Matiu 25:17 - mzwDBL

¹⁷ Gɛ tentenee onɔ la waa dɔ bɔre anɛ la ɡe berɛ dɔ a dɔŋa ja o kwaa ta.

Matiu 25:17 ပူးပေါင်းရင်းမြစ်များ

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

2 Samoɛl 19:32

Dɛ Baasilai hwɛɛhrɔ kɛrɛdɛ, dɛ o dɔ bene fifraanuatoro. O dɔ suuɡa taeh, ɡɛ saŋ kooro fa aa soɡe Mahanaim la, dɛ onee dɛɛ tɛo kondikwa.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.

Matiu 25:18

Bonɔɔ la waa dɔ bɔrbeŋkpoŋ la te kpɔ o kwaa ka huɡe harɛ.

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Ɛfesos 5:16

Wechɔɡa lole kɛrɛdɛ taraken. Anomanta, hé takapɔ dɛɛ ɛ wedɛɛɡa taraken nɔ haa dɔ bɔr dɛ́ ɛa nɔ.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

1 Pita 4:10

Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.