Matiu 4:23 - mzwDBL

²³ Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 4:23 ပူးပေါင်းရင်းမြစ်များ

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Amanesoma Mak Aa Chwera Tɔn 1:39

Anomanta, o valɛ Galilia harɛ bwa dɛɛ bol waa ba cheremi deene bini dɛɛ doŋi kwaa aa dɛ ir nɛra nɛ.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Amanesoma Luk Aa Chwera Tɔn 7:22

Anee Yeesu ŋɔ Jɔn toroma la be ŋɔ, “Hé ka bol Jɔn be waa haa baa na ne anɔ la haa baa no. Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 11:5

Hé ŋɔ o be ŋɔ nyoŋa dɛ na bɔr, boobie ɛɛ valɛ, asɛ nɛra weechɔɡa aa chɔɡ ba bwadabii la ɡe bwara kwaa. Hé ŋɔ o be ŋɔ amumure dɛ no wa, lala ir seo ta, asɛ nyaara ɡe dɔ Amanesoma la dɛɛ no.

Matiu 13:54

dɛ berɛ kaa o ɡbaɡba bwɛ. O baɡle nɛra waa ba cheremi dea ta, asɛ nɛra baa no o webaɡla la bwa nyoa kpo, baa pɛɛ dɔŋa ŋɔ, “Leperaa o le ɡɛ wejema nɔ ne nɔɔ? Asɛ nyokpowaa waa dɛ ɛ nɔ ɡeɔ?

Amanesoma Mak Aa Chwera Tɔn 1:21

Yeesu ne o habɔteŋra la Kapeeneɔm, asɛ Ona Tɔpere la, o la cheremi dea dɛ ka baɡle wa.

Yela 103:3

O kpɔ n wechɔɡa bwa dɛɛ kɛ mɛ, dɛɛ chah n weela ɡe bwa.

Tɔn Pɔɔl Aa Chwerɛ Rom Tena 10:15

Dɛ Korowii ta nɛn tomaa, ɛrɛɛ wɛɛ ba ɛɛ dɛ bol o waa laɔ? Anee kɛŋɔ Korowii Tɔn aa ŋɔa la. O bolɔ ŋɔ, “Hé na ɡɛ toroma baa kpoŋe Amanesoma dɛɛ valɛ la, hé no ba bala wa aa, he bambile ɛɛ sɔɔh heyaa taeh!”

Amanesoma Luk Aa Chwera Tɔn 8:1

Aa ɛ tama la, Yeesu jo bwɛjena ne bwɛjeɡre ta dɛɛ bol Amanesoma la kɛ Korowii Kora la dii telo. Dɛ o habɔteŋra fi dɛ banɛ la,

Amanesoma Mak Aa Chwera Tɔn 6:2

Ona Tɔpere la aa tela la, o la cheremi dea dɛ ka chaɡle wa. Nɛra baa lɔ bela dɛ no la, a ɛɛ ba anebɛlbwa. Ba ŋɔ, “Ɛrɛɛ baa nɔ ɡe ɛ dɛ jemɛ waa nɔ nɔɔ? Bɔkwa wejemaa o dɔ ken dɛ won nyokpowaa nɔ bwa dɔŋa ɛɛ nɔɔ?

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

Matiu 12:9

Yeesu le bela dɛ kaa cheremi dea bɛl ta,

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

Amanesoma Luk Aa Chwera Tɔn 13:10

Awola Ona Tɔpere bɛl, dɛ Yeesu dɛ baɡle waa ba cheremi dea bɛl ta.

Amanesoma Luk Aa Chwera Tɔn 9:11

Nɛra aa no o waa la, ba tiu bela, asɛ o lɛɛ ba silɛɛ ne dɛ bol Korowii Kora la waa baɡ ba, dɛ chah ba bini banɔ la ba bwara aa dɛ wee ba la.

Amanesoma Luk Aa Chwera Tɔn 5:17

Awola bɛl, dɛ Yeesu dɛ baɡle nɛra Korowii Wa, asɛ Farisii tena bane ne Tɔnjerema baa le Galilia harɛ, ne Juda harɛ bwɛɛre la bwa ta ne Jerusalam ba, dɛ ba so bela, dɛ Korowii tɛo kpeɡri asɛ wɛɛ chah weela tena.

Amanesoma Mak Aa Chwera Tɔn 6:6

Yeesu bwara yɔr ba yarada baa wola on yaradae la wa. Asɛ o la bwɛɛre la aa bɛne bela la ta ka bol Amanesoma la chaɡ ba.

Amanesoma Mak Aa Chwera Tɔn 3:10

Waa chah nɛra kohona nomanta, weela tena la kar ta dɛ nyinu dɛ leɡe.

Amanesoma Mak Aa Chwera Tɔn 1:14

Belaa ba lawɛ Jɔn do dea. A habɔɔ la, Yeesu la Galilia harɛ dɛ ka bol Korowii Amanesoma baɡ ba.

