Matiu 3:12 - mzwDBL

¹² O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Matiu 3:12 ပူးပေါင်းရင်းမြစ်များ

Job Tɔn 21:18

Ba do kɛŋɔ kpɔɡhole peu kpɔa ba kaa la aa? Kɛɛ haahra dompeu kpɔ ba kaa. Akai!

Yela 1:4

Gɛ laa nɛnchɔɡa la te do, ba waa do kɛŋɔ haahra, peu yon ta dɛ́ kaa ane la ken.

Yela 35:5

Gel ba do kɛŋɔ haahra peu aa taa dɛɛ kaa a ne la ken, Korowii nyundua torome teŋɛ ba nɛ dɛ́ɛ kaa.

Aesaya 1:31

Bokpeɡa tena ɛɛ ɛo kɛŋɔ daa aa hola ken, asɛ ba toma baa toma ɡe do kɛŋɔ nii ken. Kombele anɛ nɔ bwa ɛɛ pɛo dɛɛ fuh nomɛlbwa aa wola won dima.”

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 28:28

Namaa wɛɛ namɛ mea, dɛ́ kpɔ ɛ paanoo. Lɔe laa wɛɛ lɔa. Saŋ bɛlbwa laa o teŋɛ dɛɛ lɔ mea. Lɔe wɛɛ lɔa, ásɛ a bie le. Nama laa wɛɛ nama.

Aesaya 30:24

Nae ne keeɡore haa kpɔa dɛɛ parɛ he kooni la, ɛɛ di mea baa pala kɛrɛdɛ pɛɡaa.

Aesaya 41:16

Hɛɛ palaa ásɛ peu kpɔa kaa, peujen lɔa merɛ. Kɛ he te sie ɛɛ lɛ Korowii nɛɛ, ásɛ dɛ kpɛɛ men Israel Nɛŋɡoroŋ la.

Aesaya 5:24

Anomanta, ɡɛ ninlao yon piɡri lawɛ jaaɡesɛɛh dɛ́ fuah, kɛɛ dɛ yon fuh kpɔɡhola la, ɡɛɛ he ɡe ɛɛ ba tona kɛŋɔ kpɔɡa lune yon pɔh a fee ɡe hol, peu kpɔa kaa kɛŋɔ tutuɡ ken, dɛkalkɛ he vɛh Nemenɛ Korowii Mmara la, dɛ lii Israel Nɛŋɡoroŋ waa waa kpɔa baɡle heyaa la wepuu.

Aesaya 66:24

Nɛra ɛɛ leo dɛ́ kaa nyiŋi banɔ la baa ɛɛ mɛ deŋnekpeɡ la lala kɛ baa serewa chɔ. Dudule aa dɛ di ba ola la aa sewɛ bwa, nii aa dɛ fuuh ba ɡe aa dime bwa, ásɛ ba waa pe nɛwɛnyina bwa.”

Jeremia 15:7

Mɛɛ lɔ heyaa peɡre, ɡɛ ba yon palɛ mea la ken, bwɛjen doonyojena la ta. Mɛɛ kpoo he ne he biirii, dɛkalkɛ he ta liire charɛ le he wechɔɡa ŋwɛnɛre ta.

Jeremia 17:27

Kɛ dɛ he taŋ deŋne he ta Ona Tɔpere la dii o do ɡoroŋ, dɛ che bone dɛɛ jo Jerusalam doonyojena la ta naa, amɔ mɛɛ choŋi nii aa wola dime bwaa Jerusalam doonyojena bwa ta, ásɛ dekpeɡa bwa fuh.’ ”

Jeremia 4:11

Gɛ saŋ baa ŋɔ Jerusalam tena bee ŋɔ, peuwɔb bɛl tao le bwejena dor pua hɛŋle ɡbo harɛ ta, dɛ́ ba ta Jerusalam tena nɛ, kɛ peu waa do kɛ bá kpɔ palɛ kwaa laa.

Jeremia 51:2

Mɛɛ tomɛ nɛŋhɔɔhraa ba ba chɔɡ Babelɔn harɛ ne o nɛra kɛŋɔ peu aa ta haahra dɛɛ kaa la ken. Awola tɔpere la, baa le baŋ bɛlbwaa ba yo o nɛra, ásɛ harɛ la chɔ pɛɛ.

Jeremia 7:20

Anomanta, men Nemenɛ Korowii ɛɛ kpɔ n bandia waa do kɛ nii ba ta n Dea nɔ ne nɛra dɛ kondɛɛra bwa nɛ. Hale daa ne koo kondikwaa bwa soo siwi. N bandia la aa sɔɔh bwa.

Hosia 13:3

A ɡɛ nomanta, baa nyoɡroo warane kɛŋɔ kɔɔla aa tɔa chɔɔbɔr, kɛŋɔ mɛn aa wola biɡri dɛ a leo la, kɛŋɔ haahra peu aa taa dɛ kpɔa le pɛla ta kaa la, dɛ do kɛŋɔ chuu aa kpɔ tokoro ta dɛɛ le.

Emɔs 9:9

Mɛɛ bol waa ásɛ dɛ yiiɡi Israel tena harɛre nɛra bwa bini, kɛŋɔ baa dɛ ɡboo boyu beŋkpoŋ ɡba aa wola harɛ le la.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Matiu 13:30

Hé ɡel a bwa pɛ che dɛ́ kpeɡ. A koma ta la, mɛɛ ŋɔ nɛra baa dɛ ba a koma la bee bá tɔ sie kɛ kpɔɡchɔɡa la, dɛ́ vɔrɔwa, dɛ́ che ka ta nii ta dɛ́ fuah, mɔɔ dɛ́ ba komɛ mea tenten la, dɛ́ pa ka do mɛ n dɔndɔŋ bini.’ ”

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Matiu 13:42

dɛ́ kpɔ ba ka ta ninlao ta, belaa wii ne weweele do.

Matiu 13:43

Ásɛ name nɛra baa dɛ ɛ wedɛɛɡa ba wa ɛɛ su Korowii siwi la chaah kɛŋɔ wee ken ba Mɛɛ Kora la ta bela. Nomɛlbwa waa no la, ó no.”

Amanesoma Luk Aa Chwera Tɔn 3:16

Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.

Amanesoma Luk Aa Chwera Tɔn 3:17

O do kɛŋɔ paa waa cheɡɛ o pɛla ta, dɛ kpɔ o te dɛɛ ba mea pala. Wɛɛ palɛ a bwaa kɛrɛdɛ ken, ásɛ dɛ pa ka do dɔndɔŋ bini cheɡ. Kɛ a pɛɡa la te, wɛɛ kpɔ nii aa wola dime bwaa fuah.”

Amanesoma Jɔn Aa Chwera Tɔn 15:2

N kpale bɛlbwa waa wola nɔnɛ la, o teŋo dɛɛ ta, kɛ n kpale waa won nɔna la te, o dɛ kuu o nyoo ó won nɔnɛ kɛrɛdɛ.