Matiu 24:36 - mzwDBL

³⁶ Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

Matiu 24:36 ပူးပေါင်းရင်းမြစ်များ

Sekaria 14:7

Gɛ tɔpere la dɔŋ ta balɛ bwa, webaŋa toole, jwaana ɡe toole, Korowii ɡboo jemɛ a ɡɛ tɔpere la wa. Hale jwaana kwara dɛ bɔr ta chaahnɔ.

Matiu 24:42

Anomanta, hɛ́ɛ do dɛɛɡɔ, dɛkalkɛ haa tɔpere la ne saŋ la he Dɔɔ la aa ba jemɛ.

Matiu 24:44

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.

Matiu 25:13

Yeesu aa bol ɡɛ tonɛ la, o berɛ ŋɔ, “Anomanta, hé ɡel he sie do le hɛɛ kpa, dɛkalkɛ haa tɔpere la ne ɡɛ saŋ maa dɛ ba bala la jemɛ.”

Amanesoma Mak Aa Chwera Tɔn 13:32

Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

We-ɛɛla 1:7

Belaa Yeesu ŋɔ, “N Mɛɛ nɔn taa wobɛlbwa ne a tɔpere bwa do. He ta kpeɡri dɔe kɛŋɔ he jemɛ tɔpere la waane aa dɛ ba chiɡa.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.