Matiu 28:6 - mzwDBL

⁶ O toole bonɔ kpa. O iro ɡɛ o fa aa ŋɔ he be la. Hé ba na bela baa huɡo la,

Matiu 28:6 ပူးပေါင်းရင်းမြစ်များ

Amanesoma Mak Aa Chwera Tɔn 16:6

O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Matiu 12:40

Gɛ Jona aa di tɔpebire atoro pɛŋejen la tea bini la, ɡɛɛ Men Nɛn Bie la ɡee ba tɔpebire atoro dii lalbɔɔ bini.

Matiu 16:21

Le ɡɛ saŋ la, Yeesu bol waa chasee ken dɛɛ baɡle o habɔteŋra la, dɛ ŋɔ, “A chɛ kɛŋɔ ń kaa Jerusalam, dɛ́ ka na wahala bela nomonome ne Sɔfonomonome ne Tɔnjerema nɔn ta, ásɛ ba kpo mɛ, ásɛ a tɔpetooro wee la, ń ir seo ta.”

Amanesoma Luk Aa Chwera Tɔn 24:23

kɛ ba ta o lale nae. Asɛ ba ba dɛ ba ŋɔ ba na nɛra bane kɛŋɔ nyundua toroma ken bela, ba chaɡle kɛŋɔ Yeesu ir seo ta.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Matiu 27:63

dɛ ŋɔ o be ŋɔ, “Nomoa, ɡɛ saŋ a ɡɛ nyosonteŋni nɔ aa wola sewɛ mɔɔ la, dɛ o dɛ bol ŋɔ dɛ o sewaa, tɔpera atoro wɛɛ iruu ja.

Amanesoma Jɔn Aa Chwera Tɔn 2:19

Anee Yeesu ŋɔ, “He kuuɡi Korowii Dea nɔ naa, n ɡe ɛɛ kpɔ tɔpera atoroo doo.”

Amanesoma Mak Aa Chwera Tɔn 8:31

Belaa Yeesu pa mun dɛɛ baɡle o habɔteŋra la kɛ a chɛ kɛ o Nɛn Bie la na wahala kohona waa bwa ta, ásɛ nomonome ne Sɔfonomonome ne Tɔnjerema vɛoh, ásɛ ba kpoo, ásɛ a tɔpetooro wee la, ó ir seo ta.

Amanesoma Jɔn Aa Chwera Tɔn 10:17

Maa sɛah kɛŋɔ mɛɛ koh n peera waa dɛ́ sewɛ dɛ́ berɛ ir seo ta la nomanta, n Mɛɛ la dɛ nyin mɛ taeh.

Amanesoma Luk Aa Chwera Tɔn 24:12

Belaa Pita te kpɔ chwae dɛ la bwebɔɔ la ta, dɛ ka boŋɛ dɛ haah o bini dɛ na yapoŋ baa kpɔa baaɡe lale la ɡbo chɔe. Dɛ kpɔ nyokpoa kaa dem.

Matiu 20:19

Baa kpɔ mɛɛ do nɛra baa wola Juu tena ɛɛ la nɔn ta, bá di n loro, dɛ́ cha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ, ásɛ tɔpetooro wee la ń ir seo ta.”

Matiu 17:23

Baa kpo mɛɛ, ásɛ tɔpera atoro ń berɛ ir seo ta.” Ate, dɛ o habɔteŋra la bwa loo kuu.

Matiu 17:9

Baa le bwejen la doa dɛɛ ba la, Yeesu ja ba ŋɔ, “He bɛ waa nɔ haa naa nɔ taa baɡle nomɛlbwa bwa, dɛ́ ka tel ɡɛ saŋ Korowii aa ɡel Men Nɛn Bie ir seo ta mɔɔ.”

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.