Matiu 27:5 - mzwDBL

⁵ Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

Matiu 27:5 ပူးပေါင်းရင်းမြစ်များ

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

1 Koranar 16:18

Kooro Simri aa naa kɛ ba kpɔ bwɛjen la, o kaa jo dekpeɡ waa lɔ koodem bela dɛ kpaa nii do o ta, o ne o dem la bwa fuh kwaraa,

Job Tɔn 2:9

Job haah ŋɔ o be ŋɔ, “He ta lɔ toɡra he wa aa toɡra la ta naa? Taah Korowii dɛ́ sewɛ!”

Job Tɔn 7:15

dɛ́ ɡel n pɛla lawɛ kɛŋɔ baa hamɛ n lobi n sewɛ dɛ ɡwaa kɛ aa ka n hoɡa ɡbo nɔ.

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Matiu 26:61

dɛ ŋɔ, “Baa nɔɔ fa ŋɔa wɛɛ wonoo paɡre Korowii Dea nɔ dɛ kpɔ tɔpera atoro mao ja la.”

Matiu 27:6

Sɔfonomonome la pa suuɡa la dɛ ŋɔ, “Suuɡa nɔ ɛ chal suuɡa, asɛ ya mmarare ɡe aa yaa ŋwɛnɛ tɛ kɛŋɔ ya won kpɔ suuɡa nɔ ja Korowii Dea suuɡa ta.”

Amanesoma Luk Aa Chwera Tɔn 1:21

Gɛ saŋ Sekaria aa lɔ Korowii Dea bela la, dɛ nɛra cheɡɛ buse dɛɛ kpao. A ɛɛ ba nyokpoa kɛ waa biɡri bela la.

Amanesoma Luk Aa Chwera Tɔn 1:9

Gɛ sɔfore yon dɛɛ ɛ la, ba ta chacha mɔɔ dɛ leo ŋɔ ó jo Korowii Dea dɛ́ ka fuh daawiile a sɔɔh aa soma.

Sitɔɔla 9:54

O yerɛ o bonɔɔ waa cheɡɛ o dɔmkwaa la dɛ ŋɔ, “Ɛ warane dɛ́ kpɔ he kere ba kpo mɛ, ɡɛ aa ɛ ba bɛ ba ŋɔ haahnee kpo mɛ.” Asɛ o bonɔɔ la laa kere pamɛ dɛ tɔɡɔ o sewɛ.