Matiu 27:51 - mzwDBL

⁵¹ Waa sewa la, ate dɛ yal waa teŋe Korowii Dea la baah ta la pere anɛ le nyundua ba ta harɛ. Harɛ jiɡro, asɛ bwetala bini peɡri,

Matiu 27:51 ပူးပေါင်းရင်းမြစ်များ

2 Webena 3:14

O kpɔ jiseburum ne oŋkɔl ne onswɛm ne yapondɛɛɡe ɛ pateesan, ba sɔh Kerobim dawɛ a ta.

Yela 18:15

N Naa Korowii, nyɛɡa haa nyɛɡ he dɔma nɛ, ne he bandia kohona nomanta, a ɡelɔ mpo vile bwa hweeh dɛ chɔ pɛɛ, harɛ mumpar ɡe chɔ pɛɛ.

Yela 18:7

Harɛ jiɡro dɛ yiiɡi, asɛ bwejena mune jiɡri. Korowii bandia waa a bwa ɛ ɡɛ.

Kaala 40:21

Belaa o kpɔ Korowii Ne Nɛwɛnyina Fɔo Daka la ba cheɡ Korowii Tɛnte Dea bela, dɛ kpɔ pateesan la saɡɛ Daka la sie ɡɛ Korowii aa do Mosis la.

Aesaya 25:7

Gɛ bwejen nɔ taa Korowii ɛɛ ba tebinichɔɡ aa lɔ harɛre nɛra bwa nɛɛ la chɔɡa, dɛ́ laa a bwa kpɔ.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Lewi Dea Tena 21:23

kɛ o kirihiah dii nomanta, a ta chɛ kɛŋɔ ó suuh tel pateesan la á ba ɛ kɛŋɔ wɛɛ bɛne saraha kon laanee, dɛ́ ba kpɔ doŋa kah o bɔr waa do ɡoroŋ la. Korowiirii ɡela a do ɡoroŋ.

Habakuk 3:10

Bwejena nae dɛɛ chel, asɛ bwaala nɛ, nee su dɛ palɛ baa kaa dɛɛ do ɡbɔɡa, dɛɛ ta nehɛma kohona.

Habakuk 3:13

He leɔ ba kɛŋɔ he ba lɛ he nɛra, ne nɛn haa leo o ɛ kooro. He chɔɡ harɛ baa dɛ ɛ wechɔɡa o ta nomoa, dɛ lɛ o kpeɡri bwa.

Nɛra Kura 4:5

Dɛ Israel tena la ŋɔ bá ir kaa bofale aa, Arɔn ne o bibaalaa chɛ kɛ bá jo dɛ́ ka laa pateesan waa saɡɛ Korowii Ne Nɛwɛnyina Fɔo Daka la sie, kpɔ dɛ́ kpɔ tɔ o ta.

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Matiu 28:2

Kerabeŋkpoŋ dɛ Korowii nyundua torome bɛl le nyundua tu harɛ, asɛ harɛ jiɡri kohona. O la bɔɔ la ta dɛ ka ɡbili bwejen la le o nyoa, dɛ so o ta.

Amanesoma Mak Aa Chwera Tɔn 15:38

Asɛ yal waa teŋe Korowii Dea baah ta la pere anɛ le nyundua ba ta harɛ.

Amanesoma Luk Aa Chwera Tɔn 23:45

asɛ yal baa kpɔa teŋe Korowii Dea bini la baah pere anɛ.

Amanesoma Luk Aa Chwera Tɔn 23:47

Sooja nomoa waa lɔ bela dɛ na waa aa chiɡa la, o ŋɔ, “Kpelaa, wechɔɡa toole baa nɔ nɛ,” dɛ kpɛɛ Korowii.

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 9:3

Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.

Wepila 11:13

Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.