Matiu 26:67 - mzwDBL

⁶⁷ Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Matiu 26:67 ပူးပေါင်းရင်းမြစ်များ

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Amanesoma Jɔn Aa Chwera Tɔn 18:22

Yeesu aa chaŋe waa la ɡɛ la, dɛ Sɔfonomoa la bonɔɔ bɛl cheɡɛ o jwɛɛh asɛ dɛ kpaa o lwɛɛma, dɛ kɔro ŋɔ, “Kenii chɛ kɛ he chaŋe Sɔfonomoa aa?”

Matiu 27:30

Asɛ dɛ ta nentane dɛɛ ta o nɛ, dɛ kpɔ daa la dɛɛ cha o nyu.

Amanesoma Mak Aa Chwera Tɔn 14:65

Dɛ bane ta nentane dɛɛ ta o nɛ, asɛ bane ɡe kpɔ nɔɔra tɔ o sie dɛɛ lɔɔro dɛɛ tɔɔ kande dɛ ŋɔ ó jemɛ naate waa lɔɔ. Asɛ soojare baa dɛ daah bela la kpakpaa o lwɛrɛme.

Matiu 5:39

Kɛ taraken te n ŋɔ, dɛ nomɛl ɛɛ wechɔɡa aa, bɛ wechɔɡa kpɔ bɔɔ kem. Dɛ nomɛlbwa kpaa he diɡ lwɛɛma aa, berɛ ɡal lwɛɛma la ɡe tɛo ó kpaa ja.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Amanesoma Jɔn Aa Chwera Tɔn 19:3

Dɛ ba dɛ ba o be dɛɛ si, “Woowo, Juu tena kooro!” dɛɛ kpaa o lwɛrɛme.

Amanesoma Mak Aa Chwera Tɔn 15:19

Asɛ ba kpɔ chweremi dɛɛ cha o nyu, dɛ ta nentane dɛɛ ta o nɛ, dɛɛ ɡuŋu harɛ kɛŋɔ baa dɛ ɛ kooro la.

Wiile 3:30

Ó sɛh chɛɡa ne sihiih, dɛ lɔɔra bɛlbwa.

Aesaya 52:14

Nɛra warɔ dɛ nao ba bwara yɔr, ɡɛ baa ɛo, o siebɔr ne o bwadabii beɡre dɛ doŋ kohona la, o ta nɛn leɛ kwaraa kpa.

1 Kɔrent 4:13

Nɛra dɛ chɔɡ ya sɔn, kɛ ya te dɛ kwaa ba sɔn. Ya do kɛŋɔ puldoa haahra nɛra be, hale ba le fini.

Amanesoma Mak Aa Chwera Tɔn 10:34

Baa di n loroo, dɛ́ tata nentane ta n nɛ, dɛ chacha mɛ chweremi, dɛ́ kpaa mɛ pɛl daɡaɡre ta, dɛ́ kpo mɛ. Kɛ a tɔpetooro wee mɛɛ berɔɔ ir seo ta.”

Maeka 5:1

Jerusalam tena, hé boa he laa tena nyoa, laa tena chɔɔ bar bwɛjen la dɛ́ ba yo yaa. Baa kpɔ daa lɔ Israel kooro kaŋe sihiih kpoo o jirima tonɛ.

Wiile 3:45

He ɡelɔ ya do kɛŋɔ puldoa haahra harɛre nɛra be.

Jeremia 20:2

o ɡelɔ ba lɔɔ mɛ, dɛ do mɛ jɔɡrɔre. Bela bɛne Bɛnjamen Doonyoa nyunduabɔr, Korowii Dea bela.

1 Koranar 22:24

Ate, Kenaana bibaa Korowii keame Sedekia la dɛ ka kpaa Korowii keame Mikaya lwɛɛma dɛ ŋɔ, “Saŋ besoo Korowii Doma ɡel mɛ dɛ ba bol wa he be bwa nɔ?”

Mmarare 25:9

haah la laa ɡɛ baa la naŋɡawa beŋkpoŋ foo nomonome la sie ta bela, dɛ́ ta nentane ta o sie ta dɛ́ ŋɔ, ‘Anɔɔ ba kpɔ dɛɛ ɛ baa waa wola nyin kɛ o dɔɔ kɛɛ nime dɔ dwee.’

Nɛra Kura 12:14

Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”

Matiu 26:68

“Dɛ henee Kristo la aa, na chaahna dɛ́ won jemɛ naate waa lɔe nɔ!”