Matiu 26:24 - mzwDBL

²⁴ Men Nɛn Bie nɔ ɛɛ sewɔɔ ɡɛ Korowii Tɔn aa dɛ baɡle la, kɛ naate waa lee mɛ tɛ bá kpo la, bwɛɛlɛ. Dɛ ba fe ta naate lolɛ ɡba fe bɔ!”

Matiu 26:24 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Yela 55:15

N Naa Korowii, ɡel n dɔma piɡri serewe, ɡel ba huɡ ba dɛ ba siwi ta lole, dɛkalkɛ wechɔɡa lɔ ba bambile ne ba deremi.

Yela 55:23

Kɛ hen Korowii, hɛɛ taɡɛ nɛra baa dɛ kpoo nɛra, ne nyosonteŋna laanee do ba lalbɔɔne bini, bá serewe mɔɔ ba saŋ tel. Kɛ n te, n kpɔ n te dawɛ hen Korowii nɛ.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Matiu 18:7

Harɛ nɔ ta nɛra, hé bwɛɛlɛ, he dɔŋa neɡra dɛɛ do wechɔɡa ta nomanta. A ɡɛ waa la ɛɛ bao te, kɛ naate waa ba a ne la, ó bwɛɛlɛ.

Matiu 26:31

Yeesu ŋɔ ba be ŋɔ, “Jwaana nɔ ne he bwa ɛɛ chwao kaa ɡel mɛ, ɡɛ baa chwera Korowii Tɔn bini ŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre’ la.

Matiu 26:54

Kɛ n ɡelɔ a ba ɡɛ naa, dɛ waa baa chwera bil ŋɔ ɡɛɛ chɛ kɛŋɔ á ba la ta berɛ ɛ ɡɛ kpa.”

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Amanesoma Mak Aa Chwera Tɔn 14:21

Men Nɛn Bie la ɛɛ sewɔɔ ɡɛ Korowii Tɔn aa baɡla kɛŋɔ mɛɛ ɛo la. Kɛ naate waa yoɡ mɛ tɛ bá kpo mɛ la, ó bwɛɛlɛ! Ba fe ta on lolɛ kwaraa fe bɔ!”

Amanesoma Mak Aa Chwera Tɔn 9:12

Asɛ o chaŋe ŋɔ, “Elaejaa dɛ tɔ sie ba kpela, dɛ́ ba kwaa ŋwɛnɛ mɔɔ. Kɛ ɛrɛ waa Korowii Tɔn la ŋɔ Nɛn Bie la dɛ ba wahala nae kohona, kɛ nɛwɛnyini sie aa o tɔɡa ba laɔ?

Amanesoma Luk Aa Chwera Tɔn 22:22

Gɛ Korowii aa baɡla la taa aa ba cheɡa Men Nɛn Bie la sewɛ, kɛ naate waa lee mɛ tɛ ba kpo mɛ la, ó bwɛɛlɛ.”

Amanesoma Luk Aa Chwera Tɔn 24:46

Dɛ berɛ ŋɔ ba be ŋɔ, “Ba chwerɔ ŋɔ Kristo la chɛ kɛŋɔ ó na wahala nɛra nɔn ta bá kpoo, ásɛ o seo habɔɔ tɔpera atoro la, ó ir seo ta,

Amanesoma Jɔn Aa Chwera Tɔn 17:12

N fa aa lɔ ba be la, n kpɔ sɔn haa tɛ mɛ la kpeɡri tɔ ba nɛ, ba bɛlbwa ta n nɔn ta nyoɡrɛ, nemenɛ onɔ la baa chwerɛ o waa he Tɔn bini ŋɔ wɛɛ nyoɡroo la, o ɡbosoroo nyoɡra, ásɛ he Tɔn bini waa la ɛ kpela.

Amanesoma Jɔn Aa Chwera Tɔn 19:24

Anomanta, soojare la ŋɔ dɔŋa be ŋɔ, “He bɛ ɡel ya kɛɛro. Hé ɡel ya ta chacha, naate waa di la ó kpɔ.” Ba chwerɛ Korowii Tɔn bini ŋɔ, “Baa kpɔ n laalaa bɔne dɔŋa, dɛ́ ta chacha dɛ́ na naate waa di n batakaare.” Gɛ baa chwera laanee soojare la ɛ, dɛ ɡel a ɛ kpela.

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

We-ɛɛla 28:23

Ba tɛo tɔpere baa kpɔ ba no o nyoa wobol. Tɔpere la aa tela la, ba ba o be pirim o dea bela. Pɔɔl le chɔɔ dɛ baɡ ba Korowii Kora waa ka tel jwaana. O bol Yeesu wa, dɛ lii ba waa Mosis ne Korowii keamere faa chwera Korowii Tɔn bini la bwa, dɛ fe ɛɛ nyin kɛ ba sɛh ŋɔ Yeesu waa ba faa chwerɛ la.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

1 Kɔrent 15:3

Gɛ Korowii aa baɡ mɛ laanee n baɡle heyaa la. O baɡle waane aa ɛ wejena kɛŋɔ ɡɛ Yeesu Kristo aa koh ya wechɔɡa waa dɛ sewɛ ɡɛ Korowii Tɔn aa baɡle o waa mɔɔ a ɛ la.