Matiu 25:35 - mzwDBL

³⁵ dɛkalkɛŋɔ lɔr aa dɛ kpo mɛ la, he tɛ mɛ kondikwaa n di, nyɔɡre aa dɛ kpo mɛ la, he tɛ mɛ nee n nyɔ. Maa ɛ hɔɔh la, he kpɔ mɛ kaa he deremi,

Matiu 25:35 ပူးပေါင်းရင်းမြစ်များ

Ɛsekeɛl 18:16

kɛɛ waa nomɛlbwa fiiɡi, o kemɛ nɛn suuɡa aa waa kon lɛɛ dɛɛ cheɡ o buɡ ta. Waa ŋwɛ, o dɛ tɛ nɛn lɔr aa dɛ kpoo kondikwa, dɛɛ tɔ nɛn waa wola yal dɔe yal.

Ɛsekeɛl 18:7

waa nomɛlbwa fiiɡi, o berɛ nomɛlbwa kon waa lɛa cheɡ mɔɔ dɛ kemɔ suuɡa la dɛɛ tɛo. Waa ŋwɛ, lɔr dɛ kpo nɛn aa, o dɛ tɛo kwaa wɛɛ di, nomɛlbwa waa wola yal dɔe la, o dɛ tɛo.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

Job Tɔn 31:32

Kɛɛ hɔɔh bɛlbwa ta fɔɡbaah chɔe jwaana, dɛkalkɛ saŋ bɛlbwaa mɛɛ lɛ hɔɔhra n dem,

Tɔn Pɔɔl Aa Chwerɛ Rom Tena 12:20

He bɛ waa kem dɛɛ bɔ. Hɛ́ɛ ɛ ɡɛ Korowii Tɔn aa ŋɔa hɛ́ɛ ɛ la. “He dɔm chɔ lɔr aa, tɛo kondikwaa ó di. Nyɔɡre dɛ kpoo waa, tɛo nee ó nyɔ. He ɛ ken aa, sihiih dɛ ba o kpoe o baŋa ɡole.”

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Ɛfesos 4:28

He fa dɛ ŋwɛ kɛɛ? Hé ɡel ɡɛ ɛɛ dɛ́ kpɔ he nɔɔra haa kpɔa dɛɛ ŋwɛ la dɛɛ ɛ tondɛɛɡa dɛ́ dɔ dɛɛ di, dɛ́ won dɔ ane dɛɛ tɛ nyaara ba ɡee di.

Tɔn Pɔɔl Aa Chwerɛ Rom Tena 16:23

Men Pɔɔl dea te Gayos dɛ na heya. O deemii bonɔ asɔre tena ɛɛ cheme. Erastos waa dɛ cheɡ bwɛɛ nɔ suuɡa la, o ne ya dɔŋ Kwaatos bwa dɛ na heya.

We-ɛɛla 16:15

Ya sɔ o ne o dem tena bwa Korowii ne, asɛ o soŋe yaa ŋɔ, “Dɛ he jemɔ ŋɔ n dɛ tomɛ Korowii kɛrɛdɛ naa, amɔ hé ba so n be.” O soŋe yaa, asɛ ya kaa o dem.

We-ɛɛla 11:29

Belaa Yeesu habɔteŋra la ŋɔ baa pu siee ta suuɡa ɡɛ ba bɛlbwa aa wona laanee, dɛ́ ka tɛ ba bala asɔre tena baa lɔ Juda harɛ la mɔɔ lɔr la ba.

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Amanesoma Jɔn Aa Chwera Tɔn 13:29

Dɛ Judasee chɔ ba suuɡa bwa nyoa. Anomanta, dɛ ba bini bane dɛ lii kɛ Yeesu ken dɛ ŋɔ o be ŋɔ ó ka nyin tɔpejen la kondikwa. Dɛ ɡɛ laa ɡe aa, amɔ o ken ŋɔ ó ka tɛ nyaara suuɡa.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Amanesoma Mak Aa Chwera Tɔn 14:7

Nyaara aa he be paŋa ba bwa. Dɛ he dɛ nyin ban wedɛɛɡa ɛɛ yaa, hɛɛ wonoo dɛɛ ɛɛ ba saŋ bɛlbwa. Kɛ n te, maa he bee do ka tonɛ.

Matiu 26:11

Nyaara te, he ne banee lole tɔperee bwa, kɛ n te aa he bee do ka tonɛ.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Sɛɡla 25:21

He dɔm chɔ lɔr aa, tɛo kondikwaa ó di. O ta nee dɔe dɛ́ nyɔ aa tɛo ane.

Sɛɡla 22:9

Nɛn waa dɔ tesom dɛɛ tɛ nyaara kondikwa la, Korowii ɡelɔ wɛɛ na som.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Sɛɡla 14:31

He dɛ do nyaara weweele aa, he dɛ chɛɡɛ Korowii waa ta ba, kɛ he dɛ ɛɛ ba kɛrɛdɛ naa, he dɛ tɛ Korowii jirima.

Sɛɡla 14:21

Nɛn waa dɛ na nyaara sum la, o na som, kɛ a ɛ wechɔɡa kɛŋɔ he hah he dɔŋ, dɛɛ nyiŋi o nyubaah.

1 Koranar 17:11

Haah la aa dɛ kaa ka ɛ nee la, Elaeja berɛ ŋɔ, “Mɔn paanoo tama ja ba tɛ mɛ.”