Matiu 24:15 - mzwDBL

¹⁵ Yeesu berɔ ŋɔ, “Hé naate haa kure tɔn nɔ bonɔ la no a mun kɛrɛdɛ. Hɛɛ na konchɔɡechɔɡe Korowii keame Daneɛl fa aa bol o waa ŋɔ o dɛ paɡre bwɛɛ la cheɡa Korowii Dea boɡoroŋ bela.

Matiu 24:15 ပူးပေါင်းရင်းမြစ်များ

Jeremia 44:29

Anɔɔ ɛ waa dɛ́ baɡle kɛŋɔ bonɔɔ mɛɛ ba he deŋne tɛra, ásɛ he jemɛ kɛŋɔ kaeh maa dɛ kah heya ŋɔ mɛɛ chɔɡ heyaa la ɛ kasinteŋ.”

Ɛsekeɛl 40:4

Baa la ŋɔ n be ŋɔ, “Nɛwɛnyini bie, nyiŋi kɛrɛdɛ, dɛ́ cheɡ deŋne no waa maa dɛ ba he be bola nɔ kɛrɛdɛ, dɛkalkɛ a waa n ba he ne bonɔ. Ásɛ dɛ ka bol wobɛlbwa haa naa Israel tena be.”

Daneɛl 1:6

Nɛra baa kaa lee ba le Juda dea tena bini la banee, Daneɛl ne Hanania ne Mesael dɛ Asaria.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Daneɛl 9:25

Do waa nɔ dɛɛɡɔ dɛ́ jemɛ kɛŋɔ, le ɡɛ saŋ Korowii aa bola ŋɔ bá berɛ kwaa ma Jerusalam la, aa ɛ bene anuanɛ bele anuanɛɛ, ásɛ ba kwaa vɔrɔwe Jerusalam ɡɛ o fa aa doa la, dɛ́ berɛ kwaa o fɔɡbaahna, dɛ́ ma danjwɛkpeɡa baro bene anuanɛ bele fifraanumɛl dɛ anɛ mɔɔ nomoa Korowii aa leo la ba. Aa bao wahala saŋ.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Matiu 24:16

Gɛ saŋ la telaa, a chɛ kɛŋɔ Juda harɛ tena chwa le Juda ka sɔh bwejena la baah.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Amanesoma Luk Aa Chwera Tɔn 19:43

Tɔpere bɛl ɛɛ bao ásɛ he dɔma ba ma danjwɛɛ bar he bwɛɛ nɔ, dɛ́ tɔ heyaa do haa wola won le.

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

Amanesoma Jɔn Aa Chwera Tɔn 11:48

Dɛ ya ɡelo waa, nɛra kɛrɛdɛ bwa ɛɛ yaradao, ásɛ a che a ta ya dɔɔranar Rom tena dɔ bɔr dɛ́ ba lɛ ya Korowii Dea nɔ ne harɛ nɔ bwa kpeɡri dɛɛ di.”

We-ɛɛla 21:28

dɛ kpɔ takpeɡ dɛɛ ŋɔ, “Israel tena, hé ba cha yaa oo! Baa nɔɔ vala dɛɛ bol waa bobɛlbwa dɛɛ yaɡɛ ya Israel tena ne Mosis Mmara ne Korowii Dea nɔ la. Name te kwara doŋaa o kpɔ baa jo ya Korowii Dea nɔ bini. Nɛra baa wola Juu tena ɛɛ, Grik tena baa wola chɛɛ kɛŋɔ ba jo Korowii Dea la, banee o lawɛ baa jo o bini!”

We-ɛɛla 6:13

Ba ɡelɔ nɛra bane ɡe ba teŋe nyosone, dɛ bol waa baa wola nae bwa dawɛ Steeven nɛɛ ŋɔ, “Tɔpere bɛlbwaa baa nɔ bol waa dɛɛ yaɡɛ ya Korowii Dea nɔ ne Mosis Mmara la.

Hibru 2:1

Gɛɛ a do te naa, a chɛ kɛ ya do sie dɛ nyiŋi waa yaa noa la kɛrɛdɛ, ásɛ dɛ bɛ ba koni dɛ́ nyoɡre ŋwɛnɛ.

Wepila 1:3

Naate waa kure tɔn nɔ bini wa, dɛ baɡle wa aa dɛ ba chiɡa nɛra no la, o na som. Banɔ la ɡe baa no waa baa kure la, dɛ́ ɛ waa waa baɡla la, ba ɡba na som. Tɔpere waa kaa ásɛ waa nɔ bwa chiɡ la aa kanɛ kpa.

Wepila 3:22

Nomɛlbwa waa dɔ deŋne la, ó no waa Korowii Domadɛɛɡe la aa dɛ bol asɔre tena be la.”