Matiu 24:39 - mzwDBL

³⁹ Kɛ ba ta wone jemɛ waa aa dɛ ba bala ka tel ɡɛ saŋ nee la aa sua dɛ ba kpɔ ba bwa kaa. Gɛɛ Men Nɛn Bie la bala la ɛɛ ba nɛra piɡra.

Matiu 24:39 ပူးပေါင်းရင်းမြစ်များ

Amanesoma Jɔn Aa Chwera Tɔn 3:20

Nomɛlbwa waa dɛ ɛ wechɔɡa la, waa bochaah nyin, dɛkalkɛŋɔ o le bochaah ta naa, nɛra ɛɛ na o wechɔɡa laanee.

Matiu 24:37

Men Nɛn Bie bala ɛɛ piɡri nɛraa kɛ Nowa saŋ nesuuli la aa baa piɡri nɛra la.

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

2 Pita 3:5

Ba saahnɔ laa ba liire kpɔ ɡɛ Korowii fa aa kpɔ nyoa bol waa a saŋ la asɛ nyundua ne harɛ pa mun la ta. Nee nee Korowii ta harɛ, nee taa harɛ le.

Sɛɡla 29:7

Nɛn o wa aa toɡra la jemɛ waa aa wera tɛ nyaa, kɛ nɛnchɔɡe te waane laa o wa.

Sɛɡla 24:12

Bɛ sie laa kpɔ waane ta, dɛ́ ŋɔ he waane laa. Korowiirii jemɛ bambile bɛlbwa wa. Wɛɛ bɔ bɛlbwa kemee ɡɛ waa ɛa.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

Aesaya 42:25

A waa o ɡel o bandia waa kana kohona ba ba nɛ, dɛ ɡel ba na waa laa ta. A do kɛ o mar nii bar Israel harɛ ken, kɛ ba ta kpɔe do ba nyu bini. Nii la nyaa ba, kɛ ba ta wobɛlbwa ɡe hwele dɛ le a ta.

Sɛɡla 23:35

Hɛɛ boloo ŋɔ, “Ba lɔ mɛ, kɛ ba ta men bol doe.” Dɛ berɛ ŋɔ, “Ba lɔɔ mɛ, kɛ maa jemɛ. Saŋ besoo mɛɛ ba ira dɛ́ ka nyin sen nyɔ jaɔ?”

Sitɔɔla 20:34

Israel tena kaɡboŋa fi baa jemɛ yoi kohona laanee lea dɛ ba yo Gebea tena, dɛ yoi la kpeɡri awola tɔpere. Dɛ Bɛnjamen dea tena la ta jemɛ kɛŋɔ ba seo tɔperee awola.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Mumpar 7:23

Korowii chɔɡ hweera kwaa bwa aa lɔ harɛ nɔ ta.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Matiu 24:30

A taa hɛɛ ba waane nyundua nae a chaɡle Men Nɛn Bie la kpeɡri, ásɛ harɛ nɔ ta nɛra bwa na dɛ́ wi, ásɛ dɛ na kɛŋɔ Men Nɛn Bie la aa le nyundua baama bini dɛɛ ba kpeɡri ne jirima tenten ne.

Matiu 24:40

Gɛ saŋ la, nɛra banɛ ɛɛ dɛɛ ɛ toma koo taa, ásɛ ba ba kpɔ beŋkpoŋ kaa, dɛ́ ɡel bɛl.