Matiu 24:6 - mzwDBL

⁶ Hɛ́ɛ no laa ɡbɔɡaa he jwɛh, ásɛ dɛɛ no ane ɡe ɡbɔɡa bojaŋa. Kɛ dɛ he ba dɛ na ɡɛ naa, he bɛ ɔmɛ. A chɛ kɛ ɡɛ waa nɔ bwa chiɡ, kɛ dɛ a laa dɛɛ chaɡle kɛ waa bwa jaɡa saŋ la telo.

Matiu 24:6 ပူးပေါင်းရင်းမြစ်များ

Yela 112:7

Waa wechɔɡa noɛ dɛɛ ɔmɛ, o yarada kan, o kpɔ o te dawɛ Korowii nɛ.

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Aesaya 7:4

Ŋɔ Kooro Ahas be ŋɔ ó sɔɔh bwara, wɛ́ɛ berɛ ɔma. Wɛ́ɛ berɛ ɡela o bambile chɔɡ. Ŋɔ o be ŋɔ, nindaa anɛ chuu ɔma ɡwaa Kooro Resin, ne o harɛ Siiria tena dɛ Kooro Pɛka ne o nɛra bandia.

Jeremia 47:6

He yon dɛɛ wi ŋɔ, ‘N Naa Korowii, he kpoŋe he kere, saŋ besoo hé kpɔ kere la kpoo nɛra ka tel ɔ? Kpɔɔ do o tɔɔ bini ó chɔ bela jeih ken.’

Ɛsekeɛl 21:28

Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Matiu 2:3

Kooro Hɛrɔd ne Jerusalam tena bwa aa no ɡɛ kooro nɔ waa la, ɔmee laɡ ba.

Matiu 24:14

Baa bol Korowii Kora Amanesoma nɔ waa harɛ nɔ ta bobɛlbwaa, ásɛ nɛwɛnyini te bɛlbwa no mɔɔ waa bwa jaɡa saŋ la tel.”

Matiu 26:54

Kɛ n ɡelɔ a ba ɡɛ naa, dɛ waa baa chwera bil ŋɔ ɡɛɛ chɛ kɛŋɔ á ba la ta berɛ ɛ ɡɛ kpa.”

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Amanesoma Luk Aa Chwera Tɔn 21:9

Dɛ he baa no laa yoi waa ne harɛ vuuɡa waa bobɛlbwa naa, he bɛ ɔmɛ. A chɛ kɛ ɡɛ waa nɔ bwa chiɡ. Kɛ dɛ wobɛlbwa jaɡa la ta tele mɔɔ.”

Amanesoma Luk Aa Chwera Tɔn 22:37

Ba chwerɛ Korowii Tɔn bini ŋɔ, ‘Ba kuro ja wechɔɡ-ɛɛra nɛ.’ N waa baa chwera la bwa dɛ ba chiɡa taraken.”

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

2 Tesalonika 2:2

hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

Wepila 6:4

Belaa jaaɡɔ bɛl ɡe le, o bwa swɛɛrɔ peihpeihpeih ken. Dɛ ba tɛ naate waa soɡe o ta la kpeɡri ŋɔ ó chɔɡ beŋkpoŋri ɛɛ harɛ bwa ta, ásɛ nɛra kpoo dɔŋa. Tokobijen bɛlee ba tɛo o kpɔ kaa.