Matiu 28:7 - mzwDBL

⁷ ásɛ dɛ ɛ warane dɛ́ la ka baɡle o habɔteŋra be kɛŋɔ o ir seo ta, dɛ́ berɛ ŋɔ o tɔ ba sie dɛɛ kaa Galilia harɛ ta. Belaa baa ba o nae. Waa maa dɔa dɛ bol he be laanee la.”

Matiu 28:7 ပူးပေါင်းရင်းမြစ်များ

Aesaya 44:8

He bɛ ɡel he bwara ɛɛ sa! He bɛ ɔmɛ! Saŋ la bwa laa n le baɡle waa nɔ, dɛ bola aa? N danseɛree heya. Dɔɔ bɛl ɡe lole dɛ ja n nɛ aa? Akai, Bwetal bɛlbwa toole he chwa ka marɔ ó won lɛ heya, beŋkpoŋ ɡba toole.”

Aesaya 45:21

Hé cheme, dɛ́ bol he waa kɔɔto, ásɛ nɛra baa kpɔ waa daɡ ba la le jina dɛ́ kpɔ liire. Umee bol waa aa chiɡa taraken nɔ bil wubwa nɔ? Umee le saŋ la bwa dɛ bola ɔ? Men Korowii maa ɛ he Lɛɛ la laa aa? Dɔɔ bɛlbwa toole.

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Matiu 26:32

Kɛ dɛ n iro le seo ta naa, mɛɛ tɔ siee kaa Galilia harɛ ta he nɛ.”

Matiu 28:10

Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”

Matiu 28:8

Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la.

Amanesoma Mak Aa Chwera Tɔn 14:28

Kɛ dɛ Korowii baa ir mɛ seo ta naa, mɛɛ tɔ he siee la Galilia harɛ ta.”

Amanesoma Mak Aa Chwera Tɔn 16:10

Mɛɛre laŋɔ dɛ ka ŋɔ nɛra ba fa aa dɛ teŋɛ Yeesu nɛɛ la be waa la waa naa la. Waa la ba be dɛ ba koh Yeesu seo la waa dɛɛ ɛ lwe dɛɛ wi siniire mɛrmɛr ken.

Amanesoma Mak Aa Chwera Tɔn 16:13

Ba ɡe aa laŋa ka bol ba bala kabora la be la, ba ta yaradae.

Amanesoma Luk Aa Chwera Tɔn 24:34

Dɛ ba ne nɛra baa jaa la pɛo so dɛɛ bol ŋɔ, “Ya Dɔɔ la iro kpela! O kpɔ o te baɡle Seemɔn!”

Amanesoma Jɔn Aa Chwera Tɔn 14:29

N pu sie dɛɛ bol he be mɔɔ a ba ɛ ɡɛ, ásɛ dɛ a ɛ ɡɛ naa, hé yarada mɛ.

Amanesoma Jɔn Aa Chwera Tɔn 16:4

N bol waa nɔ he be, ásɛ dɛ a baa ba ɡɛ naa, he won lii dɛ́ jemɛ kɛŋɔ n fa bol he be. N ta aa lɔ he be la waa maa wola he be bolɛ chɔɔ bwa la.”

1 Kɔrent 15:4

Ba huɡo, asɛ a tɔpetooro wee la Korowii iru seo ta. Gɛɛ Korowii Tɔn baɡle mɔɔ a ɛ.

1 Kɔrent 15:6

mɔɔ o habɔɔ nɛra lafraanue la ɡe nao kerabeŋkpoŋ. Ba ɡalɡa ta lole ba le fini, bane ɡe serewe.