Matiu 26:46 - mzwDBL

⁴⁶ Hé ir yá kaa. Hé na, naate waa dɛ ba n lee tɛ bá kpo mɛ laanee la.”

Matiu 26:46 ပူးပေါင်းရင်းမြစ်များ

Matiu 26:45

O berɔ ba o habɔteŋra la be dɛ ba pɛɛ ba ŋɔ, “Domii he chɔ dɛɛ onaa? Saŋ baa dɛ ba Men Nɛn Bie la kpɔe do wechɔɡ-ɛɛra nɔn ta la telo.

Matiu 26:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra fi dɛ banɛ la bini bɛl la denɔ ba. Dɛ nɛnlaa tenten Sɔfonomonome ne bela nomonome aa tom ba kpoŋe keri ne ɡule ja Judas nɛɛ ba ba.

Amanesoma Mak Aa Chwera Tɔn 14:42

Hé ir yá kaa. Hé na, naate waa dɛ ba n lee tɛ bá kpo mɛ laanee la.”

Amanesoma Luk Aa Chwera Tɔn 12:50

Wahala ane chɔ n sie a chɛ kɛŋɔ bá do mɛ a ta kɛŋɔ ba dɛ sɔ nɛn Korowii ne aa, ba yon doo nee ta la. Dɛ n ta a ɡɛ wahala la nae tonaa, n bambile ta men sɔɔhnɛ.

Amanesoma Luk Aa Chwera Tɔn 22:15

Belaa Yeesu ŋɔ o habɔteŋra la be ŋɔ, “A ɡɛ Galekaa kondikwaa nɔ waa fa lɔ n bambile bini wubwa, asɛ mɛɛ nyin kɛ n ne he dia mɔɔ ba ɛɛ mɛ hɔhɔrɔwa.

Amanesoma Luk Aa Chwera Tɔn 22:21

O berɔ ŋɔ ba be ŋɔ, “Hé no! Naate waa lee mɛ tɛ la lɔ bonɔ n ne o pɛ nɔn dɛɛ di kwa.

Amanesoma Luk Aa Chwera Tɔn 9:51

Tɔpere aa dɛ tel kɛ Korowii kpɔ Yeesu kaa o be nyundua la, Yeesu kpɔ o te, dɛ den chiɡ ŋwɛnɛ ta dɛ pa sie dɛɛ kaa Jerusalam.

Amanesoma Jɔn Aa Chwera Tɔn 14:31

kɛ a chɛ kɛŋɔ harɛ nɔ ta nɛra bwa jemɛ kɛ n dɛ nyin n Mɛɛ la, a waa mɛɛ ɛ anɔ la bwa waa do mɛ ŋɔ ń ɛ la. Hé ir, yá le bonɔ.”

Amanesoma Jɔn Aa Chwera Tɔn 21:20

Baa dɛ kaa la, Pita keo nyiŋi dɛ na kɛŋɔ o dɔŋ habɔteŋre Yeesu aa dɛ nyinu kohona la teŋɛ ba nɛ. Onee fa soɡa kpaɡɛ Yeesu ɡɛ saŋ o ne o habɔteŋra la aa chema tiɡ ta, asɛ dɛ bɔɔro naate waa dɛ ba o lee tɛ la.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

1 Samoɛl 17:48

Goliat aa suuhna dɛɛ tel dɛ́ ba yoo la, Devid chwao ka puu bela baa dɛ ba yoi la warane.