Yela 74:8

Ba bol dɔŋa be ŋɔ, “Yaa chɔɡ baa kwaraa!” Ba fuh dea bɛlbwa baa dɛ tomɛ hen Korowii o ta harɛ la ta.

We-ɛɛla 20:25

Taraken nɔ, n jemɔ kɛ he nɛra maa valɛ he nɛɛ dɛ bol Korowii Kora nɔ waa he be nɔ, haa men na kpa bwa.

We-ɛɛla 18:4

Dɛ o dɛ la ba cheremi dea Ona Tɔpere bɛlbwa dɛ kaa bol wa, asɛ o ne Grik tena ne Juu tena bwa yon dɛɛ nyiŋi Korowii waa bini. Dɛ o dɛ tɔŋ ba, ásɛ ba fe teŋɛ o kon ta.

Amanesoma Jɔn Aa Chwera Tɔn 6:59

Kapeeneɔm cheremi deaa Yeesu do dɛɛ baɡle nɛra waa dɛ bol a ɡɛ waa nɔ.

Amanesoma Luk Aa Chwera Tɔn 10:9

Hé chah bela tena ba bwara aa dɛ wee ba la weela, ásɛ dɛ ŋɔ ba be ŋɔ, ‘Korowii Kora la pu heya.’

Amanesoma Luk Aa Chwera Tɔn 6:17

Waa le o toroma la tonɛ la, o ne ba le deŋɡare la doa dɛɛ tu harɛ, dɛ ba pu o habɔteŋra la bane, asɛ o ne ba che bobɛl waa chɔ harɛ. Ba warɔ pirim dɛ le Juda harɛ, ne Jerusalam, ne mpo nyoa bwɛjena baa dɛ yera Taaya ne Sidon,

Matiu 14:14

Yeesu aa le ɡbera la bini, dɛ nɛnlaa tenten lɔ bela. Ba waa domɛ o tea, asɛ o chah ba bini weela tena.

Matiu 13:19

Nɛra baa dɛ no Korowii Kora nɔ waa baa wola a mun jemɛ laanee do kɛ mea la aa lee ŋwɛnɛ nyoa la. Bɔnsam balaa, dɛ o baa laa waa baa noa la bwa kpɔ le ba nyu bini.

Matiu 3:2

“Hé charɛ he liire le he wechɔɡa ta, dɛkalkɛ Korowii Kora pu heyaa tonɛ.”

Amanesoma Jɔn Aa Chwera Tɔn 7:1

Anɔ habɔɔ la, dɛ Galilia harɛ ta ɡboo Yeesu do dɛɛ ɡaaɡe. Dɛ waa nyin kɛ o la Juda harɛ te ta, dɛkalkɛ dɛ bela nomonome la dɛ nyin o bɔr dɛ́ kpoo.

Amanesoma Luk Aa Chwera Tɔn 20:1

Awola bɛl, dɛ Yeesu lɔ Korowii Dea dɛɛ baɡle nɛra wa, dɛɛ bol Amanesoma la, asɛ Sɔfonomonome ne Tɔnjerema ne bela nomonome la ba o be,

Amanesoma Luk Aa Chwera Tɔn 4:14

Dɛ Korowii Domadɛɛɡe kpeɡri lɔ Yeesu nɛ, asɛ o berɛ la Galilia harɛ. Belaa o waa perɛ baah bela bwɛɛre la bwa ta.

Amanesoma Luk Aa Chwera Tɔn 6:6

Awola Ona Tɔpere bɛl, Yeesu la cheremi dea dɛ ka baɡle wa. Dɛ baa bɛl lɔ bela, asɛ o nɔndiɡ sewɛ.

Amanesoma Luk Aa Chwera Tɔn 7:21

A ɡɛ saŋ la dɛ Yeesu chah weela tena taeh, dɛ doŋi kwaa aa dɛ ir nɛra nɛ a le ba nɛ, asɛ dɛ ɡel nyoŋa ɡee na bɔr.

Amanesoma Luk Aa Chwera Tɔn 9:60

Asɛ Yeesu chaŋo ŋɔ, “Gel nɛra baa wola Korowii mkpa dɔe la huɡe ba dɔŋa, ásɛ he ka bol Korowii Kora la bini waa baɡle nɛra.”

Amanesoma Luk Aa Chwera Tɔn 16:16

Mosis Mmara la ne Korowii keamere la waa la baa chwera laanee lole baa baɡle mɔɔ, dɛ́ ka tel ɡɛ saŋ Jɔn o fa aa dɛ sɔ nɛra Korowii nee la aa bala. Le ɡɛ saŋ waa bala dɛ baa bol Korowii Kora la Amanesoma la, nomɛlbwa siwi swɛɛrɔ wɛɛ nyin bɔr dɛ́ ja Korowii Kora la ta.

We-ɛɛla 28:31

Dɛ o dɛ baɡle nɛra Korowii Kora wa, dɛ kpɔ bansua dɛɛ baɡle ya Dɔɔ Yeesu wa. Nomɛlbwa ta on ŋwɛnɛ tɔe.