Matiu 28:5 - mzwDBL

⁵ Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin.

Matiu 28:5 ပူးပေါင်းရင်းမြစ်များ

Aesaya 35:4

Hé ŋɔ banɔ la ba bambile aa chɔɡa la be ŋɔ, “Hé che kiŋkiŋ, he bɛ ɔmɛ. Korowii haa dɛ tomɔ la dɛ ba, dɛ́ ba cha heya. Wɛɛ ba lɛ heyaa le he dɔma nɔn taa, dɛ́ tɛr ba deŋne kohona bɔ kem.”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:14

Korowii ŋɔ, “Israel tena, haa kanɛ, haa kpeɡe. He bɛ ɔmɛ, mɛɛ cha heyaa. Men Israel Nɛŋɡoroŋ maa ɛ he Lɛɛ laanee ŋɔa.

Daneɛl 10:12

Ate, o ŋɔ n be ŋɔ, “Daneɛl, dɛɛ berɛ ɔma, le awola haa ɛ he liire kɛ he pwɛr he te tɛ Korowii haa dɛ tomɔ, dɛ no waa nɔ mun la taa o no he wa. N balɔ dɛ́ ba chae he wesoŋa la wa.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Matiu 14:27

Yeesu den ŋɔ, “Hé lawɛ bambile. Menee! He bɛ ɔmɛ!”

Matiu 28:10

Belaa Yeesu ŋɔ ba be ŋɔ, “He bɛ ɔmɛ. Hé la ka ŋɔ n nimanar la be kɛ bá kaa Galilia harɛ. Belaa baa ba n nae.”

Matiu 28:4

Soojare baa dɛ daah bela la aa nao la, ba ɔmɔ taeh, ba bwara ɛɛ sa, ba bwa chɔɔɡe kɛŋɔ nɛra baa serewa ken.

Amanesoma Mak Aa Chwera Tɔn 16:6

O ŋɔ ba be ŋɔ, “He bɛ ɡel he bwara yɔr,” dɛ bɔɔ ba ŋɔ, “Yeesu waa le Nasarɛt baa kpaaro pɛl daɡaɡre ta la lalee hɛɛ nyin nɔ naa? O toole bonɔ kpa. Waa sewa la, o iro. Hé na bela baa huɡo la.

Amanesoma Luk Aa Chwera Tɔn 1:30

Belaa nyundua torome la ŋɔ o be ŋɔ, “Dɛɛ berɛ ɔma, kɛ Korowii tɛɛ hɛɛra.

Amanesoma Luk Aa Chwera Tɔn 24:5

Ɔmee laɡ ba taeh, asɛ ba ɡure nyuune suuɡi harɛ. Anee baala la ŋɔ ba be ŋɔ, “Ɛrɛɛ he baa nyin nɛnwee lala bɔr ɔ?

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.