Matiu 26:72 - mzwDBL

⁷² Asɛ Pita berɛ tɔh dɛ ŋwɛɛ ŋɔ waa on jemɛ.

Matiu 26:72 ပူးပေါင်းရင်းမြစ်များ

Kaala 20:7

He bɛ men maa ɛ Korowii haa dɛ tom mɛ la dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Sekaria 8:17

he bɛ wechɔɡa lii dɛɛ tɛ dɔŋa, he bɛ ɡel he sie ɛɛ lɛ ŋwɛɛra aa wola kasinteŋ ɛɛ ta. N hah a ɡɛ waa nɔ bwa. Men Nemenɛ Korowiirii bola.”

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

Matiu 26:71

Waa bol ɡɛ tonɛ la, o le bela dɛ ka che dem la doonyoa. Tolo bɛl berɛ nao bela dɛ ŋɔ nɛra baa cheɡɛ bela la be ŋɔ, “Baa nɔ ɛ Yeesu waa le Nasarɛt la habɔteŋra la bɛl.”

Matiu 26:73

A ta biɡre bɛlbwa asɛ nɛra baa cheɡɛ bela la ba o be dɛ ba ŋɔ, “Kpela, haa won tɔh ŋɔ Yeesu nɛra la bɛl laa hen, dɛkalkɛŋɔ he dɛ bol Galilia tena wobol.”

Matiu 26:74

Asɛ Pita ŋɔ, “N ŋwɛɛ Korowii kɛ dɛ n jemɛ baa nɔ bobɛlbwa naa, ó bɛ men ɡel!” Buɡ la ta, dɛ jabal sio,

Amanesoma Luk Aa Chwera Tɔn 22:34

Belaa Yeesu ŋɔ, “Ai, Pita! Jabal loɡle ne sii fini dɛ he tɔɔh kera atoro ŋɔ haa men jemɛ.”