Matiu 25:4 - mzwDBL

⁴ Kɛ wejerema la te kpɔ noo do loŋa ta dɛ ja ba kandere la ta.

Matiu 25:4 ပူးပေါင်းရင်းမြစ်များ

Yela 45:7

He dɛ nyin waa aa toɡra, dɛ ki wechɔɡa. A waa Korowii haa dɛ tomɔ lee cheɡ he bala koranar bwa bini, dɛ fuɡe noo do he nyu ta dɛ tɛɛ silɛɛ.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Matiu 25:2

Ba bini banue ɛ ɡɛna, banue ɡe ɛ wejerema.

Matiu 25:3

Gɛna la ta noo kpɔe ásɛ dɛ ba kandere la bini noo tonaa bá kpɔ do.

Matiu 25:5

Hanfale jaa la ta fele ba, anomanta, dom chuɡli bitoli la, ba bwa chɔɔɡe doromi.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Amanesoma Jɔn Aa Chwera Tɔn 3:34

Nɛn Korowii aa tomɔ la, Korowii wobolee wɛɛ bol, dɛkalkɛ Korowii tɛo o Domadɛɛɡe la tɛɛ tenten.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

2 Kɔrent 1:22

dɛ do yaa nso aa baɡle kɛ onee dɔ yaa, dɛ tɛ yaa o Domadɛɛɡe la wɛɛ so ya nɛ, ásɛ ya che a ta dɛ́ jemɛ waa bwa waa ɛa cheɡ yaa.

1 Jɔn 2:20

He te dɔ Korowii Domadɛɛɡe la he nɛɛ dɛ le Korowii Biɡoroŋ la be, dɛ jemɛ o kasinteŋ waa la bwa.

1 Jɔn 2:27

Yeesu Kristo aa dɔa tɛ heyaa Korowii Domadɛɛɡe o do he bini nɔ, haa nomɛlbwa nyin o baɡle heyaa waa kpa. O Doma la dɛ baɡle heyaa wobɛlbwa. O ɛ kasinteŋ te, waa nyosone teŋe. Hé no anɔ la waa dɛ baɡle heyaa la, ásɛ dɛ kpɔ he te pɛ Yeesu Kristo nɛ.

Tɔn Jud Aa Chwera 1:19

A ɡɛ nɛra nɔɔ ɡela he ne he asɔre tena dɔŋa baah ɛɛ peɡri la. Harɛ bonɔ som lɛ ba liire bwa. Korowii Domadɛɛɡe la toole ba nɛɛ kwaraa.