Matiu 24:43 - mzwDBL

⁴³ Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa domii chɔ dɛ́ ɡel o ba jo dem dɛ́ ŋwɛo.

Matiu 24:43 ပူးပေါင်းရင်းမြစ်များ

Job Tɔn 24:16

Ŋwɛɛra ku deene ɡbeni dɛɛ jo a bini jwaana, kɛ webaŋa dɛ ba tɔ ba te do dea, baa bɔr chaahna nyin dɛ́ kpɔ ɛ wobɛlbwa.

Sɛɡla 7:19

N jaa toole, o kaa bobɛl, bela jaŋne.

Matiu 14:25

Jabal loɡla sii saŋ la, Yeesu valɔ kpɔ nee la sie dɛɛ kaa ba be.

Matiu 20:11

Baa lɛ ba kembɔr la dɛ ba berɔ dɛɛ naɡre paa la waa ŋɔ,

Matiu 24:42

Anomanta, hɛ́ɛ do dɛɛɡɔ, dɛkalkɛ haa tɔpere la ne saŋ la he Dɔɔ la aa ba jemɛ.

Matiu 24:44

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.

Matiu 25:10

Gɛ saŋ bitoli ɡɛna la aa chiɡ ŋwɛnɛ ta kaa noo la yawa la taa hanfale jaa la ba. Wejerema la aa kpɔ ba te la, ba dɔ bɔr teŋɛ hanfale jaa la nɛɛ dɛ ka di hanfale kondikwaa la. Baa joa tonɛ la, dem te den laa ɡbera la tɔ.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Amanesoma Mak Aa Chwera Tɔn 13:35

Hɛ́ɛ nyiŋi kɛrɛdɛ, dɛkalkɛŋɔ he ta wone jemɛ tɔɔ la wee dem te la aa dɛ ba bala. Bɛl lole jwaanaa wɛɛ ba bala. Gɛ laa ɡe aa, harambaŋa ne. Bɛl lole o ta jabala siiɡa saŋ balaa, chɔɔbɔree wɛɛ ba bala.

Amanesoma Mak Aa Chwera Tɔn 6:48

O nao kɛŋɔ baa won tawɛ kɛrɛdɛ kpa, dɛkalkɛŋɔ dɛ peu tao dɛɛ chem ba. Jabal loɡla sii saŋ la, o valɔ kpɔ nee la sie dɛɛ kaa ba be, dɛ fe ɛɛ nyin o tel ba kɛrɛdɛ.

Amanesoma Luk Aa Chwera Tɔn 12:38

Dɛ ba dɔɔ la balɔ jwaana kɛɛ harambaŋa dɛ ba puu ba kɛ ba soɡo kpao waa, ba sie ɛɛ lɛo.

Amanesoma Luk Aa Chwera Tɔn 12:39

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa ɡel ó won ba jo o dem dɛ́ ŋwɛo.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.