Matiu 24:47 - mzwDBL

⁴⁷ Kasinteŋ, n dɛ ŋɔ he be, o dɔɔ la ɛɛ kpɔ o komɛlbwaa do o nɔn ta ŋɔ wɛ́ɛ nyiŋi a ta.

Matiu 24:47 ပူးပေါင်းရင်းမြစ်များ

Sɛɡla 14:35

Kooro bɛlbwa siwi dɛ su o bonɔɔ waa jemɛ wa. O dɛ tɛr onɔ la waa dɛ ɛ sihihwaa deŋne.

Daneɛl 12:3

Nomonome baa ɛ wejerema la ɛɛ chaahnoo kɛŋɔ nyundua, ásɛ banɔ la baa baɡle nɛra bane waa a che a ta ba waa toɡre la, baa doo kɛŋɔ weweela dɛɛ chaah saŋ bɛlbwa.”

Matiu 24:46

Dɛ o dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, o sie ɛɛ lɛo.

Matiu 24:48

Kɛ dɛ o ɛ bonɔnchɔɡe, asɛ dɛ ŋɔ, ‘N dɔɔ ŋwɛnɛ nɔ waa kaala nɔ, waa ba taraken,’

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Matiu 25:23

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Luk Aa Chwera Tɔn 12:44

Kasinteŋ, n dɛ ŋɔ he be, o dɔɔ la ɛɛ kpɔ o komɛlbwaa do o nɔn ta ŋɔ wɛ́ɛ nyiŋi a ta.

Amanesoma Luk Aa Chwera Tɔn 19:17

Anee nomoa la ŋɔ, ‘Jam, bonɔndɛɛɡe, he ɛ wa! Gɛ haa di kasinteŋ tamaa nɔ ta nɔ, mɛɛ ɡeloo he nyiŋi bwɛɛre fi ta.’

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

1 Pita 5:4

He dɛ ɛ ɡɛ naa, Peteɡra Bwa Dɔɔ la balaa, wɛɛ tɛ heyaa jirima kon o wer aa wola tu bwa, o ɛ kompoŋ haa yoa dɛ le ba vɔwɛ heya.

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.