Matiu 26:61 - mzwDBL

⁶¹ dɛ ŋɔ, “Baa nɔɔ fa ŋɔa wɛɛ wonoo paɡre Korowii Dea nɔ dɛ kpɔ tɔpera atoro mao ja la.”

Matiu 26:61 ပူးပေါင်းရင်းမြစ်များ

Mumpar 19:9

Anee ba ŋɔ, “Haa waa nyin aa, le ya sie. Hɔɔhree hen bonɔ, henee dɛ́ won baɡle yaa wa aa? He ta bela leɛ he kwaa ɛɛ ɡwaa ba kwaa.” Belaa ba ka lɔ tɔ o nɛ, dɛ́ fe taɡɔ le bela, dɛ́ dɔ bɔr ka ku ɡbera la.

1 Koranar 22:27

dɛ́ ka ŋɔ ba be ŋɔ, n ŋɔ bá lawɔ do dea, dɛɛ tɛo paanoo ne nee ɡbo ka tel kɛŋɔ maa ba jo sɔnɔnɔɔ.”

2 Koranar 9:11

Jehu aa le buse dɛ la o nomondɔŋa la be la, asɛ bɛl pɛɛro ŋɔ, “Bɔkwaa choɡla te la ba he be ba ɛɔ? Wobɛlbwa maɡraa?” O chaŋ ba ŋɔ, “He ɡbabir jemɔ, dɛ jemɛ ɡɛ waa dɛ bol wa.”

Aesaya 49:7

Israel tena Lɛɛ, ba Nɛŋɡoroŋ la ŋɔ nɛn harɛre nɛra aa haoh baa wola on kpɔe dɛɛ ɛ wobɛlbwa, ba nomonome ɛo yom la be ŋɔ, “Koranar ɛɛ nae dɛ́ ir che, koobii nae dɛ́ ɡuŋi harɛ. A nɔ bwa ɛɛ ɛo dɛkalkɛŋɔ, men Israel Nɛŋɡoroŋ n wa aa dɔ kasinteŋ la, menee lee.”

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

Matiu 12:24

Farisii tena la aa no waa nɛra la aa dɛ bɔɔ dɔŋa la, ba chaŋe ŋɔ, “Kwaa aa dɛ ir nɛra nɛɛ bwa kooro Bɛlsebulee tɛo kpeɡri o won kwaa doŋa nɛra nɛɛ la.”

Matiu 26:62

Anee Sɔfonomoa la ir che dɛ ŋɔ Yeesu be ŋɔ, “Ɛrɛɛ he na waa nɔ baa kpɔa dawɛ he nɛɛ nɔɔ? He ta waane dɔe hé chaŋe aa?”

Matiu 26:71

Waa bol ɡɛ tonɛ la, o le bela dɛ ka che dem la doonyoa. Tolo bɛl berɛ nao bela dɛ ŋɔ nɛra baa cheɡɛ bela la be ŋɔ, “Baa nɔ ɛ Yeesu waa le Nasarɛt la habɔteŋra la bɛl.”

Matiu 27:40

“Chwa! Nɛn waa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao? Lɛ he te! Dɛ henee Korowii Bie la aa, le daɡaɡre la doa tu harɛ yá na!”

Matiu 27:5

Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

Amanesoma Mak Aa Chwera Tɔn 14:58

“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”

Amanesoma Mak Aa Chwera Tɔn 15:29

Nɛra baa kpɔ bela bɔr baa kaa la chɛɡre Yeesu dɛɛ muɡli o baah ŋɔ, “Chwa! Nɛn haa dɛ ba Korowii Dea paɡra dɛ́ won kpɔ tɔpera atoro mao la laa nɔ ɡbao?

Amanesoma Luk Aa Chwera Tɔn 23:2

dɛ ka haŋɛ o nyoa ŋɔ, “Ya lawɛ baa nɔ kɛ waa dɛ chɔɡ ya harɛ. O dɛ do nɛra dochɔɡa ŋɔ ba bɛ toɔ bɔ dɛɛ tɛ Rom Koojen Siisa kpa, dɛ berɛ dɛɛ ɛ o te ya Juu tena kooro Kristo la Korowii aa baɡɛ yaa nyoa ŋɔ wɛɛ ɡeloo o ba ba lɛ yaa la.”

Amanesoma Jɔn Aa Chwera Tɔn 9:29

Gɛ yaa jema laanee kɛ Korowii bol waa dɛ baɡle Mosis, kɛ baa nɔ te, yaa o leebɔr jemɛ.”

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 18:13

Baa la o ne la, ba kaa ŋɔ, “Baa nɔ jo ya kii nɛ. O dɛ baɡle nɛra ŋɔ báa tomɛ Korowii ŋwɛnɛ bɛl ta aa wola were.”

We-ɛɛla 22:22

Pɔɔl aa dɛ bol o waa la bwa dɛ nɛra la bwa cheɡ deŋne dɛɛ no o be. Kɛ waa ba dɛ bol nɛra baa wola Juu tena ɛɛ be laŋa waa la, ba baah diu baa nyɛɡ kohona dɛɛ ŋɔ, “Hé le o ne! Bɔkwaa he ɡel o che dɛɛ ɛɔ?”