Matiu 27:4 - mzwDBL

⁴ “N ɛ wechɔɡa kɛ maa le nɛn waa wola wechɔɡa bɛlbwa ɛɛ tɛ heyaa ŋɔ hé ka kpoo nɔ.” Anee nɛra la ŋɔ, “Ya te waane laa, a bwa do kɛ hen.”

Matiu 27:4 ပူးပေါင်းရင်းမြစ်များ

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 24:4

ne nɛra baa wola wobɛlbwa ɛɛ o kpoo ba warɛ Jerusalam la wa. Dɛ Korowii aa nyin kɛ ó kpɔ kɛo.

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Job Tɔn 16:2

“N no waa nɔ dɔŋa bwa ka, he berɔ dɛɛ chwee n ŋwɛr kwara.

Yela 94:21

Ba pɛ nyoa dɛɛ vɔrɔwe nɛndɛɛɡa vɔrɔwa, dɛ ɡel ba pa nɛra baa di boldɛɛɡe la bolchɔɡe ŋɔ, bá ka kpo ba.

Kaala 12:31

Jwaana la tenten la, Ijipt kooro yerɛ Mosis ne Arɔn dɛ ŋɔ, “Hé kaa! He ne Israel tena bwa ir le harɛ nɔ ta. Hé kaa dɛ́ ka tomɛ Korowii ɡɛ haa soŋa la.

Kaala 9:27

Belaa Ijipt kooro yerɛ Mosis ne Arɔn dɛ ŋɔ, “Taraken n nao kɛŋɔ n ɛ wechɔɡa, Korowii waa toɡra. N ne n nɛra sɛh chɔɡre.

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.

Jeremia 26:15

Kɛ he jemɛ kɛŋɔ dɛ he kpo mɛ naa, he ne nɛra baa lɔ bwɛjen nɔ ta ɛɛ di bolchɔɡee, kɛŋɔ haa kpo nɛn waa wola wechɔɡa bɛlbwa ɛɛ. Kasinteŋ, Korowiirii tom mɛ ŋɔ ń ba kah heya.”

Jona 1:14

Belaa ba wi yerɛ Korowii ŋɔ, “N Naa Korowii, anɔ bwa haa ɡela a chiɡ nɔ ɛ he tetoora. Ya dɛ soŋe, yaa dɛ ba baa nɔ kpɔe dɛ́ viɡri mpo ta nɔ, bɛ yaa ba kpoo.”

Matiu 27:19

Nomoa Paelet aa soɡe o kara ta dɛɛ bol waa la, o haah tomɛ nɛn o be ŋɔ, “Nyiŋi kɛrɛdɛ dɛ bɛ baa la wobɛlbwa ɛ. Nɛndɛɛɡe tentenee. Gɛ maa dee o waa fini nɔ la, a we n nɛɛ taeh.”

Matiu 27:54

Sooja nomoa ne o soojare baa dɛ daah Yeesu la aa na ɡɛ harɛ aa jiɡra ne waa aa chiɡa la, ba ɔmɔ, asɛ ba ŋɔ, “Korowii Biee baa nɔ kpela!”

Amanesoma Luk Aa Chwera Tɔn 23:22

O bɔɔ ba toorotena ŋɔ, “Wechɔɡa besoo o ɛɔ? N ta wechɔɡa waa ɛa a chɛ kɛ ba kpoo nae! Mɛɛ ɡeloo bá lɔɔro chweema ne dɛ́ kpɔɔ ta.”

Amanesoma Luk Aa Chwera Tɔn 23:41

O te kwara wechɔɡa bɛlbwa toole o nɛ. Kɛ ya te, waa yaa ɛa la, kenii a chɛ kɛ ya na.”

Amanesoma Luk Aa Chwera Tɔn 23:47

Sooja nomoa waa lɔ bela dɛ na waa aa chiɡa la, o ŋɔ, “Kpelaa, wechɔɡa toole baa nɔ nɛ,” dɛ kpɛɛ Korowii.

Amanesoma Jɔn Aa Chwera Tɔn 19:7

Belaa Juu tena la berɛ chaŋo ŋɔ, “Ya dɔ Mmara bɛl waa dɛ baɡle kɛ o chɛ kpoe, dɛkalkɛ o dɛ yerɛ o te Korowii Bie.”

We-ɛɛla 13:28

Dɛ ba ta wobɛlbwaa dɔe dɛ́ kpɔ dawɔ kɛŋɔ o chɛ kpoe, kɛ dɛ ɡe soŋe ba harɛ nomoa Paelet ŋɔ ó pao bolchɔɡe dɛ́ kpoo.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

1 Timoti 4:2

Nɛra baa kpɔ nyosone dɛɛ neɡre nɛra laanee kpɔ ɡɛ neɡra webaɡla la ɛɛ baɡle nɛra. Ba liire chɔɡɔ. Nɛra neɡra ne wechɔɡa man ba kɛŋɔ nɛn baa kpɔ buniwɔb chɔɡro a mano waa wola konwɔb ɔmɛ kpa la.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Hibru 7:26

Maɡraa a den maɡre kɛŋɔ yaa dɔ Sɔfonomoa waa do kɛ Yeesu dɛɛ cha yaa. Doŋa bɛlbwa toole o nɛ, o tea too, o ne wechɔɡ-ɛɛra ta pɛɛ. Korowii tɛo nomonome dɛ keeru kaa o be nyundujaɡla.

1 Pita 1:19

Yeesu Kristo waa do kɛ saraha pebie doŋa bɛlbwa aa wola toole o nɛ, waa wola kirihiah bobɛlbwa dii la, o ɡbaɡba chal nee Korowii yawɛ heya.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

Wepila 11:10

Nɛra baa lɔ harɛ nɔ ta ɛɛ koh ba seo la waa ba sie lɛ ba baah sɔɔh ba. Baa chemoo dɛ́ lɛ sie, dɛ́ kɛ dɔŋa kwa, dɛkalkɛŋɔ a ɡɛ Korowii toroma banɛ la fa kpɔ wahala ta ba nɛɛ taeh.

1 Samoɛl 15:24

Anee Kooro Sɔɔl ŋɔ Samoɛl be ŋɔ, “N ɛ wechɔɡa, n vɛh Korowii waa waa do mɛ a ta, ne waa haa ŋɔa n ɛ la. Ɔmaa n ɔmɛ nɛra la waa n teŋɛ waa baa dɛ nyin ta.

1 Samoɛl 15:30

Ate, Kooro Sɔɔl chaŋe ŋɔ, “N ɛ wechɔɡa te, kɛ ɡel ń dɔ duure Israel tena bwa ne ba nomonome sie. Gel n ne he kaa, ásɛ n kaa tomɛ Korowii haa dɛ tomɔ la.”

1 Samoɛl 19:5

O sɛh seo dɛ ka pu Goliat yo dɛ kpoo. Korowiirii ɡela o yo tɛ he ne Israel tena bwa, asɛ he bwa sie lɛ. Ɛrɛɛ hɛɛ ba wona kpo nɛndɛɛɡe waa do ken pɛɛpɛɛ ɔ?”