɔd waa dɛ nyiŋi Galilia harɛ ta ɡɛ saŋ la no Yeesu wa,

Matiu 15:22

Haah bɛl waa ɛ Keenan te dɛ do bela ba Yeesu be dɛ ba kpɔ takpeɡ ŋɔ, “Devid Naa Yeesu, na n sum! Nomoa, kwaa dɛ ir n bihaah nɛɛ dɛɛ fiiɡu, a do kpeɡri.”

Matiu 17:15

dɛ ŋɔ, “N Dɔɔ, na n bibaa nɔ sum tɛ mɛ! O dɛ chole ɡbuŋɡbuŋri. A iraa, aa were kwaraa. Tɔpebɛla a iraa, a ɡelɔ wɛɛ chole nii ta, asɛ tɔpebɛla ɡe a ɡel wɛɛ chole nee ta.

Matiu 17:18

Yeesu kɔr kwaa aa ɡela ɡbuŋɡbuŋri la ɛɛ ir bie la nɛɛ la, asɛ a le o nɛɛ kaa. Buɡ la ta, bie la den dɔ bokpeɡa.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 8:28

Yeesu aa le moo la baŋ dɛ ba Gadara harɛ ta la, baala banɛ bane kwa aa dɛ ir ba nɛɛ le lala huɡribɔr dɛ ba chemo. Wechɔɡa baa dɛ ɛ nomanta, dɛ nomɛlbwa aa won bela baa lole kpɔ.

Matiu 8:33

Nɛra baa dɛ nyiŋi parakooni la chwao kaa bwɛɛ la ta, dɛ ka bol waa aa chiɡ bela la bwa, ne waa aa pu baala la kwaa aa dɛ ir ba nɛɛ la wa.

Matiu 8:6

“N Dɔɔ, n bonɔɔ bwara dɛ weo. O kuuɡo chɔ dea, o bwara dɛ nyɛɡo taeh.”

Matiu 9:26

Gɛ waa nɔ perɛ baah bela bwɛɛre la kɛrɛdɛ bwa ta.

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Amanesoma Mak Aa Chwera Tɔn 1:28

Buɡ la ta, Yeesu waa perɛ Galilia harɛ bobɛlbwa.

Amanesoma Mak Aa Chwera Tɔn 1:32

Wee aa joa la, ba kpɔ weela tena ne nɛra kwaa aa dɛ ir ba nɛɛ bwa ba Yeesu be.

Amanesoma Mak Aa Chwera Tɔn 2:3

Belaa nɛra banaarɛ bane kpɔ baa bɛl waa kuuɡa dɛɛ ba Yeesu be.

Amanesoma Mak Aa Chwera Tɔn 2:4

Bɔr aa fara la, ba ta wone kpɔ baa la ba o be. Anee ba teeh dea la dɛ forɛ sal la bela Yeesu aa cheɡa la, dɛ kpɔ baa la ne o kalaŋ waa chɔ o ta la dɛ che bela dɛ kpɔɔ bil Yeesu sie.

Amanesoma Mak Aa Chwera Tɔn 2:9

Maa ŋɔ o be ŋɔ n kpɔ o wechɔɡa kɛo nɔ, ne kɛŋɔ maa ŋɔ o be ŋɔ ó ir dɛ́ kpɔ o kalaŋ valɛ, a bini umee kpeɡa ɔ?

Amanesoma Luk Aa Chwera Tɔn 2:2

A ɡɛ nɛra kura nɔɔ tɔ sie. Dɛ Kwiriniosii dɛɛ nyiŋi Siiria harɛ ta a ɡɛ saŋ.

Amanesoma Luk Aa Chwera Tɔn 4:14

Dɛ Korowii Domadɛɛɡe kpeɡri lɔ Yeesu nɛ, asɛ o berɛ la Galilia harɛ. Belaa o waa perɛ baah bela bwɛɛre la bwa ta.

Amanesoma Luk Aa Chwera Tɔn 4:38

Yeesu le cheremi dea bela dɛ la Seemɔn dem, dɛ Seemɔn helahaah bwara wɔrɔbɔ tenten, asɛ ba bol o waa Yeesu be ŋɔ ó chaoh.

Amanesoma Luk Aa Chwera Tɔn 5:15

Waa ŋɔ o be ŋɔ o bɛ nomɛlbwa be ŋɔ la, name tenee a ɛ anam. Yeesu waa perɔ kohona, asɛ nɛra ɛɛ ba o be pirim dɛ baa no o waa la wɛɛ chaah ba weela.

Amanesoma Luk Aa Chwera Tɔn 5:24

Mɛɛ chaɡle heyaa kɛŋɔ Men Nɛn Bie dɔ kpeɡri harɛ nɔ ta kɛ ń kpɔ nɛra wechɔɡa kɛ ba.” Belaa o ŋɔ naate waa kuuɡa la be ŋɔ, “N dɛ ŋɔ he be! Ir dɛ́ kpɔ he kalaŋ kaa dem!”

Amanesoma Luk Aa Chwera Tɔn 7:17

Yeesu waa waa ɛa la perɛ Juda harɛ ne harɛre aa baro cheme la bwa ta.

Amanesoma Jɔn Aa Chwera Tɔn 10:21

Ba bini bane ɡe ŋɔ, “Dɛ komɛl ɡale nɛn sie aa, wɛɛ won dɛɛ bol waa ken aa? Choɡla te ɛɛ won chah nyoŋe wɛɛ na naa?”

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 15:23

Asɛ ba chwerɛ tɔn tɛɛ ba ŋɔ bá kpɔ kaa. Tɔn la bini waa nɔ, “Yabala haa lɔ Anteɔk ne Siiria harɛ ne Silisia harɛ haa wola Juu tena ɛɛ la, Yeesu toroma la ne ya asɔre tena ne ya nomonome yaa ɛ he bala Jerusalam la bwa dɛ na heya.

We-ɛɛla 15:41

Baa dɛ kaa la, ba kpɔ Siiria ne Silisia harɛ ta dɛɛ ja bela asɔre tena, dɛɛ do ba ɡbemba.

We-ɛɛla 28:9

Gɛ waa nɔ aa ɛa la, bela tena ba bwara aa dɛ wee ba la ba Pɔɔl be, asɛ o soŋe Korowii tɛɛ ba ba ɡbaŋre.

We-ɛɛla 8:7

dɛkalkɛŋɔ o wono doŋi kwaa aa dɛ ir nɛra la kɛrɛdɛ nɛɛ ta. Aa dɛ le la, dɛ a dɛ dooɡe lɔŋɔre. Felep chah nɛra ba bobɛla aa serewa ne boobie ɡe ja,

Josua 6:27

Gɛɛ Korowii ja Josua nɛ dɛ ɡel o sɔn le harɛ la ta bwa.