Matiu 26:26 - mzwDBL

²⁶ Baa dɛ di kwaa la la, Yeesu kpɔ paanoo dɛ jam Korowii o wa, asɛ dɛ mɔne tɛ o habɔteŋra la dɛ ŋɔ, “N bo-olii la. Hé lɛ dɛ́ di.”

Matiu 26:26 ပူးပေါင်းရင်းမြစ်များ

We-ɛɛla 20:7

Memene wee jɔmɔra ne la, ya asɔre tena la chemo dɛ di kondikwaa ya Dɔɔ aa kpɔa ja yaa ŋɔ yá kpɔ dɛɛ lii o waa la, asɛ Pɔɔl bol Korowii Waa dɛɛ baɡle yaa. Dɛ o fe dɛ nyin kɛŋɔ tɔɔ peraa ó kaa, anomanta, o bol waa ka tel harambaŋa.

1 Kɔrent 10:4

A berɔ che Korowii kpeɡri ta ba dɔ nee dɛ nyɔ. Bwe taa ba dɔ nee la le. Kristoo bwe la, dɛ faa teŋɛ ba nɛɛ ba kaa.

We-ɛɛla 2:46

Tɔpebii te bɛlbwaa baa cheme Korowii Dea, dɛ pɛ dɛɛ di kwaa ba deremi silɛɛ ne tepoŋ ne.

Amanesoma Luk Aa Chwera Tɔn 24:30

Kondiiɡa saŋ aa tela ba ka cheme tiɡ ta la, o kpɔ paanoo dɛ jam Korowii dɛ kuuɡi do ba nɔɔra ta.

Amanesoma Mak Aa Chwera Tɔn 6:41

Yeesu kpɔ paanoo anue la ne pɛŋa anɛ la dɛ ha sie dɛ nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba, dɛ mɔne pɛŋa la ɡe tɛɛ ba ŋɔ bá bɔne tɛɛ ba,

Matiu 14:19

O ɡel nɛra la bwa so harɛ kpɔɡlor la ta, asɛ dɛ kpɔ paanoo anue la ne pɛŋa anɛ la, dɛ ha sie nyiŋi nyundua dɛ jam Korowii, dɛ mɔne paanoo la do o habɔteŋra la nɔɔra ta dɛ ŋɔ bá bɔne tɛɛ ba,

Matiu 26:27

Asɛ dɛ berɛ kpɔ numol ne sen dɛ jam Korowii dɛ ŋɔ, “Hé bwa nyɔ sen nɔ ane.

Amanesoma Luk Aa Chwera Tɔn 22:17

Belaa Yeesu kpɔ numol ne sen dɛ jam Korowii dɛ kpɔ tɛ o habɔteŋra la ŋɔ, “Hé nyɔ ka tɛ dɔŋa.”